2 Mokole 15:29 - Wunta Mempori

²⁹ I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 15:29 ပူးပေါင်းရင်းမြစ်များ

1 Mokole 14:15

Ka Do'amba i Ue humuku ira to Isaraeli kana gelaga anu bunembua a uwoi ka butasi ira inso a wita moiko andio anu Doweeako ira uempu'udo. Ondae Ira weweuo ka dontetia-tia i asatowano koro Eparata, hangano mpoweweu iramo luwuno karuno lahumoado, ranta mokotesingkao tekuda-Do i Ue.

1 Mokole 15:20

I Benihada rumongeo po'emano mokole. Itena ira tadulako sorodaduno sumapoio luwuno kota i Isaraeli. Ioni, Dani, Abeli-Beti-Ma'aka, ka luwuno Kineroti saru luwuno wita Napatali, inangiomo.

1 Mokole 9:11

I mokole Salomo moweeakono i Hirami rua pulu kota i wita Galilea, hangano i Hirami mokole i Tirusi, umariomo mompatindaakono i Salomo keu arasi, keu sanobari ka wulaa montonda hadiono anu ineheno.

2 Mokole 15:19

I Puli mokole i Asuri, hawe sumapoio wita atuu. Ka i'amba i Menahemi moweeakono i Puli asa nsowu talenta salaka, kai pokowalio mokorosoo poparentaa atuu a ngkaeno.

2 Mokole 15:20

I Menahemi mopotembiako ira doi andio a nto Isaraeli, a luwuno mia anu mompoli ka anu pinelangkai, sompo mia lima pulu sikala salaka anu ta wineeako ndi mokole i Asuri. Ka i'amba mokole i Asuri mekule ka nahi po'ia i ra'ai, i wita atuu.

2 Mokole 15:28

Onae moweweu hapa anu mosa'o a pongkita-Do i Ue. Onae nahi bintao luwuno halano i Yerobea anano i Nebati, anu poko'ariano to Isaraeli mpoweweu mbo'u hala.

2 Mokole 15:30

I Hosea anano i Ela moweweu tepo'asaa umewaio i Pehahi anano i Remalia. I Hosea mepateo, ka i'amba gagi mokole umeuo ia ta'u korua pulu poparentaano i Yotami anano i Usia.

2 Mokole 16:10

Tempono mokole Ahasi lumako i Damasi tepohaweakono i Tigalati-Pileseri, mokoledo to Asuri, ikitao meda pontunua pesomba anu kongko i Damasi. Ka i'amba mokole Ahasi umoliwio ndi sando mpesomba Uria pandiri ka gambarano meda pontunua pesomba atuu soompo saru podedeno weweuano.

2 Mokole 16:7

I Ahasi montena mia lumako ndi Tigalati-Pileseri, mokoledo to Asuri, saru pe'oliwi, ”Ongkue andio atamiu ka anamiu. Aiwamo kadudui aku inso a ngkaeno mokoledo to Arami ka inso a ngkaeno mokoledo to Isaraeli anu aiwa iramo sumapoi aku.”

2 Mokole 17:20

Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

2 Mokole 18:11

Mokoledo to Asuri wawa ira to Isaraeli a pontadia i Asuri ka numaa ira i Halahi, a wiwi ngkoro Habori i wita Gosani ka a luwuno kotado to Madai.

2 Mokole 19:11

Menteeano, omue isa'a rumongeo mongkona anu wineweudo luwuno mokoledo to Asuri a luwuno wita nine domeropu iramo. Kana'umpemo ke omue kopinotola?

2 Mokole 8:11

I Elisa pasomatao ranta kai mo'o'anuno, ka i'amba tetenaa-Do Ue Ala atuu mengese.

1 Tawarika 5:22

Hadio memate hangano mobela langkai, hangano Ondae Ue Ala anu melelu a laro mpeteaa atuu. Ka do'amba mpetorokio po'iangado mia atuudo hawe a tempo pontadia.

1 Tawarika 5:26

Onaemo ka Doleluo Ue Alado to Isaraeli aroano i Puli, onaemo i Tiligati-Pileneseri, mokoledo to Asuri. Mokole atuu wawa ira a mpontadia: to Rube, to Gadi ka suku Manase anu entongano atuu. Iwawa ira i Halahi, i Habori, i Hara ka korono i wita Gosani; mekongko ira i ra'ai hawe oleo andio.

1 Tawarika 5:6

ka i'amba i Beera anu winawano i Tiligati-Pileneseri, mokoledo to Asuri a mpontadia. I Beeramo petewawado to Rube.

2 Tawarika 16:4

I Benihada rumongeo po'emano mokole Asa. Itena ira tadulakono sumapoio luwuno kota i Isaraeli. Domenangio Iyoni, Dani, Abeli-Maimi ka luwuno kota ponaapa kaanga i Napatali.

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Yesaya 1:7

Witamu gagi boni-boni, kotamu pingko tinunu. I arono matamu mia hawe mpomuruo witamu, boni-boni, domesongkoo mia mehawe.

Yesaya 37:18

Oo Ue, lano luwuno mokoledo to Asiuri domeropu iramo luwuno tongku ka luwuno witado

Yesaya 7:16

hangano se'eluno napi to'orio nana'ote atuu mosa'oakono anu mosa'o ka binikio anu moiko, witado orua mokole anu dinoitoakomu ta bininta mooa.

Yesaya 7:20

A oleo atuu saru piso pongkeru anu sinabo olai inso i asatowano koro Eparata, onaemo mokole Asiuri, Ondae i Ue Ira mongkeru ulu ka wulu i olono pa'a, piso atuu ta mokotampulao mbo'u danggo.

Yehesikieli 23:9

Onaemo pu'uno, onae Kupeweengakono a ngkaedo kinekewoino, a ngkaedo to Asuri ndi sema imingki mewowaliakono.

Imama 26:32

Ongkue-Ku sumolangio wita atuu, ranta iwalimiu anu mpo'ia i tu'ai ira mengkohali-hali hangano onae.

Amosi 1:13

Kanandiomo pau-Do i Ue, ”Hangano otolu wineweuno inuleno i Amoni anu mosa'o, ke opaa, nahi Aku balio pomputusi-Ku. Hangano ondae mpobonsi kompodo beine mentia i Gileadi ira mpokomaluao witado,

Amosi 1:3

Kanandio pau-Do i Ue, ”Hangano otolu wineweuno mosa'o Damasi, tendeano opaa, nahi Aku balio mbo'u pomputusi-Ku: Hangano Gileadi domensesaakonomo ponsesaa inso a labu,

Amosi 5:27

ka Aku wawa komiu a pontadia olai i asambalino Damasi,” pau-Do i Ue, Ue Alano luwuakano, nee-Do.

Amosi 6:14

”Hangano menteeano, Aku wanguo asa tongku umewai komiu, hei tongku Isaraeli,” kanandiomo pau-Do i Ue, Ue Alano luwuakoano, ”ka ira mpokonsii komiu inso a nsala mewinso i Hamati hawe a ngkorono mo'are i Araba.”

Podoaa 32:1

Inuleno i Rube ka inuleno i Gadi hadio pinotuwudo, nahi pinokopau hadiono. Mansado kumitao wita Yaeseri ka wita Gileadi, tengkitaomo po'ianga atuu moiko ntu'u pompekariaa pinotuwu.

Podoaa 32:40

Ka i'amba i Musa meweengakono Gileadi ndi Makiri anano i Manase anu lembuino mpo'ia i ra'ai.

Winali 28:25

Ondae i Ue Ira weweukomiu ntenangi i arodo iwalimu. Inso a asa nsala impeluarako sumapoi ira, sine opitu nsala komiu mpolai inso i arodo. Komiu megagi mongkokongiriado luwuno poparentaa i tolino.

Winali 3:15

Ndi Makiri kuweeakono Gileadi.

Yosua 11:1

Mansano anu teweweu atuu teronge ndi Yabi mokoledo to Hasori, montenaomo mia lako ndi Yoba, mokoledo to Madoni, ka a mokole wita Simoroni, ndi mokole Akasa,

Yosua 11:10

Itempono atuu, pekuleno i Yosua irontuo mbo'u Hasori, ka mokoleno ipepateakono ponai. Nde hangano i Hasori se'eluno anu tedoa moroso i olono luwuno poparentaa i wita atuu.

Yosua 11:13

Sine, to Isaraeli nahi domentunuo kota tuudo, anu wunangu i wawoni howuno kota se'eluno, tendeano Hasori anu tinununo i Yosua.

Yosua 12:19

mokole wita Madoni, aasa; mokole wita Hasori, aasa;

Yosua 16:6

Ka ia sumooano oleo tida atuu meluarako i utara Mikimeta; ka i'amba tida atuu melengkuako te'aro i Taana-Silo, ka inso i ra'ai motilalo hawe a sabaano oleo Yanoa.

Yosua 19:35

Luwuno kota anu mebente onaemo Sidimi, Seri, Hamati, Rakati, Kinereti,

Yosua 19:37

Kedesi, Ederei, Eni-Hasori,

Yosua 20:7

Onaemo ka to Isaraeli mpopakosi kota anu gagi kota tekaduduia: Kedesi i Galilea, a mentorukuno Napatali ka i Sikemi, a mentorukuno Eparai, ka i Kiriati-Araba, onaemo Heberoni, i torukuno Yehuda.

Puu Mpobitara 18:30

Inuleno i Dani mpowangu ira tinaha tiado. I Yonata anano i Geresomi anano i Musa saru luwuno anano gagi sando mpesomba tongku Dani, ranta palili inia atuu domewawa ira gagi kana mia tinadi.

Puu Mpobitara 4:2

Ka Ondae i Ue meweengako ira a ngkaeno i Yabi, mokole to Kana'a, anu meparenta i Hasoro. Tadulako sorodadudo, onaemo i Sisera, anu mo'ia i Haroseti-Hagoimi.