2 Mokole 22:19 - Wunta Mempori

¹⁹ hangano omue me'o'ole ka me'urumako i aro-Do i Ue, ka u'amba berio sangkamu ka mengese i aro-Ku mansamu rumongeo songka anu Kupauo mongkona po'ianga andio ka palilino nine ira megagi mongkokongiria ka totonaa, onaemo ka Kurongeo, kanandiomo pau-Do i Ue.

2 Mokole 22:19 ပူးပေါင်းရင်းမြစ်များ

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

2 Mokole 19:20

Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: Hapa anu umariomo upekakaiakono ndi Ongkue mongkona i Sanaheri, mokoledo to Asuri, Kurongeomo.

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

2 Mokole 22:11

Rumongeo luwuno pauno wunta songka Taura atuu, doberio mokole sangkado.

2 Tawarika 32:26

Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia.

2 Tawarika 33:12

A laro tepakadano, onae merokuhi mokomolusao aroa-Do i Ue, Ue Alano. Onae tedoa me'urumako i aro-Do Ue Alado uempu'uno,

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 33:23

Sine onae nahi pe'urumako i aro-Do i Ue kana i Manase, amano me'urumako. Tendeano i Amoni laluaopo mbo'u hadio salano.

2 Tawarika 34:27

hangano omue me'o'ole ka me'urumako i aro-Do Ue Ala i tempono urongeo pau-Do te'aro a mpo'ianga andio ka palilino, ka hangano me'urumakokomo i aro-Ku, berio sangkamu ka mengese i aro-Ku, onaemo ka Kurongeo, kanandiomo pau-Do i Ue,

Esera 10:1

Kontongaano i Esera menggolontu mekakai ka ipengese mangakuakono hala i arono Raha-Do Ue Ala, tepumpuomo bawaa to Isaraeli hadio ira ntu'u umpeda ndi onae, tama, beine, ka nana'ote. Mia atuudo mpengese meroku ntu'u.

Nehemia 1:4

Mansaku rumongeo lele andio, mentoro akumo mengese ka mo'inombo i larono ba'opia oleo. Mepuasa aku ka mekakai i aro-Do Ue Alano asa wawo langi.

Nehemia 8:9

Wunta atuu, Taura-Do Ue Ala, mengkaa ibinasa ka pinokomengkaa, ranta pobasaa atuu pinokonto'ori.

Po'unde-unde 119:120

Koroiku mondidi-ndidi doitoa-Komiu, kudoitoakono luwuno songka-Miu.

Po'unde-unde 119:136

Uwoi mataku waa kana waaano uwoi, hangano mia nahi pe'ini a Songka-Miu.

Po'unde-unde 51:17

Oo Ue, I'ungkahiomo wiwiku, ka ipaleleo ngangaku po'unde-unde ndi Omiu!

Po'unde-unde 51:19

Pesomba sinumbele ndi Ondae Ue Ala onaemo sumanga anu mopemasusa; aroa anu tedoa mopemasusa ka buke pe'o'ole nahi Komiu mokoburuakono, oo Ue Ala.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Yesaya 46:12

Ronge Akumo hei mia anu mpompelangka-langkai, mia anu me'olai inso a moleoa:

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 66:2

Kombake kae-Ku anu weweuo luwuno, ranta ka igagi luwuno andio? Kanandiomo pau-Do i Ue. Sine, miamo anu kanandio anu kinita-Ku: mia anu tepokonsii ka nahina pompe'osaiano ka anu doitoakono pau-Ku.

Yesaya 66:5

Rongeomo pau-Do i Ue, hei omiu anu medoitoakono pau-Do! Ondae pepaekompomiu anu umo'aliaakomiu, ka lumiahako komiu hangano nee-Ku, mpotae iramo, ”Moikoomo Dopopokitao i Ue maramba-Do, ka kimengkitao mawongkomiu!” Sine, tendeano ondaemo anu ira mempinokoko'ii.

Yeremia 13:17

Tewala nahi mebehe mperorongeakono, aku mengese a ntewuniano hangano pompelangka-langkaimiu. Uwoi mataku ta melolonto, tendeano nte'i'iti, hangano bawaano bimba-Do i Ue winawa mentinawa.

Yeremia 14:17

Pauako iramo pau andio, ”Uwoi mataku nte'i'iti meene ka wongi nahi penaa-naa, hangano ana beine, ana beineno tongkuku, mobela langkai, mobela anu nahi ta tepakuli.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 36:13

Ka i'amba i Mikaia pauako ira luwuno pau anu irongeomo, tempono i Baruki basao wunta atuu i arodo mia hadio.

Yeremia 36:24

Moiko mokole maupo luwuno pegawaino anu rumongeo luwuno pau atuu nahi domedoito ka nahi domeberio sangkado.

Yeremia 44:22

Ondae i Ue nahi Dopokompeteao mbo'u kumitao luwuno wineweumiu anu mosa'o ka hapa anu mokoburu wineweumiu. Hanganomo onae witamiu gagi terawo-rawo, mongkokongiria ka pontotonaa ranta nahina palili, kana kanandio-andio.”

Yeremia 9:1

Ande-andeno uluku insoano uwoi, ka mataku sirikino uwoi mata, meene wongi aku mengesei ira mia anu mempinepate inso i olodo ana beineno tongkuku!

Yehesikieli 9:4

Pau-Do i Ue ndi onae, ”Pelempamo inso i tonga-tongano kota Yerusale ka buriomo aasa petondoni a ra'ido mia anu pompemasusa hangano luwuno wineweu mokoburu anu wineweu i ra'ai.”

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Podoaa 25:6

Tempo atuu asa to Isaraeli hawe mowawa asa mia beine Midia a mpe'etuno i arono i Musa ka luwuno bawaa Isaraeli anu kontongaado mpengese i arono pewowa Kema Tepotowoa.

I LUKASI 19:41

Ka tempono umpeda Iramo i Yesu ka Dokitao kota atuu, Dopengeseio,

Winali 29:23

Luwuno witano mo'aiako belera ka ohia, anu nahi rinawo, nahina hapa anu tuwu, ka nahina maupo pinopaho hapa anu me'umbaako inso ndi onae, kana i tempono Dowowangunsuleo Sodomo ka Gumora, Adema ka Seboimi, a laro ntekuda ka mokulano aroa-Do.

Puu Mpobitara 20:26

Ka do'amba melako luwu to Isaraeli, onaemo luwudo tongku atuu, hawe i Beteli. I ra'ai dompo'ia mpengese i aro-Do i Ue, mempuasa hawe ngkiniwia oleo atuu, ka mpompesombaako pesomba tinunu ka pesomba tetolosia i aro-Do i Ue.

1 Samueli 24:5

Mpotae iramo miano i Daudi, ”Onaemo andio oleo anu dinandi-Do i Ue ndi omue: Kitao, Kupeweengakono iwalimu ndi omue, weweuomo ndi onae hapa anu pinemoikomu.” Mentadeomo i Daudi ka i peningka-ningka sumeseio untuno lemba meloeno i Saulu.