1 YOHANE 3:8 - Wunta Mempori

⁸ ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

1 YOHANE 3:8 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Yesaya 27:1

I tempo atuu Ondae i Ue Ira weweuo pohuku mompake ponai-Do anu montaso, langkai ka moroso a Lewiata, ule anu molore, a Lewiata, ule anu monggelo-nggelo, ka Ira mepateo ule naga anu a ntahi.

Podoaa 21:9

Ka i'amba i Musa moweweu ule mala ka inaao a asa keu pinontade. Tewala asa mia itungkuo ule, sine mengkita a ule mala atuu, manasa ta kongko tuwu.

I MATIU 12:28

Sine tewala saru pabawa-Do Ue Ala Kuponsaariako onitu nsa'o, menteeano Poparentaa-Do Ue Ala haweomo ndi omiu.

I MATIU 13:38

lere onaemo wawontolino. Inii anu moiko atuu ondaemo anano Poparentaa-Do Ue Ala ka lee ondaemo anano i mosa'o.

I MATIU 4:3

Ka i'amba haweomo puu po'ara-arahako atuu, ka ipotaeako Ira, ”Tewala Omiu Ana-Do Ue Ala, parenta iramo watu andiodo gagi roti.”

I MARAKUSU 1:24

”Hapa ta wineweu-Miu ndi omami, hei Yesu to Nasare? Komiu hawe mepate kami? Kuto'orio isema Omiu: Anu Mempori inso ndi Ondae Ue Ala.”

I LUKASI 10:18

Ka do'amba motaeako ira i Yesu, ”Kukitao i Mosa'o tedonta kana koliki inso i langi.

I YOHANE 12:31

Kanandio-andio kontongaano binitara wawontolino andio: kanandio-andio anu pabawa i wawontolino andio ira mentinende i bungkuno;

I YOHANE 16:11

mongkona pobitaraa, hangano anu pabawa i wawontolino andio hinukuomo.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

ROMA 16:20

Po'ineeomo Ondae Ue Ala, pu'uno rodoa, ka Doronga puro-puroo i Mosa'o a ntoto ngkarumiu. Pompehohawa-Do i Yesu, Ueto, kumongkomi komiu!

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

KOLOSE 2:15

Dololohi iramo anu mpeparenta ka anu mempabawa ka mokogagi ira kikitaado mia hadio a mponangi-Do ndi ondae.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

IBARANI 9:26

Hangano tewala kanandio asalakono mararu Dotebobarasai mompu'u ipinokogagi wawontolino andio. Sine kanandio-andio butu koa pohona Dopokomengkaao koroi-Do, a tempo pokotompa ka Do'oninio hala a pompesombaako-Do koroi-Do.

2 PETURU 2:4

Hangano tewala Ondae Ue Ala nahi Dopehohawa ira mala'eka anu mpoweweu hala sine metadiako ira a laro naraka ka ba kanandio meweengako ira a laro ngkunepo anu wongi-wongi ka domeninaa hawe a oleo pobitaraa;

1 YOHANE 1:2

Tuwua atuu pinokomengkaaomo, ka kimengkitaomo ka kanandio-andio mpesakosii kami ka mempaleleo ndi omiu mongkona tuwua nahina tampulaano, anu kongko meronga-ronga saru Ondae i Ama ka anu pinokomengkaaomo ndi omami.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

1 YOHANE 3:5

Ka imento'orio, nine mepokomengkaa Iramo, ka Dopahihio luwuno hala, ka ndi Ondae nahina hala.

1 YOHANE 5:19

Tomento'orio, nine mente'inso kita ndi Ondae Ue Ala ka asa wawontolino kongko i totono pabawano i Mosa'o.

YUDASI 1:6

Ka nine Dotaha ira mala'eka anu nahi domentondao luwuno tidano pabawado, sine anu mebintao po'iangado, saru pongu anu nahina tampulaano i wawontolino wongi-wongia hawe a mpobitaraa a oleo langkai,

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.