1 YOHANE 4:7 - Wunta Mempori

⁷ Pepaekompo luwu-luwu anu kinekewoiku, aiwamo tomemambe pehohawa, hangano pompehohawa atuu te'inso ndi Ondae Ue Ala; ka sompo mia anu mompehohawa, pine'anaako inso ndi Ondae Ue Ala ka tumo'ori Ira Ue Ala.

1 YOHANE 4:7 ပူးပေါင်းရင်းမြစ်များ

I YOHANE 13:34

Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

1 KORINTI 8:3

Sine mia anu mehohawa Ira Ue Ala, Doto'orio Ue Ala.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

GALATIA 4:9

Sine kanandio-andio umarimiu mento'ori Ira Ue Ala, ke moikoopo, umari-Do tumo'ori komiu Ue Ala, kana'umpeke ka komiu mpepokule mbo'u a mperupa-rupa pabawano wawontolino anu molema ka mongkokolaro ka mpompu'u mpe'atao mbo'u koroimiu ndi onae?

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

2 TIMOTIU 1:7

Hangano penaa anu Doweeakita Ue Ala komba penaa doitoa, tendeano penaa anu mowangu roso, pompehohawa ka te'atora.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 YOHANE 2:10

Ba isema mehohawao pepaekompono, onae kongko mpiha a laro mewine, ka i larono nahina pompopo'ooa.

1 YOHANE 2:29

Tewala imento'orio, nine mentee Ira, asalakono ka imento'orio koa mbo'u, nine sompo mia, anu moweweu menteea, inso ndi Ondae ipine'anaako.

1 YOHANE 2:3

Ka ndiomo tondonino, nine tomento'ori Ira Ue Ala, onaemo tewala tomentondao luwuno parenta-Do.

1 YOHANE 2:4

Ba isema motae: Kuto'ori Ira, sine nahi tondao parenta-Do, onemo asa mia puu mpegaupi ka i larono nahina menteea.

1 YOHANE 2:7

Pepaekompo luwu-luwu anu kinekewoi, komba parenta wo'ohu anu kuburiakomiu, tendeano parenta tehineomo anu hinaomo ndi omiu inso a pompu'ano. Parenta tehineomo atuu onaemo pau anu imerongeomo.

1 YOHANE 3:9

Sompo mia anu pine'anaako inso ndi Ondae Ue Ala, nahi poweweu mbo'u hala; hangano penaa mempori kongko mpiha i larono ka onae nahi pokompoweweu hala, hangano onae pine'anaako inso ndi Ondae Ue Ala.

1 YOHANE 4:11

Pepaekompo anu kinekewoiku, tewala kanandiomo Dopehohawa kita Ue Ala, ka asalakono ontae mbo'u memambe pehohawa.

1 YOHANE 4:12

Nahina maupo te'asa mia anu hori kumita Ira Ue Ala. Tewala memambe pehohawa kita, Ondae Ue Ala kongko Ira mpiha i laroto, ka pompehohawa-Do soompo i laroto.

1 YOHANE 4:16

Tomento'oriomo ka tompe'ala-alaomo pompehohawa-Do Ue Ala ndi ontae. Ondae Ue Ala Ondaemo pompehohawa, ka ba isema kongko mpiha a laro pompehohawa, onae kongko mpiha i laro-Do Ue Ala ka Ondae Ue Ala i larono.

1 YOHANE 4:20

Tewala asa mia motae, ”Kukekewoi Ira Ue Ala,” ka i'o'aliaakono pepaekompono, onaemo mia megaupi, hangano ba isema nahi pehohawao pepaekompono anu kinitano, nahi ta kumekewoi Ira Ue Ala, anu nahi kita Ira.

1 YOHANE 4:8

Ba isema nahi pompehohawa, onae nahi to'ori Ira Ue Ala, hangano Ondae Ue Ala Ondaemo pompehohawa.

1 YOHANE 5:1

Sompo mia anu mompe'ala-ala, nine Ondae i Yesu Ondaemo i Kerisituu, pine'anaako inso ndi Ondae Ue Ala; ka sompo mia anu kumekewoi Ira anu me'anaakono, ipehohawao koa mbo'u anu pine'anaako inso ndi Ondae.

2 YOHANE 1:5

Ka kanandio-andio ku'emao ndi omiu, Ine – komba kupoburiakomiu kana parenta wo'ohu, sine montonda parenta anu hinaomo ndi ontae inso pompu'uano – ka tomemambe pehohawa.