2 Mokole 11:17 - Wunta Mempori

¹⁷ Ka i'amba i Yoyada moweweu pedandia olo-Do i Ue ka mokole ka palili nine ondae megagi bawaa-Do i Ue; ka i'olodo mbo'u mokole ka palili.

2 Mokole 11:17 ပူးပေါင်းရင်းမြစ်များ

2 Samueli 5:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba mokole Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli.

2 Mokole 11:4

Ia ta'u ko'opitu i Yoyada umolu ira luwuno petewawa sorodadu asa etu, anu inso a nto Kari ka luwuno puu mpodagai ka dome'aiwa mpe'aro ndi onae a raha-Do i Ue. Onae moweweu pedandia saru ondae ka weweu ira mpesumpa a raha-Do i Ue. Ka i'amba mopokitao anado mokole atuu ndi ondae.

2 Mokole 23:3

Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

1 Tawarika 11:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba i Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli, kana anu pinau-Do i Ue telalo i Semueli.

2 Tawarika 23:16

Ka i'amba i Yoyada moweweu pedandia i'olodo luwuno palili saru onae ka mokole, nine ondae megagi bawaa-Do i Ue.

2 Tawarika 29:10

Kanandio-andio montoo aku mowutu pedandia saru Ondae i Ue, Ue Alano i Isaraeli, ka tekuda-Do anu tensila atuu ka ibinta kita.

2 Tawarika 34:31

Ka i'amba mokole mentade a mpo'iangano ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga saru weweuo pauno pedandia anu teburi a wunta atuu.

Esera 10:3

Kanandio-andio, aiwamo ka tompowutu pedandia saru Ondae Ue Ala, nine kita mentena ira luwu melako beine atuudo saru nana'ote anu pine'anaakodo, tumondao patudumiu ka luwuno mia anu medoito a parenta-Do Ue Alato. Po'ineeomo luwuno atuu iwineweu montonda songka hopulu.

Nehemia 9:38

Me'empehiako luwuno andio kami mpoweweu pedandia moroso, anu binuri ka luwuno petewawamami, to Lewi saru luwuno sando mpesomba mponaakono petondoni.

Yeremia 34:8

Pau inso ndi Ondae i Ue anu hawe ndi Yeremia, umarino Mokole Sedekia moweweu pedandia saru luwuno palili anu kongko i Yerusale ka ipinopoto'ori pompotolaa:

2 KORINTI 8:5

Ondae mpompowee hadioopo sekono anu pinerorohimami. Dompeweengakono koroido, amba-ambano ndi Ondae Ue Ala, ka i'amba ndi omami mbo'u hangano po'ehe-Do Ue Ala.

Yosua 24:25

I'oleo koa atuu, i Yosua moweweu pedandia saru tongku atuu ka moweweu tepo'asaa pau ka atora, ndi ondae i Sikemi

1 Samueli 10:25

I Semueli pauako ira tongku atuu luwuno tiano poparentaa. Ka i'amba burio a wunta ka inaao i aro-Do i Ue. Umarino atuu itena iramo i Semueli tongku atuu ka dompekule sompo-sompo mia i rahado.