1 YOHANE 3:7 - Wunta Mempori

⁷ Anaku luwu-luwu, si mpo'ineeo maupo te'asa mia mopo'oo komiu. Ba isema anu moweweu mentee onae mentee, mengkena kana Ondae i Kerisituu mentee Ira;

1 YOHANE 3:7 ပူးပေါင်းရင်းမြစ်များ

Po'unde-unde 106:3

Me'ura iramo mia anu mpe'ini a songka, anu meweweuo moleoa a luwuno tempo!

Po'unde-unde 45:7

Kadera poparentaamu Ondae Ue Ala ueno, Ondae mpiha me'ueo ka nahina tampulaano, ka tuko poparentaamu onaemo tuko menteea.

I MATIU 5:20

Onaemo ka Kupauakomiu: Tewala tuwu pe'agamamiu nahi laluopo mentee sekonopo tuwu pe'agamado anu mponto'ori Taura ka to Parisi, menteeano nahi komiu mpewinso a laro Poparentaa Suruga.

I LUKASI 1:75

a laro memporia ka menteea i aro-Do asa ntinuwuto.

WINEWEUDO TINENA 10:35

Sompo mia maupo inso a tongku i sua anu doitoako Ira ka moweweu anu mentee Dopemoikoo.

ROMA 2:13

Hangano komba mia anu moronge songka Taura anu mentee i aro-Do Ue Ala, sine mia koa anu weweuo songka Taura anu pinokomentee.

1 KORINTI 6:9

Ke nahi imento'orioke, nine mia anu nahi domemoleo nahi ira mpohawe tia a laro Poparentaa-Do Ue Ala? Si ntepopo'oo! Mia mebelesu, mpesomba a lahumoa, mia mpososabo, salabai, tama mewowaliako tama,

EPESU 5:6

Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha.

EPESU 5:9

Hangano mewine butu mewuaako moikoa ka moleoa ka menteea,

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

IBARANI 1:8

Sine mongkona Ana mepau Ira, ”Kadera poparentaa-Miu, oo Ue Ala, kongko mpiha motilalo ka nahina tampulaano, ka tuko poparentaa-Miu onaemo tuko menteea.

IBARANI 7:2

Ndi onae mbo'u i Burahima moweeakono asa ntia hopulu inso a luwuno. Montonda pengkonaano neeno i Melekisede onaemo amba-ambano mokole menteea, ka mokole i Salemi mbo'u, onaemo mokole rodoa.

YAKOBU 1:22

Sine ka imegagimo anu meleluakono pau ka komba butu anu mporonge mpena; hangano tewala komba kanandio imempopo'oo omiu-miu koroimiu.

YAKOBU 2:19

Upe'ala-alao, nine butu koa asa-asa-Do Ue Ala? Moiko atuu! Sine maupo onitu dompe'ala-alao koa mbo'u mongkona atuu ka mpondidi-ndidi ira.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 YOHANE 2:1

Omiu anaku, luwuno andio kuburiakomiu, ka si mpoweweu hala, sine tewala asa mia moweweu hala, hinao asa mia puu mpo'ala-alaakoto ndi Ondae i Ama, onaemo Ondae i Yesu Kerisituu, anu moleo.

1 YOHANE 2:26

Luwuno atuu kuburiakomiu, onaemo mongkona luwuno mia anu mpe'usaha mokontesaa komiu.

1 YOHANE 2:29

Tewala imento'orio, nine mentee Ira, asalakono ka imento'orio koa mbo'u, nine sompo mia, anu moweweu menteea, inso ndi Ondae ipine'anaako.

1 YOHANE 3:18

Anaku luwu-luwu, ime'aiwamo tompompehohawa komba saru pau ke elo, sine saru wineweu ka a menteea.

1 YOHANE 3:3

Sompo mia anu momperorohi atuu ndi Ondae, mepokomempori mengkena kana Ondae anu mempori Ira.

1 YOHANE 4:17

I ndi'aimo pompehohawa-Do Ue Ala soompo i laroto, onaemo tewala memosia kita mpompe'alal-ala a oleo pobitaraa, hangano mengkena kana Ondae, ontae mbo'u mekongko i wawontolino andio.