1 YOHANE 3:16 - Wunta Mempori

¹⁶ Kanandiomo tomento'orio pompehohawa-Do i Kerisituu, onaemo nine Dopeweengakonomo penaa-Do tiato; gaagi ontae mbo'u asalakono tompeweengakono penaato tiado pepaekompoto.

1 YOHANE 3:16 ပူးပေါင်းရင်းမြစ်များ

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

I YOHANE 10:15

mengkena kana Ondae i Ama Doto'ori Aku ka Ongkue Kuto'ori Ira i Ama, ka Kupeweengakono penaa-Ku tiado bimba-Ku.

I YOHANE 13:34

Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

ROMA 16:4

Dopeta'oakonomo penaado tiano tuwuku. Ndi ondae komba butu ongkue anu montarima kasi, sine luwuno mbo'u bawaa komba to Yahudi.

ROMA 5:8

Sine Ondae Ue Ala mopokitao pompehohawa-Do ndi ontae, hangano Ondae i Kerisituu mate Iramo tiato, tempono da mentehala kita.

2 KORINTI 4:12

Ka kanandiomo matea mo'angga a ngkoroimami ka tuwua mo'angga ndi omiu.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

EPESU 5:25

Hei tama, pehohawaomo beinemu kana Ondae i Kerisituu Dopehohawa iramo bawaa ka Dopeweengakonomo koroi-Do hangano Ondae

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

PILIPI 2:30

Nde hangano anggaa-Do i Kerisituu ilawupo imate ka ita'oo penaano mokosompoo hapa anu da makura a laro pompekakaakomiu ndi ongkue.

1 TESALONIKA 2:8

Kanatuumo omami, a pompehohawa anu langkai ndi omiu, komba butu inehemami mpontiaakomiu Lele Mawongkoa inso ndi Ondae Ue Ala, sine tuwumami mbo'u, hangano kimpehohawa komiumo.

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

1 PETURU 1:18

Hangano imento'orio, nine mentinolosi komiumo inso a gau ntumuwu anu nahina tuduno pusakamiu inso a uempu'umiu atuu komba saru sangka anu ta tampula, komba mbo'u saru salaka ke wulaa,

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 2:6

Ba isema motae, nine onae kongko i laro-Do, onae asalakono tuwu mengkena kana Ondae i Kerisituu tuwu Iramo.

1 YOHANE 2:9

Ba isema motae, nine onae kongko a laro mewine, sine i'o'aliaakono pepaekompono, onae kongko a laro wongi-wongia hawe kanandio-andio.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.