2 Mokole 19:15 - Wunta Mempori

¹⁵ I Hisikia mekakai i aro-Do i Ue, kanandio, ”Oo Ue, Ue Alado to Isaraeli anu mo'ia i wawono kerubi! Butu Omiumo isa'a Ue Alano luwuno poparentaa i tolino. Omiumo anu mokogagio langi ka tolino.

2 Mokole 19:15 ပူးပေါင်းရင်းမြစ်များ

Tegagia 1:1

Amba-ambano Ondae Ue Ala mokogagio langi ka tolino.

Tegagia 2:4

Ndiomo tutuluno langi ka tolino tempono i ponokogagi. Tempono Ondae Ue Ala mokogagio tolino ka langi,

Tegagia 32:28

Ka i'amba motae mia atuu, ”Neemu nahi ta pinau mbo'u i Yako, sine i Isaraeli, hangano melulukukomo umewai Ira Ue Ala ka mia, ka omue monangi.”

Tegagia 33:20

Iwanguo meda pontunua pesomba i tu'ai ka numeeakono, ”Eli onaemo Ue Alado to Isaraeli.”

1 Mokole 18:39

Kumitao anu gagi atuu, luwuno palili mpenggolontu, ka dompotae, ”Ondae i Ue, Ondaemo Ue Ala! Ondae i Ue, Ondaemo Ue Ala!”

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

2 Mokole 19:19

Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

2 Mokole 5:15

Ka i'amba onae saru luwuno binawaano mpekule a ntetenaa-Do Ue Ala atuu. Mansado mehawe, onae mentade i arono i Elisa ka ipotae, ”Kanandio-andio kuto'orio nine i asa wawontolino nahina Ue Ala sangkadio i Isaraeli. Onaemo pu'uno, itarimaomo pompoweeno atamiu!”

1 Tawarika 13:6

I Daudi ka luwuno to Isaraeli mpelungka melako i Ba'ala, melako i Kiriati-Yearimi anu tewinso wita Yehuda, ira mewawao inso i ra'ai Burua-Do Ue Ala, Ue anu mentoro i wawono kerubi, anu nee-Do pinebooliako i ra'ai.

1 Tawarika 4:10

I Yabesi mebooli ndi Ondae Ue Alado to Isaraeli, ipotae, ”Po'ineeomo ka Ironso aku tehadio ntu'u ka mokomolueo witaku. Po'ineeomo kae-Miu kumongkomi aku ka dumagai aku inso a masolaa, ranta nahi sepi aku mahakia!” Po'emano atuu Do'induo Ue Ala.

2 Tawarika 14:11

I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

2 Tawarika 20:6

ka ipotae, ”Oo Ue, Ue Alado uempu'umami, komba Omiuke Ue Ala i laro nsuruga? Komba Omiuke moparenta a luwuno poparentaa tongku? Pabawa ka roso kongko a laro ngkae-Miu, ranta nahina mia anu mokopolio umewai Komiu.

2 Tawarika 32:20

Mokole Hisikia ka nabi Yesaya anano i Amosi mekakai mongkona anu gagi atuu ka mebooli i suruga.

Nehemia 9:6

”Butu Omiumo Ue! Ipokogagiomo langi, langi iwawono luwuno langi, saru luwuno sorodaduno, ka tolino saru luwuno anu kongko i wawono, ka tahi saru luwuno anu kongko i larono. Omiu anu motuwu ira luwuno atuu ka sorodaduno langi mesombai Komiu.

Po'unde-unde 102:25

Kupotae, ”Oo Ue Alaku, si alao penaaku a entongano tinuwuku! Luwuno ta'u-Miu kongko mpiha mapa'api-api inule!”

Po'unde-unde 102:26

I ndi'ipua Ipokogagiomo tolino, ka langi onaemo wineweuno kae-Miu.

Po'unde-unde 146:6

Ondae anu mokogagio langi ka tolino, tahi ka luwuno ihino; anu nahi bali petenunu-Do ranta nahina tampulaano,

Po'unde-unde 33:9

Hangano Ondae mepau, ka luwuno gagi; Ondae mompowee parenta, ka luwuno hinao.

Po'unde-unde 80:1

Tiano petewawa mpenani. Montonda nanino Sisi bonse. Pesakosiino i sapi. Penani po'unde-unde.

Po'unde-unde 80:2

Hei puu mpopakambido to Isaraeli, ta'oomo biri, Omiu anu sumaario i Yusupu kana bawaano bimba! Oo Omiu, anu mentoro a wawo luwuno kerubi, Ipe'umbaakomo temewanta

Po'unde-unde 99:1

Ondaemo i Ue Mokole, po'ineeomo ka dompondidi-ndidi luwuno tongku. Ondae mo'ia i wawono kerubi, po'ineeomo ka itelelu tolino.

Peluarakoa 25:22

I ra'aimo Aku tepohaweakomu; inso i wawono ulo pesintuwua atuu i olono orua kerubi iwawono burua songka atuu, Aku mepauakomu mongkona luwuakoano anu Aku tumenaakomu ka domempinauako to Isaraeli.”

Yesaya 37:14

I Hisikia tumarimao wunta atuu inso a ngkaedo mia tinena ka ibasao. Ka i'amba lumako a raha-Do i Ue ka iwileo wunta atuu i aro-Do i Ue.

Yesaya 41:17

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, Ue, Aku sumangki ira, Ongkue, Ue Alado to Isaraeli, nahi Aku binta ira.

Yesaya 43:10

”Omiumo sakosii-Ku,” kanandiomo pau-Do i Ue, ”ka tetenaa-Ku anu Kubinikiomo, ka imento'orio ka mpompe'ala-ala ndi Ongkue ka mpokonto'orio nine Ongkuemo Ondae. Se'eluno Ongkue nahina pinesombai wineweu, ka umarino Ongkue nahina mbo'u.

Yesaya 44:6

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.

Yesaya 44:8

Siimo pondende ka siimo doito! Kombake inso i ndi'ipua Kupaleleomo ka Kupauomo mongkona atuu ndi omiu. Omiumo sakosii-Ku! Hinaoke pinesombai sangkadio Ongkue? Nahina Torukuno Watu anu susua, nahina anu tino'ori-Ku!”

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yeremia 32:17

Oo, Ue Ala! Menteeano, Saru roso-Miu anu langkai ka tokia anu tererendu Ipokogagiomo langi ka tolino. Nahina maupo te'asa anu nahi Ipolio!

1 Samueli 4:4

Ka do'amba tongku atuu mpontena mia lumako i Silo. Domentandeo inso i ra'ai burua pedandia-Do Ueno luwuakoano, anu po'ianga-Do iwawono kerubi. Orua ira anano i Eli, i Hopini ka i Pinehasi, rau ira i ra'ai umpeda a burua pedandia-Do Ue Ala