2 KORINTI 11:3 - Wunta Mempori

³ Sine doito aku, ba mansa pinokontesaa pinewowolomiu inso a mpetenunumiu ntu'u ndi Ondae i Kerisituu, mengkena kana i Hawa pinopandeiako pe'akalano ule atuu.

2 KORINTI 11:3 ပူးပေါင်းရင်းမြစ်များ

KOLOSE 2:8

Impetangkoromo, ka si hina anu umo'ahitiakomiu pompaguruno anu mooa ka nahi mentee montonda pompaguru mapa'api-api inule ka rupa-rupa penaa anu pabawaio wawontolino, sine komba montonda Ondae i Kerisituu.

GALATIA 1:6

Kukohali-haliakono, nine magasi lahi impepokule inso ndi Ondae, anu moboi komiumo hangano pompehohawa-Do i Kerisituu, ka impotonda lele mawongkoa susua,

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

KOLOSE 2:4

Mongkona andio kupauo, ka si hina anu mopo'ooakomiu pau mpo'o'ahiti.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

1 TIMOTIU 2:14

Tamoako mbo'u komba i Adama anu tepopandei, tendeano beinemo atuu anu tepopandei ka tedonta a hala.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

IBARANI 13:9

Si ntepopo'ooako mperupa-rupa pompaguru susua. Hangano anu moiko onaemo, nine aroamiu pinokorosoako pe'aroa ka komba saru mperupa-rupa kaanga anu nahina tuduno ndi ondae anu mentondao luwuno atorano kaanga kanatuu.

Tegagia 3:13

Mepau Iramo Ue Ala a beine atuu, ”Hapa anu wineweumu andio?” Motae beine atuu, ”Ule atuu anu popandei aku, ka kukaano.”

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

GALATIA 3:1

Hei to Galatia anu mebenge-benge, isemake anu mokobulalingo komiu? Kombake Ondae i Yesu Kerisituu anu pinaso a ngkeu pinotamba atuu mempinauako komiumo a menteeano i aromiu?

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

Tegagia 3:4

Sine, ule motaeakono beine atuu, ”Mentee ntu'u nahi komiu mate.

1 YOHANE 2:18

Anaku luwu-luwu, tempo andio onaemo tempo anu pokotompa, ka kana anu imerongeomo, asa mia anu umewai Ira i Kerisituu ta hawe, kanandio-andio hadio iramo mpentade umewai Ira i Kerisituu. Onaemo tondonino, nine tempo andio mentee ntu'u onaemo tempo anu pokotompa.

2 PETURU 3:17

Sine omiu, pepaekompo anu kinekewoiku, imento'oriomo se'eluno mongkona andio. Onaemo pu'uno impetangkoromo, ka si ntetonda a ntesosaelodo mia anu nahi domponto'ori songka, ka si tetadi pe'iniamiu anu moroso.

GALATIA 4:11

Salalaro aku ba mansa nahina tuduno kupe'i'iseiakomiu.

2 KORINTI 2:17

Hangano nahi kimpengkena saru hadio mia susua anu mpo'ungke urado inso a mpau-Do Ue Ala. Tendeano ndi Ondae i Kerisituu kimempauo a menteeano saru luwuno tinoo anu molino a mpetena-Do Ue Ala ka i aro-Do.

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

1 TESALONIKA 3:5

Onaemo pu'uno, hangano nami kupokompeteao mbo'u, ka kutenaomo aiwa, ka kuto'orio mongkona pompe'ala-alamiu, hangano kuporerengkoo ba mansa i'ara-arahako komiumo puu pompopandei ka ba mansa nahina tuduno pe'iseimami.

EPESU 6:24

Pe'aroaa kumongkomi ira luwu mia anu mehohawaako ira pompehohawa anu nahi tampula Ondae Ueto i Yesu Kerisituu.

GALATIA 2:4

Lano hinao pedada inso a mia mpo'onde-onde pepaekompo anu mansa mpewinso, onaemo ondae anu mpewuni mpewinso i larono ira mempoporooo maluaato anu hinaweto ndi Ondae i Kerisituu Yesu, ka ihina pesalaado mpokompe'ata kita.

2 KORINTI 4:2

Sine nahi kimentarimao luwuno wineweu tewuni anu mompokoko'ii; nahi kimpompopo'oo ka nahi kimebalio pau-Do Ue Ala. Tendeano kimpokomengkaao menteea ka hangano kanandio kimpeweengakono koroimami ka domentimbangao luwuno mia i aro-Do Ue Ala.

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

TITU 1:10

Hangano hadioomo mia mentuwu nahi te'atora, tamoako i olodo anu mpe'ini a songka metindi. Saru mpepau anu nahina tuduno domensosaeloo pinewowolodo.

1 TIMOTIU 1:3

Tempono ka kumingki motilaloakono pelempaaku lumako i Makedonia, kudadaikomo ka upo'ia i Epesu ka upompauako ira ba opia mia, ka si dompompaguruako pompaguru susua

KOLOSE 2:18

Si mpo'ineeo ponangimiu nahi pokogagio mia anu mo'onde-onde me'urumako ka mesomba a mala'eka, saru me'ini moroso a luwuno pongkita ka nahina pu'uno ka ipompelangka-langkaiako pinewowolono ntolino,

2 KORINTI 11:29

Tewala hinao mia mompemolema, nde nahi aku tetondake mompemolema? Tewala hinao mia tetidu, nde nahi ta masusake aroaku hangano masusaa?

ROMA 12:8

tewala pompowee ka topompatudu, moikoomo topompatudu. Isema anu montia hapa-hapa, asalakono ka iweweuo a moleono aroano; isema anu metewawa, asalakono ka i'anggao temokua; isema anu mopokitao pe'aroano, asalakono ka iweweuo a mawongkono aroa.

MENGKAAA 20:2

irakoo naga, i ule mota'u atuu, onaemo i Mosa'o ka i Satani. Ka iponguo asa nsowu ta'u tehineno,

Po'unde-unde 119:53

Ipabawai aku bamburua a luwuno mia anu mosa'o gauno, anu bintao Songka-Miu.

Tegagia 3:1

Ule onaemo anu lalu pande i olono luwuno kondehora mo'ila anu pinokogagi-Do Ue Ala. Ule motaeakono beine atuu, ”Manasa Ondae Ue Ala mepau, ’Si kaano wuano luwuno keu a bonde andio,’ menteeke?”

Tegagia 3:20

Mia atuu numeeakono beineno i Hawa, hangano onae gagi ine a luwuno anu tuwu.

2 KORINTI 11:20

hangano mensabara komiu, ba dompe'ata komiu mia, ba dome'alao mia anu komba tiado inso ndi omiu, ba domempabawai komiu mia, ba dompompelangka-langkaiakomiu, ba domempede komiu mia.

EPESU 4:22

onaemo nine omiu, hangano tuwumiu anu i ndi'upua, asalakono imelolohio mia laano, anu mohawe mateano hangano po'eheno aroano anu mompopo'oo,

MENGKAAA 12:15

Ka i'amba ule atuu mewurosiako uwoi inso a ngangano, kana langkaino korono, te'aro a beine atuu, ka ipolomoo korono atuu.