2 Mokole 17:20 - Wunta Mempori

²⁰ Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Mokole 17:20 ပူးပေါင်းရင်းမြစ်များ

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

2 Mokole 13:3

Ka tekuda-Do i Ue tensilaomo a nto Isaraeli, ka Dopeweengako ira a ngkaeno i Hasaeli, mokoledo to Arami ka a ngkaeno i Benihada, anano i hasaeli, mapa ta'u-ta'u tehineno.

2 Mokole 13:7

Hangano nami hina mbo'u tebinta sorodadu ndi Yoahasi, sangkadio lima pulu sorodadu mpengara, hopulu kareta ka hopulu nsowu sorodadu mpelempa ngkaru, hangano mokoledo to Arami mokoropu iramo ka ilolanda ira kana awuno ponsesaa.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 17:15

Nahi domentarimao pompakosi ka pedandia-Do anu Dowutuomo saru uempu'udo, saru luwuno atora-Do anu Dopopoto'oriako iramo. Mpetonda ira a anu pinesombai susua anu nahina pengkonaano; mpelelu ira nahina pengkonaano tumondao luwuno tongku petengi-tengido, maupo Doparenta iramo i Ue kasi dompoweweu kanatuu.

2 Mokole 17:18

Onaemo pu'uno Ondae i Ue tedoa Ira ntu'u tekuda a nto Isaraeli, ka Doropu ira inso i aro-Do. Nahina torea sangkadio butu suku Yehuda.

2 Mokole 18:9

Ia ta'u ko'opaa poparentaano mokole Hisikia, onaemo ta'u ko'opitu poparentaano i Hosea anano i Ela, mokole i Isaraeli, lumakoomo i Salamaneseri, mokoledo to Asuri sumapoio Samaria ka kumaduo.

2 Mokole 21:14

Aku mo'ineeki ira toreano tia pusaka-Ku ka meweengako ira a ngkaedo luwuno iwalido. Ira megagi pomurua ka rontuado luwuno iwalido,

2 Mokole 23:27

Ka i'amba mepau Ira i Ue, ”To Yehuda mbo'u Aku lumiahako ira inso i aro-Ku kana Kuliahako ira to Isaraeli, ka nahi Aku tumarimao Yerusale, kota anu bininiki-Ku andio, ka raha andio, maupo mepau Akumo: Nee-Ku ta mo'ia i ra'ai!”

2 Mokole 24:3

Mentee ntu'u, mongkona atuu gagi a nto Yehuda menunu saru petena-Do i Ue ka doliahako ira inso i aro-Do, hangano luwuno halano i Manase, menunu saru luwuno anu wineweuno,

1 Tawarika 16:13

oo! Ana'ueno i Isaraeli, tetenaa-Do, oo! Luwuno anano i Yako, luwuno mia anu bininiki-Do!

Nehemia 9:2

Inuledo to Isaraeli mponsuao koroido inso a luwuno mia hawe. Mpentade ira ka domemangakuakono hala ka salado uempu'udo.

Po'unde-unde 51:13

Siimo Itadi aku inso i Aro-Miu, ka siimo I'alao penaa-Miu anu mempori inso ndi ongkue!

Po'unde-unde 53:5

Nahi dompokoto'orio mbo'uke mia anu mpoweweu mosa'o, anu pingko domengkaano bawaa-Ku? Ondae mpongkaa roti, sine nahi dompebooli ndi Ondae Ue Ala?

Po'unde-unde 80:13

Tembio ka Ipobangkuo rere watuno, ranta ka i'opuo sompo mia anu telalo?

Yesaya 2:6

Mentee ntu'u, itadi iramo ntu'u bawaa-Miu, inuleno i Yako, hangano witado bukeako anu mpompau nahi manasa ta gagi inso i sabaano oleo ka sihiri kana a nto Pelisiti, ondae mpesangkalima saru mia mehawe.

Yesaya 45:25

sine luwuno inuleno i Isaraeli ira mpohawe moleoa ka mpo'unde ndi Ondae i Ue.’ ”

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yeremia 46:28

Omue siimo doito, hei tetenaa-Ku Yako, kanandiomo pau-Do i Ue, hangano Ongkue kumongkomiko: Aku pingko ira luwuno tongku anu i tonga-tongano omue Kusiarawoko, sine omue nahi Aku mokopingkoko. Aku tumunduhiko montonda songka, Nahi Aku mo'ineeko tola kanatuumo koa.”

Yeremia 52:3

Mentee ntu'u, hanganomo tekuda-Do i Ue mongkona atuu gagi i Yerusale ka Yehuda, onaemo ka Dotadi ira inso i aro-Do. Ka i'amba i Sedekia umewaio mokole i Babeli.

Yeremia 6:30

Ondae pinau salaka nahi tinarima, hangano nami Dotarima ira i Ue!

Yeremia 7:15

Aku metadiakomiu inso i aro-Ku, mengkena kana luwuno inuleno i Eparai, pepaekompomu atuu, Kupetadiakonomo.”

Hosea 1:6

Ka i'amba beine atuu mentia mbo'u ka me'anaako asa ana beine. Mepau Iramo i Ue ndi Hosea, ”Poponeeakonomo i Lo-Ruhama nana'ote atuu, hangano nahi Aku mehohawao mbo'u suku Isaraeli, ka nahi Aku umoniniako ira ntu'u halado.

Hosea 12:3

Ondae i Ue mekara-kara saru Yehuda. Ira humukuo Yako menunu saru peleluno, ka Ira weeakono montonda saru luwuno wineweuno.

Yunu 1:10

Luwuno mia atuu tedoa medoito ka dompotae ndi onae, ”Hapamo anu wineweumu?” Luwuno mia atuu mento'orio, nine onae molai, olai inso i aro-Do i Ue, hangano mongkona atuu ipauako iramo.

Yunu 1:3

Sine i Yunu molai lumako i Tarasisi, olai inso i aro-Do i Ue. Onae lumako i Yapo ka ihaweo i ra'ai asa kapala anu ta melungka lumako i Tarasisi. I'owahio sewano pelempaano, ka i'amba mewuatako a ngkapala atuu lumako i Tarasisi merongaako ira, olai inso i aro-Do i Ue.

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

Winali 11:12

Wita atuu Dopekariao i Ue, Ue Alamiu. Mata-Do i Ue, Ue Alamiu dumagaio mpiha inso a pumpu'uano hawe a pokotompaano ta'u.

Winali 32:20

Mepau Ira: Aku wunio rupa-Ku inso ndi ondae, ka kumitao kana'umpe pokotompaado, hangano ondae asa ntuwua anu molengku, luwuno ana anu nahi petenunu.

2 TESALONIKA 1:9

Ondae andio ira mehinukuako matea anu nahina tampulaano, pinoko'olai inso i aro-Do i Ue ka inso a marambano roso-Do,

Yosua 23:13

imento'oriomo te manasa, motae Ondae i Ue, Ue Alamiu, nami Ira sumaario mbo'u luwuno tongku atuu inso i aromiu. Tendeano ira megagi dampa ka oho ndi omiu, gagi ponsepi ia koroimiu, ka rui ia matamiu, ranta ka imeropu inso ia wita anu moiko andio, anu Doweeakomiumo Ondae i Ue Ue Alamiu, ndi omiu.

Puu Mpobitara 18:30

Inuleno i Dani mpowangu ira tinaha tiado. I Yonata anano i Geresomi anano i Musa saru luwuno anano gagi sando mpesomba tongku Dani, ranta palili inia atuu domewawa ira gagi kana mia tinadi.

Puu Mpobitara 2:14

Ka tekuda-Do i Ue tensila ia nto Isaraeli. Dopeweengako ira ia ngkaedo puu pompomuru ka dompomuru ira. Do'asa ira a ngkaedo iwali anu lumimbu ira, ka nami domempolio mbo'u umaropi ira iwalido.

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”

1 Samueli 15:26

Sine ipotae i Semueli ndi Saulu, ”Nahi aku behe mbo'u merongaakomu, hangano omue u'ewaiomo pau-Do i Ue, nde Ondae i Ue mbo'u nami Dotarimako gagi mokoledo to Isaraeli.”

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”