2 Mokole 19:19 - Wunta Mempori

¹⁹ Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

2 Mokole 19:19 ပူးပေါင်းရင်းမြစ်များ

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

1 Mokole 8:42

hangano ira merongeo mia mongkona nee-Miu anu langkai ka kae-Miu anu moroso saru tokia-Miu anu tetande — tewala onae aiwa mekakai i raha andio,

1 Mokole 8:43

po'ineeomo Irongeo mbo'u i suruga, po'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoako-Miu mengkena kana bawaa-Miu Isaraeli. Onaemo ka domento'orio nine raha anu kuwanguomo andio pinesusua tiano nee-Miu.

1 Mokole 8:60

kai luwuno tongku i tolino tumo'orio, nine Ondaemo i Ue, Ue Ala, ka nahina anu susua.

2 Mokole 19:15

I Hisikia mekakai i aro-Do i Ue, kanandio, ”Oo Ue, Ue Alado to Isaraeli anu mo'ia i wawono kerubi! Butu Omiumo isa'a Ue Alano luwuno poparentaa i tolino. Omiumo anu mokogagio langi ka tolino.

2 Mokole 5:15

Ka i'amba onae saru luwuno binawaano mpekule a ntetenaa-Do Ue Ala atuu. Mansado mehawe, onae mentade i arono i Elisa ka ipotae, ”Kanandio-andio kuto'orio nine i asa wawontolino nahina Ue Ala sangkadio i Isaraeli. Onaemo pu'uno, itarimaomo pompoweeno atamiu!”

1 Tawarika 16:8

Pontarimakasimo ndi Ondae i Ue, pebooliakonomo nee-Do, popoto'oriomo winewu-Do i olono luwuno tongku!

2 Tawarika 32:1

Mansano luwuno peleluno i Hisikia anu metenunu atuu, haweomo i Sanaheri, mokole i Asuri sumapoio Yehuda. Ikaduo luwuno kota mebente ka montoo ta mongko'alao.

Po'unde-unde 83:18

Po'ineeomo domempinokoko'ii ka ntededengke nahina tampulaano; po'ineeomo dompohawe pontetewehi ka memate,

Peluarakoa 7:17

Onaemo pu'uno, kanandiomo pau-Do i Ue: Inso anu ta gagi andio, ko tumo'orio, nine Ongkuemo Ue. Pauakono i Pirao: Kitao, tuko a ngkaeku andio, aku wombaakono uwoi i koro Nili, ka uwoi atuu ta bali gagi rea.

Yosua 4:24

ka domento'orio luwuno mia i tolino, motae moroso kae-Do i Ue, ka domedoito mpiha ndi Ondae i Ue, Ue Alamiu”

Yosua 7:9

Nde ba domerongeo to Kana'a ka luwuno palili i wita andio, iramo sumapoi kami ka dome'upu kami luwu inso i wawontolino andio. Ka hapa ta wineweu Miu kai tepokule nee Miu, nee Miu anu langkai?”