2 Mokole 11:1 - Wunta Mempori

¹ Mansano kumitao i Atalia, ineno i Ahasia nine anano mateomo, onae mompari-pari mepate ira luwu ulea mokole.

2 Mokole 11:1 ပူးပေါင်းရင်းမြစ်များ

Tegagia 9:5

Sine, a reamu, onaemo penaamu, Aku motuntu pombalo; inso a luwuno kondehora, Aku tumuntuo, ka inso a sompo mia, Aku tumuntuo penaano pe'asa miano.

Tegagia 9:6

Isema mo'uwu reano mia, reano ira me'uwuo mia, hangano mia pinokogagi, montonda gambara-Do Ue Ala.

1 Mokole 1:12

Kanandio-andio, kupauakomiu ka itetolosi penaamiu saru penaano anamiu i Salomo.

1 Mokole 2:44

Mepau ira mbo'u mokole ndi Simei, ”Omuemu isa'a tumo'orio i laro aroamu luwuno wineweumu anu mosa'o ndi Daudi, amaku. Gagi, Dopopotembiakomumo i Ue wineweumu anu mosa'o a ngkoroimu omuemu.

2 Mokole 10:36

I Yehu moparenta a nto Isaraeli i Samaria rua pulu ka oalu nta'u tehineno.

2 Mokole 10:7

Mansano hawe wunta atuu ndi ondae, dome'ala ira anado mokole ka domensumbeleo pitu pulu mia atuu, ka do'amba menaao uludo a ngkarandi ka dome'oliwio ndi Yehu i Yisire'eli.

2 Mokole 12:1

Ia ta'u ko'opitu poparentaano i Yehu, i Yoasi gagi mokole ka ipoparenta i Yerusale pato pulu nta'u tehineno. Neeno ineno i Sibia, inso i Bereseba.

2 Mokole 25:25

Sine ia wula ko'opitu haweomo i Sumaeli anano i Netania anano i Elisama, asa mia ulea mokole ka hopulu mia perongano. Dompepateo i Gedalia, luwuno to Yehuda ka to Kasidimi anu kongko saru onae i Misipa.

2 Mokole 8:26

Tinuwuno rua pulu ka orua nta'u tempono igagi mokole ka asa nta'u tehineno ipoparenta i Yerusale. Neeno ineno i Atalia, ana'ueno i Omiri mokole i Isaraeli.

2 Mokole 9:27

Kumitao anu gagi atuu, i Ahasia, mokoledo to Yehuda, molai te'aro i Beti-Hagani. I Yehu lumuluo ka ipotae, ”Onae mbo'u panao!” Domempanao a wawo ngkaretano a mporakea lumako i Gesuri umpeda Yibileami. Onae molai lumako i Megido ka mate i ra'ai.

2 Tawarika 24:7

Hangano luwuno anano i Atalia, beine mosa'o gaudo, umari rumongkao raha-Do Ue Ala, ka pakeo luwuno sangka memporino raha-Do i Ue pakea mesomba a Baala.”

Yeremia 41:1

A wula ko'opitu haweomo i Sumaila anano i Netania anano i Elisama, asa mia inuleno mokole ka petewawa sorodaduno mokole anu langkai pangkano, saru hopulu mia ndi Gedalia anano i Ahikami i kota Misipa. Kontongaado mpongkaa roti mperonga-ronga i Misipa,

I MATIU 2:13

Mansado mpelungka to majusi atuudo, tengkitaomo mala'eka-Do i Ue ndi Yusupu a laro mo'ipi ka ipotae, ”Pewangu, alaomo Nana'ote atuu saru ine-Do, polaimo i wita Masiri ka po'iamo i ra'ai hawe ka Kupepau ndi omue, hangano I Herode umungkeo Nana'ote atuu ta mepateo.”

I MATIU 2:16

Mansano tumo'orio i Herode, nine domempopo'oo to majusi atuudo, onae tedoa tekuda. Ka i'amba metena mepate ira luwu nana'ote i Beteleme ka petengi-tengino, onaemo nana'ote anu tinuwuno napi sompo orua nta'u, menunu saru tempo anu pinokonto'orino inso a to majusi atuudo.

Puu Mpobitara 9:5

Lumakoomo ia rahano amano i Opara, ka ipepate ira pitu pulu pepaekompono, luwuno anano i Yeruba'ala, i wawono asa watu. Sine i Yota, tompasusuno i Yeruba'ala kongko tuwu, hangano mewuni.