2 Mokole 17:14 - Wunta Mempori

¹⁴ Sine nahi dobehe pomperorongeako, mpe'ulu watu ira kana uempu'udo anu nahi dompe'ala-ala Ira i Ue, Ue Alado.

2 Mokole 17:14 ပူးပေါင်းရင်းမြစ်များ

2 Tawarika 24:19

Ondae i Ue tumena ira nabi ndi ondae, ka dompepokule ndi Ondae. Luwuno nabi atuu mentee ntu'u dompopoto'oriako ira, sine nahi domebehe mperorongeakono.

2 Tawarika 36:13

Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli.

Nehemia 9:29

Ipopoto'oriako ira kadompepokule a songka-Miu, sine mpompelangka-langkai ira ka nahi dobehe mentondao luwuno parenta-Miu saru me'ewaio luwuno atora-Miu anu moweeako ira tuwua a mia anu weweuo. Domentandeo oweado nahi domebehe, memotea ulu ira ka nahi dobehe merongeo.

Po'unde-unde 106:24

Nahi domentarimao wita anu tekosi atuu, nahi dompe'ala-alao pau-Do.

Po'unde-unde 78:22

hangano nahi dompe'ala-ala Ira Ue Ala, ka nahi dompomperorohi pontulungi-Do.

Po'unde-unde 78:32

Maupo kanatuu da mpoweweu ira koa hala ka nahi pine'ala-ala luwuno wineweu-Do anu kinohali-haliako.

Po'unde-unde 78:8

ka si kana uempu'udo, inule anu humapu Ira i Ue ka me'ewa, inule anu nahi rodo aroado ka nahi moroso dompe'ini ndi Ondae Ue Ala.

Peluarakoa 16:28

Onaemo ka Dopepau i Ue ndi Musa, ”Hawe te'ipia nahi mentondao parenta-Ku ka songka-Ku?

Peluarakoa 32:9

Ka Do'amba mepau i Ue ndi Musa, ”Kukita iramo tongku andio. Mentee ntu'u, ondae tongku anu me'ulu watu.

Peluarakoa 33:3

Komiu mpewinso a wita anu hadio susu ka siu hoani. Sine nahi Aku melempa i olomiu, kasi Kupepatekomiu a nsala, hangano omiu tongku anu me'ulu watu, kasi Kuropu komiu a nsala.”

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Yesaya 48:4

Hangano Kuto'orio, nine omue motea aroa, motea ulu ka me'ulu watu,

Yeremia 3:7

Pinewowolo-Ku: Umari weweuo luwuno andio, onae ta mepokule ndi Ongkue, sine nahi pepokule. Mongkona atuu ikitaomo i Yehuda, pepaekompono beine anu nahi petenunu.

Yeremia 34:14

A pokotampulaano ta'u ko'opitu omiu singge mia asalakono motolao pepaekompono, to Ibarani, anu inasaomo ndi omue. Onae ta mo'angga ndi omue onoo nta'u tehineno, ka i'amba omue asalakono motolao gagi mia maradeka. Sine, uempu'umiu nahi domeronge Aku ka nahi dompo'aroo birido ndi Ongkue.

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yehesikieli 12:2

”Hei anano mia, omue mo'ia i tonga-tongado suku mpe'ewa, anu hinao mata pongkita sine nahi pongkita ka hinao biri poronge sine nahi poronge, hangano ondae atuu suku mpe'ewa.

Yehesikieli 2:3

Pau-Do ndi ongkue, ”Hei anano mia, Kutenako a nto Isaraeli, a tongku mpe'ewa anu me'ewa iramo ndi Ongkue. Ondae ka uempu'udo mpe'ewa iramo ndi Ongkue, hawe mbo'u oleo andio.

Yehesikieli 3:19

Sine, tewala upauakono mia mosa'o wineweuno atuu ka nahi pepokule inso a wineweuno anu mosa'o ka inso a ntumuwuno anu mosa'o, onae ta mate a laro salano, sine omue ukaduduiomo penaamu.

Danieli 5:20

Sine, tempono igagi mompelangka-langkai ka motea ulu ranta ka ipelelu tedoa mompelangka-langkai, onae dinontai inso a ngkadera poparentaano ka marambano inala inso ndi onae.

Hosea 11:2

Tepahe pinoboi, tepahe pontonda salado ondaedo. Ondae mpompesombaako pesomba a luwuno Baala, ka mpotunu pesomba tiano luwuno tinaha.

WINEWEUDO TINENA 7:51

Hei mia anu memotea ulu ka anu nahi petindi aroa ka biri, omiu wela me'ewaio Penaa Mempori, mengkena kana uempu'umiu, kanandio koa mbo'u omiu.

Winali 1:32

Maupo kanatuu, nahi mpe'ala-ala Ira i Ue, Ue Alamiu,

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!

Winali 9:13

Mepau Ira mbo'u i Ue ndi ongkue, ”Kukita iramo tongku andio ka menteeano ondaemo tongku mpe'ulu watu.

IBARANI 3:12

Impetangkoromo, hei luwuno pepaekompo, ka si hinawe te'asa mia i olomiu anu mosa'o aroano ka anu nahi pompe'ala-ala hangano ihapu Ira Ue Ala anu tuwu.