1 YOHANE 2:8 - Wunta Mempori

⁸ Sine parenta wo'ohu mbo'u anu kuburiakomiu, mengkaomo mentee i laro-Do ka i laromiu; hangano wongi-wongia kontongaano moliu ka mewine anu mentee mewantaomo.

1 YOHANE 2:8 ပူးပေါင်းရင်းမြစ်များ

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 36:9

Dompokomowohiakono taba koroido a raha-Miu; Omiu moweeako ira mpo'inu inso a ngkorono sanaa-Miu.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Yesaya 9:2

Hangano Omiu maroa pebooli, ka mawongkoa anu langkai; memawongko iramo i aro-Miu, kana mawongkodo tempo sumowi, kana mia mengkokora-kora tempono mpetia-tia pinomuru.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 4:16

Tongku anu mpo'ia a laro wongi-wongiano, pongkita iramo mewine anu langkai, ka ndi ondae anu mpo'ia i inia anu inengomino matea, mesabaakoomo Mewine.”

I LUKASI 1:79

ka ipansari ira anu mpo'ia a wongi-wongiano ka a laro mpe'engono matea ka Dopo'aroo karuto a nsala rodoa.”

I YOHANE 1:9

Mewine anu menteeano, anu wantahio sompo mia, kontongaa-Do hawe i wawontolino.

I YOHANE 12:35

Motae Ira i Yesu ndi ondae, ”Saraimo koa ikongko mewine i olomiu. Tempono mewine atuu kongko ndi omiu, impe'ala-alaomo, ka si pabawai komiu wongi-wongia; ba isema melempa a laro wongi-wongia, nahi to'orio ba isua lakoano.

I YOHANE 12:46

Hawe Akumo i wawontolino gagi mewine, ka isompo mia anu me'ala-ala Aku, ka si po'ia a laro wongi-wongia.

I YOHANE 13:34

Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

I YOHANE 8:12

Ka mepau Ira mbo'u i Yesu a mia hadio, Dopotae, ”Ongkuemo mewineno wawontolino; ba isema tumonda Aku, onae nahi ta melempa a laro wongi-wongiano, tendeano onae ta mohawe mewineno tuwua.”

WINEWEUDO TINENA 17:30

Ka nami pinewowolo mbo'u tempo monge-mongea, ka kanandio-andio Dopaleleo Ue Ala a mia, nine isua-suamo koa luwudo asalakono ntepidi.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

ROMA 13:12

Tehineomo wongi, tamo ronga meene. Onaemo pu'uno aiwamo ka tomebintao luwuno wineweu wongi-wongia ka tompokonao parewa mpetea mewine!

2 KORINTI 8:9

Hangano imento'oriomo pompehohawa-Do Ueto i Yesu Kerisituu, nine Ondae, anu hangano omiu gagi mongkokolaro, maupo kaea Ira, ka igagi mengkaea hangano mongkokolaro-Do.

EPESU 5:8

Lano i ndi'upua mewongi-wongi komiu, sine kanandio-andio memewine komiu ndi Ondae i Ue. Onaemo pu'uno imentuwumo gagi anano mewine,

2 TIMOTIU 1:10

ka anu kanandio-andio pinokomengkaa a hawe-Do Puu pongkaduduito Ondae i Yesu Kerisituu, anu hangano Lele Mawongkoa pinuduomo pabawano matea ka mowawa tuwua anu nahi ta mate.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.

1 YOHANE 4:11

Pepaekompo anu kinekewoiku, tewala kanandiomo Dopehohawa kita Ue Ala, ka asalakono ontae mbo'u memambe pehohawa.

1 YOHANE 4:21

Ka parenta andio tomentarimao inso ndi Ondae: Ba isema kumekewoi Ira Ue Ala, asalakono ka ipehohawao koa mbo'u pepaekompono.