1 YOHANE 4:12 - Wunta Mempori

¹² Nahina maupo te'asa mia anu hori kumita Ira Ue Ala. Tewala memambe pehohawa kita, Ondae Ue Ala kongko Ira mpiha i laroto, ka pompehohawa-Do soompo i laroto.

1 YOHANE 4:12 ပူးပေါင်းရင်းမြစ်များ

Tegagia 32:30

I Yako numeeakono po'ianga atuu Penieli, hangano ipotae, ”Kukita Iramo Ue Ala tepo'aro rupa, sine penaaku tekadudui!”

Peluarakoa 33:20

Pau-Do mbo'u, ”Nahi komoko kitao rupa-Ku, hangano nahina mia anu kumita Aku ta tuwu.”

Podoaa 12:8

Tepo'aro rupa Kupepau saru onae, nahina mo'oloti, komba mesingguru ka ikitao rupa-Do i Ue. Tembio ke nahi imedoito tumatao tetenaa-Ku i Musa?”

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

1 KORINTI 13:13

Kanandiomo ipo'ia otolu rupa andio, onaemo pompe'ala-ala, pomperorohia ka pompehohawa, ka anu lalu langkai i olodo onaemo pompehohawa.

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

IBARANI 11:27

Hangano pompe'ala-ala ka ibintaomo Masiri saru nahi doitoakono tekudado mokole. Onae mekorahako mengkena kana ikitao hapa anu nahi tengkita.

1 YOHANE 2:5

Sine ba isema tumondao pau-Do, i larono mia atuu mentee ntu'u sompoomo pompehohawa-Do Ue Ala; onaemo atuu ka tomento'orio, nine mekongko kita i laro-Do.

1 YOHANE 3:24

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.

1 YOHANE 4:16

Tomento'oriomo ka tompe'ala-alaomo pompehohawa-Do Ue Ala ndi ontae. Ondae Ue Ala Ondaemo pompehohawa, ka ba isema kongko mpiha a laro pompehohawa, onae kongko mpiha i laro-Do Ue Ala ka Ondae Ue Ala i larono.

1 YOHANE 4:20

Tewala asa mia motae, ”Kukekewoi Ira Ue Ala,” ka i'o'aliaakono pepaekompono, onaemo mia megaupi, hangano ba isema nahi pehohawao pepaekompono anu kinitano, nahi ta kumekewoi Ira Ue Ala, anu nahi kita Ira.

1 YOHANE 4:6

Omami nte'inso ndi Ondae Ue Ala: ba isema tumo'ori Ira Ue Ala, iperorongeakami; ba isema komba te'inso ndi Ondae Ue Ala, onae nahi perorongeakami. Onaemo tondonino Penaa menteea ka penaa anu mompopo'oo.