Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 YOHANE 5:20 - Wunta Mempori

20 Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

အခန်းကိုကြည့်ပါ။ ကော်ပီ




1 YOHANE 5:20
53 ပူးပေါင်းရင်းမြစ်များ  

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.


Hangano anu ta gagi tamamu onaemo Ondae Anu Mokogagiko, Ueno Luwuakoano, nee-Do; anu gagi Puu Pontolosimu onaemo Anu Tedoa Mempori Ue Alado to Isaraeli; Ondae pinau Ue Alano asa wawontolino.


Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.


Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.


A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.


Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.


Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.


Ka Do'amba umungkahio pinewowolodo, onaemo ka dompokonto'orio ihino Wunta Mempori.


Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.


I tempomo atuu komiu mento'orio, nine Ongkue i laro-Do Ama-Ku ka omiu i laro-Ku ka Ongkue i laromiu.


Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.


Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.


Motae Ira i Yesu ndi onae, ”Tehineomo Kuperongaakomiu, Pilipu, sine nahi uto'ori Aku? Ba isema kumita Akumo, ikita Iramo Ondae i Ama; kana'umpe ka upotae: Tisoakamimo Ondae i Ama atuu.


Impo'iamo i laro-Ku ka Kupo'ia i laromiu. Mengkena kana sampano anu nahi pokompewua onaeno, ba nahi po'ia a ngkeu anggoro, kanatuu koa mbo'u omiu nahi mpewua, ba nahi mpo'ia i laro-Ku.


Kuweeako iramo pau-Miu ka wawontolino umo'aliaako ira, hangano ondae komba inso i wawontolino, mengkena kana Ongkue komba inso i wawontolino.


Oo Ama anu moleo, lano nahi to'ori Komiu wawontolino, sine Kuto'ori Komiu, ka ondae andio domento'orio, nine Omiumo anu tumena Aku;


Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.


Motae Ira i Yesu ndi ondae, ”Tewala Ondae Ue Ala Amamiu, komiu koa mpehohawa Aku, hangano Ongkue meluarako ka hawe inso ndi Ondae Ue Ala. Ka hawe-Ku komba po'ehe-Ku Ongkue-Ku, tendeano Ondaemo anu tumena Aku.


Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.


Ondae inuledo luwuno uempu'u, anu umule Ira i Mesia a nteweweu-Do kana mia, anu i wawono luwuakoano. Ondaemo Ue Ala anu asalakono inunde-unde ranta nahina tampulaano. Ami!


Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.


Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.


Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.


Mekakai aku ka imperonga-ronga saru luwuno mia mempori mpokonto'orio, tedoa maluano ka ondauno ka mantandeno ka ondalono pompehohawa-Do i Kerisituu,


ka kongko ndi Ondae komba menteeku ongkueku hangano montonda songka Taura, tendeano menteea hangano pompe'ala-ala ndi Ondae i Kerisituu, onaemo menteea anu Doweeakune Ue Ala montonda pompe'ala-ala.


Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”


saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,


Sine mongkona Ana mepau Ira, ”Kadera poparentaa-Miu, oo Ue Ala, kongko mpiha motilalo ka nahina tampulaano, ka tuko poparentaa-Miu onaemo tuko menteea.


Hangano ba isema humapu Ira i Ana, onae mbo'u nahi pe'umbu Ira i Ama. Ba isema umakui Ira Ana, ipe'umbu Ira mbo'u i Ama.


Ka omiu, hapa anu imerongeomo inso a pompu'uano, asalakono ka ipo'ia mpiha atuu i laromiu. Tewala hapa anu imerongeomo inso a pompu'uano atuu kongko mpiha i laromiu, asalakono komiu koa mpo'ia mpiha i laro-Do i Ana ka i laro-Do i Ama.


Ba isema motae, nine onae kongko i laro-Do, onae asalakono tuwu mengkena kana Ondae i Kerisituu tuwu Iramo.


Ka kimengkitaomo ka mpesakosii, nine Dotena Iramo i Ama Ana-Do gagi Puu Pongkaduduino wawontolino.


Tomento'oriomo ka tompe'ala-alaomo pompehohawa-Do Ue Ala ndi ontae. Ondae Ue Ala Ondaemo pompehohawa, ka ba isema kongko mpiha a laro pompehohawa, onae kongko mpiha i laro-Do Ue Ala ka Ondae Ue Ala i larono.


Kanandiomo ka tomento'orio Penaa-Do Ue Ala; sompo penaa anu mangaku, nine hawe Iramo i Yesu Kerisituu kana mia, inso ndi Ondae Ue Ala,


Sompo mia anu mompe'ala-ala, nine Ondae i Yesu Ondaemo i Kerisituu, pine'anaako inso ndi Ondae Ue Ala; ka sompo mia anu kumekewoi Ira anu me'anaakono, ipehohawao koa mbo'u anu pine'anaako inso ndi Ondae.


Ka tewala tomento'orio, nine Do'induo hapamo koa anu inemato, ka tomento'orio koa mbo'u, nine tomehaweomo luwuakoano anu tome'emaomo ndi Ondae.


Tomento'orio, nine sompo mia anu pine'anaako inso ndi Ondae Ue Ala, nahi poweweu hala; sine Ondae anu pine'anaako inso ndi Ondae Ue Ala dumagaio, ka i Mosa'o nahi poko'anggao.


Isemake anu numangio wawontolino, ba nahi onae anu me'ala-alao, nine Ondaemo i Yesu Ana-Do Ue Ala?


Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!


Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.


”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala:


”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.


Ka mpebooli ira saru suara meroku, dompotae, ”Opiapoke tehineno, oo Anu Pabawa anu mempori ka mentee, Omiu nahi pobitara ka nahi pombaloakono reamami ndi ondae anu mpo'ia i tolino?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ