2 Mokole 19:35 - Wunta Mempori

³⁵ A wongi atuu meluarakoomo Mala'eka-Do i Ue mompepate asa etu ka halo pulu ka olima nsowu mia a mpekemaado to Asuri. Tisomono, tempono dompewangu mia mo'o-mo'oru, tengkitaomo luwuno gagiomo wata ngkoroi!

2 Mokole 19:35 ပူးပေါင်းရင်းမြစ်များ

2 Samueli 24:16

Mansano tumandeo mala'eka kaedo te'aro i Yerusale ta rumopuo, me'o'ole Ira i Ue a masolaa atuu. Ka i'amba pau-Do a mala'eka anu tekonai rumopuo tongku atuu, ”Sompoomo! Potiio kaemu.” Tempo atuu mala'eka-Do i Ue mo'ia umpeda a ponsesaano i Arauna, to Yebusi.

2 Mokole 19:7

Menteeano, Aku numaao asa penaa a laro ngkoroino, ranta kai poronge lele nahi mentee ka ipekule i witano. Aku weweuo kai mate tebangkuako ponai i witano onaeno.”

1 Tawarika 21:12

otolu nta'u mokoninggoa ke otolu wula upolai inso i arodo luwuno iwalimu, kontongaano ponaido iwalimu tumondariko ke otolu oleo ponai-Do i Ue, onaemo hakilele kongko i wita andio, ka Mala'eka-Do i Ue mompotii ropua a luwuno wita i Isaraeli.’ Kanandio-andio, timbangaomo temoiko sangki hapa anu asalakono kupohaweo ndi Ondae anu tumena aku.”

1 Tawarika 21:16

Mansano i Daudi mengkikita, ikitao Mala'eka-Do i Ue kontongaano mentade i olono tolino ka langi, saru ponai tebuta a ngkaeno anu inio i wawono Yerusale. Ka i'amba i Daudi ka luwuno mia memota'u mpenggolontu saru mpesangka mpo'inombo.

2 Tawarika 20:24

Mansado mehawe to Yehuda a mpompadasoa i pada one, mpekita ira a mpo'iangado sorodadu atuu. Tengkitaomo wata ngkoroi matumbole a wita, nahina tepotola.

Po'unde-unde 76:10

i tempono Dopentade Ue Ala Ira mobitara, ka kumadudui ira luwuno anu tepokonsii i tolino. Sela

Po'unde-unde 90:10

Tempomami mentuwu pitu pulu nta'u, tewala memoroso kami, halu pulu nta'u, ka pino'undeakono butu koa masukaraa ka marasaia; oo, magasi ntu'u kimetampula.

Po'unde-unde 91:6

a haki lele anu mepinsolako a laro wongi-wongi, a haki mesaki anu me'a'e ntonga oleo.

Peluarakoa 12:23

Ka Ondae i Ue melempa sumompoo humukuo luwuno wita Masiri. Itempono Dokitao rea a orua karuno pewowa ka montoweano iwawono atuu, Ondae i Ue Ira lumaloo pewowa atuu ka nahi Dopo'ineeo mala'eka pompepate mewinso a laro raha humuku komiu.

Peluarakoa 9:15

Bakanaano tehineomo kae-Ku mompotii haki lele ta mepateko saru palilimu, ranta kau tampula i wawontolino.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yesaya 10:33

Kitao, Ondae i Ue, Ueno luwuakoano Ira tumoto'iakono roso anu mongkokodoito luwuno sampano keu anu tuwu ondau ta tinuehi, ka anu telanso ta pinoko'owowa.

Yesaya 17:14

Tamo ngkiniwia, gagiomo mongkokongiria! Napi mo'oru, nahi domekongko mbo'u! Onaemo atuu tiado mia anu pomuru kita, ka onaemo atuu anu tinantui tiado mia anu merontu kita.

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Danieli 5:30

Ia wongi koa mbo'u atuu i Belesiasari, mokoledo to Kasidimi atuu pinepate.

Hosea 1:7

Sine Aku mehohawao suku Yehuda ka kumadudui ira a nee-Do i Ue, Ue Alado. Aku kumadudui ira komba mompake pana ke ponai, parewa mpetea ke ngara ka sorodadu mpengara.”

WINEWEUDO TINENA 12:23

Ka i tempo koa mbo'u atuu mala'eka-Do i Ue tumampeleo hangano nahi pelangkai Ira Ue Ala; onae mate domengkaano ule-ule.