2 Mokole 22:17 - Wunta Mempori

¹⁷ hangano domebinta Aku ka mpotunu pesomba a mpinesombai susua. Hangano luwuno inanggano kaedo mpokontesingkao tekuda-Ku. Tekuda-Ku mbo'u ta tensila a mpo'ianga andio ka nahi pinokompepate.

2 Mokole 22:17 ပူးပေါင်းရင်းမြစ်များ

2 Mokole 21:22

Ipebungkui Ira i Ue, Ue Alado uempu'uno ka nahi tondao sala-Do i Ue.

2 Tawarika 28:25

A sompo kota i Yehuda ipontade ira po'ianga pesombaa ta pontunua pesomba tiano pinesombai susua. Kanandiomo ipokotesingkao tekuda-Do i Ue, Ue Alado uempu'uno.

2 Tawarika 36:16

Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do.

Peluarakoa 32:34

Kanandio-andio lakomo, wawa iramo tongku atuu a mpo'ianga anu umariomo Kupauakomu. Mala'eka-Ku ta melempa i aromu. Sine i oleo pombaloa-Ku, mia atuudo Aku humuku ira hangano halado.”

Yesaya 33:14

Mia mentehala ntededengke i Sioni mia anu mpebungkui Ira i Ue ipabawai ira doitoa. Dompotae, ”Isemake i oloto anu polio mo'ia umpeda api anu mompokomo'ai andio? Isemake i oloto anu polio mo'ia umpeda a pompotuwua api anu nahina tampulaano andio?”

Yesaya 5:25

Onaemo pu'uno, tesingkaomo tekuda-Do i Ue a bawaa-Do, kae-Do Dopotiio ndi ondae ka Dotunduhi ira; torukuno mpondidi-ndidi, ka wata ngkoroido kana ta'i a ntonga nsala. Maupo gagiomo luwuno andio, tekuda-Do napi temonto, ka kae-Do kongkono pinotii.

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 22:9

Mia ta sumangki: Hangano, domengkolupeomo pedandia-Do i Ue, Ue Alado, ka do'amba mpenggolontu mpesombai ira pinesombai susua ka mpesomba ndi onae.”

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yeremia 7:20

Onaemo pu'uno kanandiomo pau-Do Ue Ala: Menteeano, tekuda-Ku ka mokulano aroa-Ku Aku motiio a mpo'ianga andio, a mia, pinotuwu, mperupa-rupa keu a mpada, ka a hasilino wita. Tekuda atuu ta tensila ka nahi pinokompepate.”

Mika 5:13

Aku butao luwuno karuno lahumoamu inso ndi omiu ka rumopuo luwuno kota pesombaamu;

Sepanya 1:18

Salaka ke wulaa nahi pokokadudui ira a oleo tekudaa-Do i Ue. Asa wawontolino ta pingko ikaano api mahakino aroa-Do, hangano matea, tendeano matea mongkokongiri pinotii-Do a luwuno palili i tolino.

Sakaria 1:2

”Ondae i Ue tedoa Ira tekuda a uempu'umu.

Winali 32:21

Dompokomosiria-Kune anu komba Ue Ala, mokontesilaa-Kune aroa-Ku hangano lahumoado. Onaemo pu'uno Aku mokomosiriako ira saru anu komba bawaa, mokontesilaako ira tekudado saru tongku anu motea aroa.

Winali 32:22

Hangano tekuda-Ku pinolangaomo api ka melanga hawe a mpo'iangado mia mate. Api atuu tumunuo tolino ka hasilino, mokomo'aio pu'uno luwuno torukuno.

Winali 32:23

Aku humowuiako ira masolaa, mepanaakono luwuno ana mpana-Ku ndi ondae.

1 TESALONIKA 2:16

hangano inehedo mentombolei kami mempaleleo pau-Do i Ue tekaduduiado tongku susua. Kanandiomo nahi dompenaa-naa mpontiangi halado hawe ka isompo porokono ka kanandio-andio i'alu iramo luwuno pontekudaako.