2 Mokole 19:37 - Wunta Mempori

³⁷ Asa tempo, tempono ipekakai a laro raha mpelahumoaa Nisiroki, dewano, i Adarameleki ka i Sareseri, anano mepateakono ponai. Ka do'amba molai i wita Arara. Ka i'amba i Esarahadono, anano, gagi mokole umeuo.

2 Mokole 19:37 ပူးပေါင်းရင်းမြစ်များ

Tegagia 8:4

A wula ko'opitu, oleo kohopulu ka opitu wula atuu, terareomo bangka atuu i mentorukuno Arara.

2 Mokole 17:31

ka to Awa mpoweweu tinaha Nibahasi ka Tarataki. To Separawaimi mpotunu anado gagi pesomba ndi Adarameleki ka Anameleki, luwuno pesombaa susua i Separawaimi.

2 Mokole 18:30

Si mpo'ineeo i Hisikia umoluakomiu pomperorohi ndi Ondae i Ue ka ipotae: Ondae i Ue manasa Ira motola kita. Kota andio nahi ta pineweengako a ngkaeno mokoledo to Asuri.

2 Mokole 18:5

Onae mompe'ala-ala ndi Ondae i Ue, Ue Alado to Isaraeli, ka i olodo luwuno mokole i Yehuda, moiko anu umarino onae maupo anu se'eluno, nami hina mbo'u anu mengkena kana onae.

2 Mokole 19:10

”Kanandiomo asalakono imempauakono i Hisikia, mokole i Yehuda: Siimo tepopandei ndi Ondae Ue Alamu anu pinerorohimu atuu, saru pedandi: Yerusale nahi ta pineweengako a ngkaeno mokoledo to Asuri.

2 Mokole 19:17

Oo Ue, menteeano luwuno mokoledo to Asuri mporopu iramo tongku ka luwuno witado,

2 Mokole 19:31

Hangano inso i Yerusale ira mpeluarako luwuno mia anu tebinta ka inso i torukuno Sioni luwuno mia anu tepotola; mahakino-Do Ueno luwuakoano Ira weweuo anu andio.

2 Mokole 19:7

Menteeano, Aku numaao asa penaa a laro ngkoroino, ranta kai poronge lele nahi mentee ka ipekule i witano. Aku weweuo kai mate tebangkuako ponai i witano onaeno.”

2 Tawarika 32:14

Isema i olodo luwuno pinesombaido tongku anu doropu iramo uempu'uku atuu mokompotolao tongkuno inso a ngkaeku? Kana'umpe Ue Alamiu mokompotola komiu inso a ngkaeku?

2 Tawarika 32:19

Dompepaukiako Ira Ue Alano Yerusale kana koa mbo'u luwuno pinesombaido tongku i wawontolino, anu wineweuno kaeno mia.

2 Tawarika 32:21

Ka i'amba Ondae i Ue montena mala'eka anu rumopu ira luwu puu mpetea anu memoroso, mia memota'u ka tadulako sorodadu anu kongko a mpekemaano mokole i Asuri, ranta mo'o'anuno mekule i witano. Ka i'amba ana ngkoroino mepateakono ponai, tempono ipewinsokio rahano pinesombaino.

Esera 4:2

Onaemo ka domelako ntepohaweakono i Serubabeli saru luwuno petewawa suku, dompotaeako ira, ”Po'ineeomo ka kimpokowali komiu mpowangu, hangano omami mbo'u mpesomba ndi Ondae Ue Alamiu kana omiu. Omami mbo'u wela mpopesombaako pesomba ndi Ondae, mompu'u i tempo poparentaano i Esari-Hadoni, mokoledo to Asuri, anu lumimba kami i ndi'ai.”

Yeremia 51:27

Tande iramo bandera i tolino, puuriomo tawuwua i olodo luwuno tongku, patinda iramo tongku umewaio Babeli, tena iramo poparentaa umewaio: Arara, Mini ka Asikenasi! Potoroomo asa mia tadulako umewaio, wawa iramo ngara kana bawaano kosume!

Winali 32:31

Hangano torukuno watudo mia atuu komba Torukuno Watuto; iwalito moiko gagi puu mpobitara!