2 Mokole 17:25 - Wunta Mempori

²⁵ Amba-ambano tempono dompo'ia i ra'ai nahi domedoitoako Ira i Ue. Onaemo pu'uno Dopotola ira i Ue singa i tonga-tongado anu mompepate ba opia mia i olodo.

2 Mokole 17:25 ပူးပေါင်းရင်းမြစ်များ

1 Mokole 13:24

Mia atuu lumako ka i tonga nsala asa singa merangkamio ka ipepateo. Wata ngkoroino tepombole a nsala, sekono kalide atuu mentade i horino ka singa mbo'u atuu mentade i horino wata ngkoroi atuu.

1 Mokole 20:36

Ka i'amba motaeakono walino atuu, ”Hangano omue nahi uperorongeakono pau-Do i Ue, to'oriomo, nahi ta tehine umarimu binta aku, asa singa ta merangkamiko.” Mansano lumako mia atuu bintao, asa singa humaweo mia atuu kai perangkamio.

2 Mokole 17:26

Ka do'amba mempauakono mokoledo to Asuri, ”Luwuno tongku anu winawamiu a laro pontadia ka inaa ira a luwuno kotano Samaria nahi dompe'ala-alao songka-Do Ue Alano wita atuu. Gagi mompotola Ira singa i tonga-tongado anu mepate ira, hangano nahi dompe'ala-alao songka-Do Ue Alano wita atuu.”

2 Mokole 17:28

Asa mia i olodo sando mpesomba anu domewawaomo inso i Samaria a laro pontadia lumako mo'ia mpiha i Beteli. Ipaguruako ira kana'umpe asalakono ba dompesomba ndi Ondae i Ue.

2 Mokole 17:32

Mpesomba ira ndi Ondae i Ue, sine mpopotoro ira mbo'u sando mpesomba a raha pelahumoaa. Sando mpesombamo andiodo anu mpoweweuako ira pesomba a raha pelahumoaa atuu.

2 Mokole 17:34

Hawe oleo andio mpenunu ira kana anu ela wineweudo i ndi'ipua. Nahi dompesomba ndi Ondae i Ue ka nahi dompoweweu menunu saru pompakosi, atora, songka ka parenta anu pinakosi-Do i Ue tiado luwuno anano i Yako anu Doneeakono Isaraeli.

2 Mokole 17:41

Kanandiomo luwuno tongku andio mpesomba ndi Ondae i Ue, sine mpesomba ira mbo'u a luwuno lahumoado; moiko luwuno anado maupo luwuno ana'uedo moweweu kana anu wineweudo uempu'udo hawe oleo andio.

2 Mokole 2:24

Onae ka ipewolili i bungkuno ka mansano kumita ira, itotonaa ira a nee-Do i Ue. Ka i'amba meluarakoomo orua berua inso a ntobu, ka i'amba doberi-berio pato pulu ka orua ira nana'ote inso ndi ondae.

Yesaya 15:9

Mentee ntu'u, uwoi i Diboni bukeako ntu'u rea, marasaia i Diboni Aku tumiangio mbo'u: singa tiado mia anu mentola inso i Moabi ka anu da mentuwu i wita atuu.

Yeremia 10:7

Isemake anu nahi doito ndi Omiu, oo Mokoledo luwuno tongku? Mentee ntu'u, kanandiomo pelelu anu tekona ndi Omiu; hangano i olodo mia pande mposongka inso a luwuno tongku ka i olono luwuno mokoledo nahina anu kana Omiu!

Yeremia 15:3

Aku mompotiiako ira opaa rupa pohuku, kanandiomo pau-Do i Ue, ponai pompepate, dahu mporende, manu-manu i laro meene ka luwuno kondehora i tolino ka dompongkaa ka mepingkoo.

Yeremia 5:6

Onaemo pu'uno singa inso a ntobu ta merangkami ira, ka serigala i pada one ta rumako ira. Nggapu langkai meboti-boti ta mompora umpeda a luwuno kotado, sompo mia anu meluarako ta meberi-berio. Hangano hadioomo halado, ka tesaado tetiangi.

Yehesikieli 14:15

Ke tewala Kuweweuo kondehora lambaha mpelakopi i wita atuu, anu rumopuo palilino, ranta wita atuu gagi boni-boni, ka nahina maupo te'asa mia mosia telaloio hangano kondehora lambaha atuu,

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

Imama 26:22

Aku mompotola ndi omiu kondehora mo'ila anu ta rumopu ira anamiu ka anu ta rumopuo pinotuwumiu, saru weweu komiu gagi tedei, ranta luwuno salamiu gagi boni-boni.

Yunu 1:9

Sangkino ndi ondae, ”Ongkue to Ibarani, kudoitoako Ira Ue, Ue Alano asa wawolangi anu mokogagio tahi molue ka wawo wita.”

Yosua 22:25

Nde komba Ondae i Ue Dopakosiomo koro Yarade gagi tida, omami ka omiu, o inuleno i Rube, inuleno i Gadi! Omiu nahi mpohawe tia ndi Ondae i Ue. Kanandio, bara'ura inule miu doweweu ira inule mami nami ira medoito ndi Ondae i Ue.