1 YOHANE 3:15 - Wunta Mempori

¹⁵ Sompo mia anu mo'o'aliako pepaekompono, onaemo asa mia puu pompepate mia. Ka imento'orio, nine nahina te'asa mia puu pompepate anu kongko me'umbuo tuwua anu nahina tampulaano a ngkoroino.

1 YOHANE 3:15 ပူးပေါင်းရင်းမြစ်များ

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

WINEWEUDO TINENA 23:14

Ondae melako a mpetewawado sando mpesomba ka a mia mempinemota'udo tongku Yahudi ka dompotae, ”Mpesumpa kamimo saru mentotonaao koroimami, nine nahi kami mpongkaa ke mpo'inu, ba napi kimpepateo i Paulu.

YAKOBU 1:15

Ka tewala mosisiri atuu mentiaomo, onae me'anaako hala; ka te wala hala atuu langkaiomo, onae me'anaako matea.

WINEWEUDO TINENA 23:12

Ka mansano meene to Yahudi mpoweweu tepo'asaa mpewuni-wuni ka mpesumpa saru mentotonaao koroido, nine nahi ira mpongkaa ke mpo'inu, ba napi dompepateo i Paulu.

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I MARAKUSU 6:19

Onaemo pu'uno i Herodia monaa-naa aroa ndi Yohane ka montoo ta mepateo, sine nahi pokompepateo,

I MATIU 5:28

Sine Kupauakomiu: Sompo mia anu mokokonto beine ka imosisiriakono, monsosaboomo saru onae i laro aroano.

Tegagia 27:41

I Esau monaa aroa ndi Yako hangano ronso anu iweeakono amano ndi Yako. Ipotae a ngkoroino onaeno, ”Oleo po'inomboako ira i ama, nami ta tehine mbo'u. Itempomo atuu i Yako, uaiku, aku mepateo.”

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

Winali 19:11

Sine, tewala aasa mia umo'aliaakono pe'asa miano, ka ipewuni sumikorio, ka i'amba sumapoio saru tumunduhio ranta kai mate, ka i'amba molai i aasa kota atuu,

1 YOHANE 2:9

Ba isema motae, nine onae kongko a laro mewine, sine i'o'aliaakono pepaekompono, onae kongko a laro wongi-wongia hawe kanandio-andio.

1 YOHANE 2:11

Sine ba isema umo'aliaakono pepaekompono, onae kongko a laro wongi-wongia ka tuwu a laro wongi-wongia. Nahi to'orio ba isua ilako, hangano wongi-wongia atuu mokomorawuakono matano.