1 YOHANE 3:2 - Wunta Mempori

² Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

1 YOHANE 3:2 ပူးပေါင်းရင်းမြစ်များ

Ayubi 19:26

Ka umarino masola kuliku, maupo nahina ihiku aku kumita Ira Ue Ala.

Po'unde-unde 16:11

Omiu pauakune sala ntuwua; i aro-Miu hinao mawongkoa anu hadio ntu'u, a ngkae koana-Miu hinao mpiha momoikoa.

Po'unde-unde 17:15

Sine ongkue, a laro menteea aku kumitao rupa-Miu, ka i tempono kupewangu aku gagi teendeako rupa-Miu.

Po'unde-unde 31:19

Po'ineeomo wiwi mpegaupi gagi nahi pokompepau, anu mompepaukiako mia mentee saru pompelangka-langkai ka pompokongkodei!

Yesaya 56:5

ndi ondae Aku weeako ira laro raha-Ku ka i horino rere watu po'ianga-Ku asa tondonino pepopoto'ori ka nee, anu moikoopo sekonopo luwuno nana'ote ntama ka beine, asa nee nahi bali anu nahi ta tampula Aku weeako ira.

Maleaki 3:2

Isemake anu mokompopetea a oleo hawea-Do? Isemake anu mokompentade mpiha, tempono Dopepopokita? Hangano Ondae kana api pompokolono labu ka kana sabono puu mpolombo.

I MATIU 5:8

Me'uraomo mia anu mempori aroado, hangano ira mengkita Ira Ue Ala.

I LUKASI 17:30

Kanandiomo teweweuno te'upua a oleo, ba Dopepokomengkaa i Ana Manusia.

I LUKASI 20:36

Hangano nahi ira mpokomate mbo'u; mpekena ira kana mala'eka ka ondae ana-Domo Ue Ala, hangano mewinangu iramo.

I YOHANE 1:12

Sine luwuno mia anu tumarima Ira Dopoweeako ira pabawa ka domegagi ana-Do Ue Ala, onaemo ondae anu mpompe'ala-ala a nee-Do;

I YOHANE 11:52

ka komba butu tiano tongku atuu, sine ka itepumpu mbo'u ka mo'asa ira ana-Do Ue Ala anu ntesiarawo.

I YOHANE 17:24

Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

ROMA 8:16

Penaa atuu mesakosii meronga saru penaato, nine ontaemo ana-Do Ue Ala.

ROMA 8:18

Hangano kupe'ala-alao, nine marasaia tempo kanandio-andio nahi petoto ba ipinongkenaako saru marambaa anu ta pinokomengkaa ndi ontae.

ROMA 8:19

Hangano tedoa domengkekewoio luwuno anu tuwu mensikorio tempo domempinokomengkaa ana-Do Ue Ala.

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.

1 KORINTI 13:12

Hangano kanandio-andio tomengkitao a ntami aasa eo-eo anu rawu-rawu, sine te'upua kitamo ntepoporupa. Kanandio-andio napi kuto'orio ntu'u, sine te'upua aku koa tumo'orio ntu'u, kana kutino'ori.

1 KORINTI 15:49

Mengkena kana ontae mperupaako kitamo anu inso i wawontolino, kanandio koa mbo'u kita mperupaako anu inso i suruga.

1 KORINTI 2:9

Sine kana hinao teburi, ”Hapa anu nahi hori kumitao mata, ka nahi hori rumongeo biri, ka anu nahi hori me'umbaako i laro aroano mia: luwuno anu pinatinda-Do Ue Ala tiado anu mehohawa Ira.”

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

GALATIA 3:26

Nde luwumiu onaemo ana-Do Ue Ala hangano pompe'ala-ala ndi Ondae i Yesu Kerisituu.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

PILIPI 3:21

anu Ira balio koroito anu mongkokolaro andio, ranta ka ikana koroi-Do anu maramba, montonda pabawa-Do anu mokompetuunduo luwuakoano ndi Ondae.

KOLOSE 3:4

Tewala Ondae i Kerisituu, anu onaemo tuwuto, mepokomengkaa Ira te'upua, komiu koa mbo'u mpepokomengkaa meronga saru Ondae a marambaa.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

2 PETURU 1:4

Mesala kanatuu Doweeakitamo luwuno dandi anu masuli olino ka anu tedoa langkai, ka ihangano onae moiko impo'ala tia a pabawa-Do i Ue, ka mentola inso a mpo'eheno aroa ntolino anu sumolangio wawontolino.

1 YOHANE 2:28

Ka kanandio-andio, oo luwuno anaku impo'iamo tepo'asaako Ira i Kerisituu, ka tomemosia mpompe'ala-ala ba Dopepokomengkaa, ka siimo tontekoko'ii ndi Ondae a oleo hawea-Do.

1 YOHANE 2:7

Pepaekompo luwu-luwu anu kinekewoi, komba parenta wo'ohu anu kuburiakomiu, tendeano parenta tehineomo anu hinaomo ndi omiu inso a pompu'ano. Parenta tehineomo atuu onaemo pau anu imerongeomo.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

1 YOHANE 3:21

Pepaekompo luwu-luwu anu kinekewoiku, tewala aroato nahi tuluri kita, ka memosia kita umpedaako Ira Ue Ala a pompe'ala-ala,

1 YOHANE 5:1

Sompo mia anu mompe'ala-ala, nine Ondae i Yesu Ondaemo i Kerisituu, pine'anaako inso ndi Ondae Ue Ala; ka sompo mia anu kumekewoi Ira anu me'anaakono, ipehohawao koa mbo'u anu pine'anaako inso ndi Ondae.

MENGKAAA 2:28

ka ndi onae Aku weeakono buntala.

MENGKAAA 22:4

ka ira mengkitao rupa-Do, ka nee-Do ta teburi a ra'ido.