1 YOHANE 4:10 - Wunta Mempori

¹⁰ Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

1 YOHANE 4:10 ပူးပေါင်းရင်းမြစ်များ

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

I YOHANE 13:34

Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 2:2

Ka Ondaemo mompokosintuwu a luwuno halato, ka komba butu halato, sine halado mbo'u asa wawontolino.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

1 YOHANE 4:19

Mpompehohawa kita, hangano Ondae Ue Ala tese'elu mehohawa kita.

1 YOHANE 5:11

Ka ndiomo ponsakosii atuu: Ondae Ue Ala moweeakitamo tuwua anu nahina tampulaano ka tuwua atuu kongko ndi Ondae Ana-Do.