2 Mokole 17:17 - Wunta Mempori

¹⁷ Dompesombaako ira anado gagi pesomba a laro api. Mpoparesa ira ura ke rugino mia ka mpopau ira anu ta gagi, saru me'asao koroido mpoweweu anu mosa'o a pongkita-Do i Ue, ranta mokotesingkao tekuda-Do i Ue.

2 Mokole 17:17 ပူးပေါင်းရင်းမြစ်များ

1 Mokole 14:15

Ka Do'amba i Ue humuku ira to Isaraeli kana gelaga anu bunembua a uwoi ka butasi ira inso a wita moiko andio anu Doweeako ira uempu'udo. Ondae Ira weweuo ka dontetia-tia i asatowano koro Eparata, hangano mpoweweu iramo luwuno karuno lahumoado, ranta mokotesingkao tekuda-Do i Ue.

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 21:25

Menteeano napi hori hina ia kana i Ahabi anu me'atao koroino moweweu anu mosa'o a pongkita-Do i Ue, hangano onae ipopandeio i Isebeli, kombiano.

2 Mokole 16:3

Itondao sala ntumuwudo luwuno mokole i Isaraeli, tendeano ipesombaakono anano a laro api, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Mokole 17:11

I ra'ai i wawono sompo pongku wita atuu mpontunu ira pesomba mengkena kana luwuno tongku anu Doliahako iramo i Ue inso i arodo. Mpoweweu ira luwuakoano anu mosa'o ranta mokotesingkao tekuda-Do i Ue.

2 Mokole 17:31

ka to Awa mpoweweu tinaha Nibahasi ka Tarataki. To Separawaimi mpotunu anado gagi pesomba ndi Adarameleki ka Anameleki, luwuno pesombaa susua i Separawaimi.

2 Mokole 21:6

Tendeano, ipesombaakono anano a laro api, mongkita anu nahi manasa ta gagi, mompau anu nahi manasa ta gagi, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

2 Tawarika 28:3

Onae montunu mbo'u pesomba i Lebaki Beni-Hinomi ka montunu anano gagi pesomba a laro api, mengkena kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Tawarika 33:6

Tendeano ipesombaako ira anano a laro api i Lebaki Beni-Hinomi. Onae mongkita anu nahi manasa ta gagi, mompau anu nahi manasa ta gagi ka mompake tino'ori, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

Yesaya 47:9

Orua rupa andio ta umaluko i larono asa mpiniro, a oleo anu mengkena. Meropu ira nana'ote ka tuwu beine ta kumonaiko tedoa marasai, maupo hadio sihirimu ka moroso ntu'u pobasa-basamu.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yesaya 8:19

Ka tewala mia mpotae ndi omue, ”Po'emamo pontiso a onitu ka luwuno penaa anu mompau nahi manasa ta gagi anu metanga-tanga ka momuti-muti,” ka sangkiomo, ”Kombake asa tongku tekona mo'ema pontiso a mpinesombaino? Nde asalakonoke ira mpo'ema pontiso a mia mate tiano mia tuwu

Yeremia 19:5

Dompontade iramo pompesombaiado Baala pontunuado anado gagi pesomba tinunu a Baala, asa anu nahi Kuhori meparentaako ke pauo ka anu nahi hori hina i laro aroa-Ku.

Yeremia 25:7

Sine nahi imperorongea-Kune, kanadiomo pau-Do i Ue, ranta ka impokotesingkaakono wineweuno kaemiu tekuda-Ku gagi urasa'omiu.

Yeremia 27:9

Gagi, siimo imperorongeako ira nabimiu, anu hadio tino'orino, puu mpo'ipi, anu mompau nahi manasa ta gagi, puu ponsihirimiu anu mpotae ndi omiu, ’Si mebehe mpetuundu ndi mokole i Babeli!’

Yeremia 7:31

Mpowangu iramo luwuno po'ianga pompesombaia meneeako Topeti i Lembono Beni-Hinomi pontunuado anado tama ka beine. Mongkona atuu nahi Kuhori meparentaako ka nahi hori hina a laro aroa-Ku.

Yehesikieli 16:21

Nine omue sumumbele ira ana-Ku ka meweengakono ndi ondae saru mesombaakono gagi pesomba a laro api.

Yehesikieli 20:26

Kupo'inee ira memokoburuako luwuno lahumoado, tempono sompo anu pine'anaako amba-ambano inso a mpe'anakaa pinesombaako gagi pesomba, Kuweweu ira tekonto, ka domento'orio nine Ongkuemo Ue.

Yehesikieli 20:31

Imewawao luwuno pesombamiu onaemo anamiu anu impesombaakono gagi pesomba a laro api, koroimiu imengkokoburutiakono luwuno lahumoamiu hawe oleo andio. Ka i'amba nde da Aku beheke impo'ema pontiso ndi Ongkue, hei suku Isaraeli? A nee-Ku anu tuwu, kanandiomo pau-Do Ue Ala, nahi Kubehe mbo'u impo'emai Aku pontiso.

Yehesikieli 23:37

Hangano ondae monsosabo, kaedo meranoako rea. Ondae monsosaboako mesombai ira lahumoado, maupo ana ntamado anu pine'anaako ana-Ku dopesombaakono gagi pesomba laro api a luwuno lahumoado ka igagi kaanga.

Yehesikieli 23:39

Tempono domensumbele ira anado tiado lahumoado, ondae me'aiwa a oleo atuu a mpo'ianga mempori-Ku ka melimpaio memporino. Mentee ntu'u, onaemo andio anu wineweudo a laro raha-Ku.

Imama 18:21

Si peweengakono aasa anamu inso a luwuno anamu kai pinesombaako ndi Moloko, kasi ulaloo memporino nee-Do Ue Alamu. Ongkuemo Ue.

Imama 19:26

Si mpongkaa hapa anu da hinao reano. Si mpoweweu pontasere ke mpopau anu ta gagi.

Imama 19:31

Si mpewolili a onituno mia mate ke a luwuno penaa anu mompau hapa anu ta gagi; si me'ungke ira kai megagi mokoburu hangano ondae. Ongkuemo Ue, Ue Alamiu.

Mika 5:12

Aku mokotampulao luwuno tinaha pesombaamu ka luwuno tugu pelahumoamu inso ndi omiu. Omue nami komenggolontu mbo'u mesombaio wineweuno kaemu.

WINEWEUDO TINENA 16:16

Pohona tempono kimelako a mpo'ianga pekakaia atuu, kintepohaweakono aasa ata beine anu hinao tino'orino; hangano luwuno tino'orino hadio pohawedo ueno.

ROMA 7:14

Hangano tomento'orio, nine songka Taura onaemo tuwu nsuruga, sine ongkue tuwu tolino, inasa a mpabawano hala.

GALATIA 5:26

ka si tompo'ungke pompelangkai, si tomemambe ewa ka memambe kohili.

Winali 32:16

Dopokomosiriako Ira pinesombai susua, saru pinesombai anu mokoburu, dompokotesingkao tekuda-Do.

Winali 4:25

Tewala mpe'ana ue komiu ka gagi mota'u i wita atuu, ka impogau mokoburu mpoweweu tinaha kana hapamo koa ka mpoweweu hapa anu mosa'o a pongkita-Do i Ue, Ue Alamiu, komiu mokontekuda Ira.