1 YOHANE 5:6 - Wunta Mempori

⁶ Ondaemo andio anu haweako uwoi ka rea, onaemo Ondae i Yesu Kerisituu, komba butu saru uwoi, sine saru uwoi ka saru rea. Ka Penaa anu mompowee ponsakosii, hangano Penaa Ondaemo menteea.

1 YOHANE 5:6 ပူးပေါင်းရင်းမြစ်များ

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Imama 17:11

Hangano penaa anu tuwu kongko a laro reano ka Kuweeakomiumo rea atuu i wawono meda pontunua pesomba kai mpoweweu pesintuwua tiano penaamiu; reamo anu moweweu pesintuwua molalo penaa.

Sakaria 9:11

Mongkona omue, hangano rea pedandia-Ku saru omue, Aku motola ira miamu anu mentinaha inso a ngkineke anu nahina uwoi.

I MATIU 26:28

Hangano onaemo andio rea-Ku, rea pedandia, anu inuwuako hadio mia gagi po'onini hala.

I MATIU 3:16

Umari-Do binaho, Ondae i Yesu ronga me'engka inso a uwoi ka itempo mbo'u atuu langi te'ungkahi ka Dokitao Penaa-Do Ue Ala kana manu-manu marapatii, metii i wawo-Do.

I MARAKUSU 14:24

Ka Dopotaeako Ira: ”Ndiomo rea-Ku, rea pedandia, anu inuwu tiado Mia hadio.

I LUKASI 22:20

Kanandio koa mbo'u Doweweuo umarido mpongkaa, Do'alao tonde ka Dopotae, ”Tonde andio pedandia wo'ohu hangano rea-Ku, anu ime'inuwuako.

I YOHANE 14:17

onaemo Penaa Menteea. Wawontolino nahi pokotarima Ira, hangano wawontolino nahi kita Ira ka nahi to'ori Ira. Sine omiu imento'ori Ira, hangano Dokongkomi komiu ka mo'ia i laromiu.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 15:26

Tewala hawe Pontarero anu Aku tumenao inso ndi Ondae i Ama, onaemo Penaa Menteea anu meluarako inso ndi Ondae i Ama, Ondae Ira mesakosii mongkona Ongkue.

I YOHANE 16:13

Sine tewala hawe Ira, onaemo Penaa Menteea, Ondae Ira wawa komiu a luwuno menteea; hangano nahi Ira mepau inso a mpo'ehe-Do Ondae-Do, sine luwuakoano anu rinonge-Do onaemo anu Ira pauo ka Ira paleleakomiu luwuno anu ta hawe.

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 4:10

Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 6:55

Hangano koroi-Ku onaemo kaanga ntu'u ka rea-Ku onaemo inua ntu'u.

WINEWEUDO TINENA 8:36

Dopotilaloakono pelempaado, ka hawe i asa po'ianga anu hinao uwoi. Ka i'amba motae anu langkai potorono atuu, ”Kitao, i tu'ai hinao uwoi; hapake montombolei, ba kubinaho?” [

ROMA 3:25

Ondae i Kerisituu Yesu Dopakosi Iramo Ue Ala gagi sala pesintuwua hangano pompe'ala-ala, a rea-Do. Mongkona andio Doweweuo mopokitao moleo-Do, hangano Dopo'ineeomo luwuno hala anu gagiomo i ndi'upua i tempono da Dosabara.

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

KOLOSE 1:4

hangano kimerongeomo mongkona pompe'ala-alamiu ndi Ondae i Yesu Kerisituu ka mongkona pompehohawamiu a luwuno mia mempori,

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

TITU 3:5

i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

IBARANI 12:24

ka ndi Ondae i Yesu, Po'oloti pedandia wo'ohu, ka a rea tinawisi, anu morosoopo ipepau sekono reano i Habeli.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

IBARANI 9:7

sine i larono kema anu ko'orua butu koa Sando Mpesomba Langkai anu mewinso pohona i larono asa nta'u, ka asalakono saru rea anu ipesombaakono hangano koroino onaeno ka hangano luwuno polimpaia, anu wineweudo bawaano nahi dompokonto'orio.

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

1 YOHANE 4:10

Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

MENGKAAA 7:14

Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.