2 Mokole 17:16 - Wunta Mempori

¹⁶ Dompebungkuio luwuno parenta-Do i Ue, Ue Alado, ka mpoweweu ira orua ana nsapi tinawa. Mpoweweu ira mbo'u tinaha Asera ka mpenggolontu mpesomba a luwuno sorodadu langi saru mpesomba ndi Ba'ala.

2 Mokole 17:16 ပူးပေါင်းရင်းမြစ်များ

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

1 Mokole 14:15

Ka Do'amba i Ue humuku ira to Isaraeli kana gelaga anu bunembua a uwoi ka butasi ira inso a wita moiko andio anu Doweeako ira uempu'udo. Ondae Ira weweuo ka dontetia-tia i asatowano koro Eparata, hangano mpoweweu iramo luwuno karuno lahumoado, ranta mokotesingkao tekuda-Do i Ue.

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

1 Mokole 15:13

Tendeano ipokompenaa-naao i Ma'aka, ueno beine inso a mpotorono ine mokole hangano ueno atuu moweweu tinaha Asera anu minokoburuako. Ipobangkuo i Asa tinaha anu minokoburuako atuu ka itunuo i lembono Kideroni.

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

1 Mokole 16:33

Umarino atuu i Ahabi moweweu tinaha Asera ka moweweu laluaopo sekono atuu, ranta mokotesingkao tekuda-Do i Ue, Ue Alado to Isaraeli, laluaopo inso a luwuno mokoledo to Isaraeli anu mese'elungio.

1 Mokole 22:53

Onae moweweu anu mosa'o a mpongkita-Do i Ue ka tumondao sala ntumuwuno amano ka ineno saru i Yerobea anano i Nebati, anu weweu iramo to Isaraeli mpoweweu hala.

2 Mokole 1:2

Ia asa oleo i Ahasia tedonta inso a ntarali i bolongkono i wawono anu mo'ia i Samaria, ranta kai mahaki. Ka i'amba tumena ira mia saru pe'oliwi, ”Imelakomo, impesikenomo ndi Baala-Sebubi, anu pinesombai i Ekeroni, ke aku koa tompa inso a haki andio.”

2 Mokole 11:18

Ka i'amba luwuno palili mpewinso a raha Ba'ala ka mpobangkuo. Domerawo-merawo ira meda pontunua pesomba ka luwuno tinaha pesombaado ka mpepateo i Matani, sando Mpesomba Ba'ala atuu i arono luwuno meda pontunua pesomba atuu. Ka i'amba sando mpesomba Yoyada numaa ira puu mpodagai a raha-Do i Ue.

2 Mokole 16:3

Itondao sala ntumuwudo luwuno mokole i Isaraeli, tendeano ipesombaakono anano a laro api, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Mokole 17:10

Domewangu ira tugu lahumoa ka luwuno karuno pelahumoaa i wawono sompo pongku wita anu mantande ka i totono sompo keu anu marombo;

2 Mokole 18:6

Onae me'ini moroso ndi Ondae i Ue. Onae nahi pebungkui Ira i Ue, tendeano me'ini a luwuno parenta anu Dopohaweomo ndi Musa.

2 Mokole 21:3

Onae wali wangu ira pongku wita pesombaa anu umariomo iropu ira i Hisikia, amano. Iwangu ira meda pontunua pesomba ndi Ba'ala, moweweu tinaha Asera kana anu wineweuno i Ahabi, mokoledo to Isaraeli ka menggolontu mesomba a ihino langi ka mesomba ndi onae.

Peluarakoa 32:4

Itarimao inso a ngkaedo, ka iweweuo tinadeno mompake parewa ka iweweuo ana nsapi wulaa tinawa. Ka do'amba mpotae, ”Hei Isaraeli ndiomo Ue Alamiu, anu tumaate komiu mpeluarako inso i wita Masiri!”

Peluarakoa 32:8

Tedoa ira ronga mepansia inso a nsala anu Kuparentaako ira. Mpoweweu iramo ana nsapi tinawa ka dompenggolontu mpesombaio. Mpopesombaako ira pesomba ndi onae, ka dompotae: Hei Isaraeli ndiomo Ue Alamiu anu tumaate komiu mpeluarako inso i wita Masiri.”

Yesaya 2:8

Witano buke lahumoa; ondae mpenggolontu mpesomba a wineweuno kaedo ondaedo a wineweuno wunga ngkaedo.

Yeremia 19:13

Luwuno raha i Yerusale ka luwuno rahado mokoledo to Yehuda ta gagi po'ianga mokoburu kana Topeti, onaemo luwuno raha anu i wawo atono mia mpotunu pesomba tiano luwuno sorodadu langi ka mpompesombaako pesomba tinawa a luwuno pinesombai susua.”

Yeremia 44:17

Sine, kami meweweuo mpiha luwuno anu pinaumami: mpontunu pesomba a mpinesombai beine i suruga ka mpompesombaako pesomba tinawa ndi onae kana anu kimeweweuomo, omami ka uempu'umami, luwuno mokolemami ka luwuno mia pinemota'umami a luwuno kotano Yehuda ka a luwuno sala i Yerusale. I tempo atuu hadio kaangamami, meme'ura ka nahi kipompemarasai.

Yeremia 8:2

Luwuno wuku atuu siniarawo i totono mata oleo, wula, ka luwuno anano wula anu hori ira mengkekewoio, mpekakaakono, mentondao, mpesikeno ka mpesomba. Luwuno atuu nahi ta pinumpu ka kinaburu, tendeano ta gagi pompokomewalo a wawo wita.

Yehesikieli 23:8

Onae nahi bintao pebelesuno mompu'u inso i Masiri. Hangano tempono imongura dompewowaliakonomo mia, ka ondae me'ini-inio rada moondono saru mpoweeo pebelesudo ndi onae.

Imama 26:1

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo Ue, Ue Alamiu.

Winali 16:21

Si mpopaho keu gagi karuno lahumoa i horino meda pontunua pesomba ndi Ondae i Ue, Ue Alamiu, pontunua pesomba anu komiu meweweuo tiamiu.

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.