1 YOHANE 3:12 - Wunta Mempori

¹² komba kana i Kai, anu tepu'u inso ndi Mosa'o ka anu mepateo uaino. Ka hapake pu'uno ka ipepateo? Hangano luwuno wineweuno mosa'o ka wineweuno uaino mentee.

1 YOHANE 3:12 ပူးပေါင်းရင်းမြစ်များ

Tegagia 4:25

I Adama mewowaliakono mbo'u beineno. Ka i'amba beine atuu me'anaakono asa ana ntama ka ineeakono i Seti, hangano ipotae, ”Ondae Ue Ala moweeakunemo asa mia inule anu susua gagi euno i Abeli, hangano ipepateomo i Kai.”

2 Samueli 13:22

I Abisalo nahi pauakono i Aminoni mongkona hapamokoa, anu moiko ke anu mosa'o. Sine i Abisalo umo'aliakono i Aminoni, hangano i solangio i Tamari, uaino.

Po'unde-unde 37:12

Mia mosa'o gauno mosongka mosa'oa a mia mentee ka ipokingkiakono;

Po'unde-unde 38:20

Mia anu me'o'aliaakune nahina pepu'uano mehadio ira, hadioomo mia anu umo'aliaakune nahina pepu'uano;

Powadi 27:4

Mokula aroa lambaha ka tekuda umaluo, sine isema mokompopetea a monsiri?

Powadi 29:10

Mia anu mokorangaako rea umo'aliaakono mia moleo, sine mia anu moleo aroano merioo penaano.

Powadi 29:27

Mia mentee mokoburuakono mia benge-benge; mia mosa'o gauno mokoburuakono anu moleo pesalaano.

I MATIU 13:19

A sompo mia anu rumongeo pau mongkona Poparentaa Suruga, sine nahi pokonto'orio, haweomo i mosa'o ka irontuo anu rinawo i laro aroano mia atuu; onaemo inii anu rinawo a wiwi nsala.

I MATIU 13:38

lere onaemo wawontolino. Inii anu moiko atuu ondaemo anano Poparentaa-Do Ue Ala ka lee ondaemo anano i mosa'o.

I MATIU 23:35

ka imensusuruo po'uwua reano mia anu nahina salano mompu'u inso ndi Habeli, mia mentee atuu, hawe ndi Sakaria anano i Berekia, anu pinepatemiu i olono po'ianga mempori ka meda pontunua pesomba.

I MATIU 27:23

Ipotae, ”Sine poweweu mosa'o hapake anu Iweweuomo?” Sine komero-merokuno dompebooli, ”Onae asalakono pinaso a ngkeu pinotamba!”

I MATIU 5:37

Tewala mentee, asalakono impotae: mentee, tewala naahi, asalakono impotae: naahi. Hapa anu lalo umarino atuu te'inso ndi mosa'o.

I LUKASI 11:51

mompu'u inso a reano i Habeli hawe a reano i Sakaria anu pinepateomo i olono meda pontunua pesomba ka Raha-Do Ue Ala. Tendeano Kupauakomiu: Luwuno atuu ta tinuntu inso a mia andiodo.

I YOHANE 10:32

Motae Ira i Yesu ndi ondae, ”Hadio anggaa moiko anu te'inso ndi Ondae Ama-Ku anu Kupopokitaakomiu; hangano anggaa isuake i olono ka komiu mewunoa-Kune watu?”

I YOHANE 8:40

Sine anu wineweumiu onaemo me'ungkeakono komiu mpepate Aku; Ongkue, asa mia anu mompauakomiu menteea, onaemo menteea anu rinonge-Ku inso ndi Ondae Ue Ala; wineweu anu kanatuu nahi weweuo i Burahima.

I YOHANE 8:41

Omiu meweweuo wineweudo amamiu.” Mesangki ira, ”Omami komba anado anu mpososabo. Amamami aasa, onaemo Ondae Ue Ala.”

WINEWEUDO TINENA 7:52

Isemake inso a luwuno nabi anu nahi domeweweunsaoo uempu'umiu? Tendeano dompepate ira mia anu ntese'elu mempaleleo mongkona hawe-Do Mia Mentee, anu kanandio-andio impeweengako Iramo ka mpepate Ira.

1 TESALONIKA 2:14

Hangano omiu, pepaekompo luwu-luwu, gagi komiumo mentonda ira bawaa-Do Ue Ala i Yudea, luwuno bawaa ndi Ondae i Kerisituu Yesu, hangano memarasai komiumo mbo'u inso a mpe'asa tongkumiu luwuakoano anu pinemarasaido inso a nto Yahudi.

IBARANI 11:4

Hangano pompe'ala-ala ipesombaakonomo i Habeli ndi Ondae Ue Ala pesomba anu lalu moiko sekonopo pesombano i Kai. Hangano koa atuu ka ipohawe ponsakosii ndi onae, nine onae mentee, hangano Dopemoikoo Ue Ala pesombano atuu ka hangano pompe'ala-ala onae da mepau, umarino mate.

IBARANI 12:24

ka ndi Ondae i Yesu, Po'oloti pedandia wo'ohu, ka a rea tinawisi, anu morosoopo ipepau sekono reano i Habeli.

1 PETURU 4:4

Onaemo pu'uno ka domengkohali-hali, nine omiu nahi mpetonda mpentoa merongaako ira a laro umbele nahi pototono anu mengkena, ka domposebe komiu.

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.