1 YOHANE 4:1 - Wunta Mempori

¹ Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

1 YOHANE 4:1 ပူးပေါင်းရင်းမြစ်များ

1 Mokole 13:18

Ka i'amba motae nabi mota'u atuu ndi onae, ”Ongkue mbo'u asa nabi kana omue. A mpetena-Do i Ue, asa Mala'eka mepau ndi ongkue: Wawaomo kai pekule saru omue i rahamu, ka ipongkaa roti ka mo'inu uwoi.” Kanandiomo igaupio.

Powadi 14:15

Mia anu napi hina pinembasaino me'ala-alao sompo pinau, sine mia anu pande mekokoongakono pelempano.

Yeremia 14:14

Sumangki Ira i Ue ndi ongkue, ”Nabi atuudo mpompau anu nahi mentee ta gagi a nee-Ku! Nahi Kutena ira, nahi Kuparenta ira, ka nahi Kupepau ndi ondae. Ondae mpompau anu ta gagi ndi omiu pongkita nahi mentee, mpompau mooa ka pompopo'oono aroano onaeno.

Yeremia 23:16

Kanandiomo pau-Do Ueno luwuakoano, ”Siimo perorongeakono pinaudo luwuno nabi anu mpompau anu ta gagi ndi omue! Ondae butu mpoweeakomu pomperorohia anu nahina pengkonaano, ka mpohaweo pongkita pohaweno aroado ondaedo, komba hapa anu meluarako inso a nganga-Do i Ue.

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

I MARAKUSU 13:21

I tempo atuu ba dompotaeakomiu mia: Kitao, i Mesia kongko Ira i ndi'ai, ke: Kitao, i Mesia kongko Ira i ra'ai, si mpe'ala-alao.

I LUKASI 12:57

Ka tembioke nahi upakosio mbo'u omuemu hapa anu mentee?

I LUKASI 21:8

Dosangki ira, ”Impetangkoromo, ka si ntepopo'oo. Hangano hadio mia ira mehawe mpeneeako nee-Ku ka dompotae: Ongkuemo Ondae, ka: Rangkuomo tempono. Si mentonda ira.

WINEWEUDO TINENA 17:11

To Yahudi i kota atuu mpe'aroa irapo sekono to Yahudi i Tesalonika, hangano domentarimao pau-Do i Ue atuu a mawongkono aroado ka sompo oleo dompepenteeo Wunta Mempori ka domento'orio, ba mentee luwuno atuu kanandio.

WINEWEUDO TINENA 20:29

Kuto'orio, nine ba lumako akumo, serigala anu melambaha ira mpewinso i tonga-tongamiu ka nahi ta hina pompehohawado a bawaa atuu.

1 KORINTI 12:10

A mia anu aasa Ondae Penaa moweeakono pabawa ka ipoweweu anu kinohali-haliako, ka a mia anu susua Dopoweeakono ka ipompau anu ta gagi, ka a mia anu susua mbo'u Dopoweeakono pompowee ka iponto'ori mosisalao mperupa-rupa penaa. A mia anu aasa Dopoweeakono pompowee ka ipepauako mperupa-rupa pau, ka a mia anu susua Dopoweeakono pompowee ka iponto'ori pauo pengkonaano mperupa-rupa pau atuu.

1 KORINTI 14:29

Mongkona luwuno nabi – moikoomo te'orua ke te'otolu mia i olodo mepau ka anu mehano mentimbangao hapa anu mempinaudo.

1 TESALONIKA 5:20

ka si mperuanahio luwuno pinau anu ta gagi.

1 TESALONIKA 5:21

Impepenteeomo luwuakoano ka ime'iniomo anu moiko.

2 TESALONIKA 2:2

ka si ronga mebulalingo ka mensalalaro, moiko hangano pontiso inso a Mpenaa, maupo hangano pompalele ke wunta anu pinau inso ndi omami, kana haweomo oleo-Do i Ue.

1 TIMOTIU 4:1

Sine manasa Dopauo Penaa nine a tempo-tempo lembuino, hinao mia anu ta mepoura ka i'amba tumonda ira penaa mompopo'oo ka pompagurudo onitu

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

2 PETURU 2:1

Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

1 YOHANE 2:18

Anaku luwu-luwu, tempo andio onaemo tempo anu pokotompa, ka kana anu imerongeomo, asa mia anu umewai Ira i Kerisituu ta hawe, kanandio-andio hadio iramo mpentade umewai Ira i Kerisituu. Onaemo tondonino, nine tempo andio mentee ntu'u onaemo tempo anu pokotompa.

1 YOHANE 2:7

Pepaekompo luwu-luwu anu kinekewoi, komba parenta wo'ohu anu kuburiakomiu, tendeano parenta tehineomo anu hinaomo ndi omiu inso a pompu'ano. Parenta tehineomo atuu onaemo pau anu imerongeomo.

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.

3 YOHANE 1:11

Pepaekompo anu kinekewoiku, si pandirio anu mosa'o, tendeano anu moiko. Ba isema moweweu moiko, onae te'inso ndi Ondae Ue Ala, sine ba isema moweweu mosa'o, onae nahi hori kumita Ira Ue Ala.

MENGKAAA 2:2

Kuto'orio luwuno inanggamu: moiko pe'iseimu maupo pompedatomu. Kuto'orio, nine nahi upokompeteao aroamu a mia anu me mosa'o, nine u'ara-arahako iramo mia anu mempauo koroido tinena, sine anu menteeano komba kanandio, nine uhawe iramo mpegaupi.