2 Mokole 19:31 - Wunta Mempori

³¹ Hangano inso i Yerusale ira mpeluarako luwuno mia anu tebinta ka inso i torukuno Sioni luwuno mia anu tepotola; mahakino-Do Ueno luwuakoano Ira weweuo anu andio.

2 Mokole 19:31 ပူးပေါင်းရင်းမြစ်များ

2 Mokole 19:37

Asa tempo, tempono ipekakai a laro raha mpelahumoaa Nisiroki, dewano, i Adarameleki ka i Sareseri, anano mepateakono ponai. Ka do'amba molai i wita Arara. Ka i'amba i Esarahadono, anano, gagi mokole umeuo.

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

Yesaya 10:12

Sine tempono Dopoko'umariomo i Ue luwuno anggaa-Do i torukuno Sioni ka i Yerusale, Ira humukuo laba mpauno mokole Asiuri anu nahi behe tenangi mpau ka peleluno mompelangka-langkai.

Yesaya 10:20

Sine i tempo atuu to Isaraeli anu da mentuwu ka mia anu da mentuwu i olodo inuleno i Yako, nahi ira mpoperorohi mbo'u a tongku anu numangi ira, sine ira mpoperorohi ndi Ondae i Ue, Anu Tedoa Mempori, Ue Alado to Isaraeli, a laro petenunuado.

Yesaya 10:22

Hangano maupo tongkumu, hei Isaraeli, kana one a ntahi hadiono, sine butu anu da tuwu ta mekule. Matea pinakosiomo, anu luluaako moleoa.

Yesaya 37:32

Hangano, inso i Yerusale ira mpeluarako mia anu ntebinta ka inso a ntorukuno Sioni mia anu mentola; mahakino aroa-Do Ueno luwuakoano Ira weweuo mongkona andio.

Yesaya 59:17

Dopokonao moleoa kana lemba labu ka songko tekaduduia a ulu-Do; Dopokonao sangka pombaloa ka mesoumbuako kohili kana lemba meloe.

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Yeremia 44:14

Inso a nto Yehuda anu da mentuwu, anu melako iramo i wita Masiri ira mpo'ia gagi mia hawe i ra'ai, nahina maupo te'asa mia anu tepotola ta mekule i wita Yehuda, po'ianga anu tedoa domentekewoio ira mpo'ia mbo'u i ra'ai. Mentee ntu'u, nahi ira mpekule mbo'u, sangkadio ba'opia mia mpolai.”

Yehesikieli 20:9

Kuweweuo a nee-Ku, ka si kinokoburuti nee i arodo luwuno tongku, ba isua domekongko. I arodo luwuno tongku atuu Ongkue mepopokita ndi ondae saru wawa ira mpeluarako inso i wita Masiri.

Yehesikieli 5:13

Aku motiio tekuda-Ku ndi ondae, ranta ka imorini mokulano aroa-Ku ka teende Akumo. Ira mento'orio nine Ongkuemo Ue anu pauo a laro pompemasusa-Ku, tempono Kupotiio mosa'ono aroa-Ku ndi ondae.

Yoeli 2:18

Aroa-Do i Ue mawongkoakono wita-Do, ka Dopehohawa ira bawaa-Do.

Sakaria 1:14

Ka i'amba mala'eka anu mepau saru ongkue atuu motae ndi ongkue: Peboolimo kanandio: Kanandiomo pau-Do Ueno luwuakoano: ’Aroa-Ku tedoa mawongkoakono Yerusale ka Sioni.

I YOHANE 2:17

Ka dopasimpewowoloomo ana guru-Do nine hinao teburi, ”Pongkekewoi a raha-Miu mokomo'ai Aku.”

ROMA 11:5

Kanatuu koa mbo'u i tempo andio hinao mo'ia toreano, montonda pobinikino pompehohawa-Do.

ROMA 9:27

Ka i Yesaya mebooli mongkona Isaraeli, ”Maupo porokono anano i Isaraeli kana one a ntahi, sine butu toreano ta kinadudui.