1 YOHANE 2:7 - Wunta Mempori

⁷ Pepaekompo luwu-luwu anu kinekewoi, komba parenta wo'ohu anu kuburiakomiu, tendeano parenta tehineomo anu hinaomo ndi omiu inso a pompu'ano. Parenta tehineomo atuu onaemo pau anu imerongeomo.

1 YOHANE 2:7 ပူးပေါင်းရင်းမြစ်များ

Imama 19:18

Siimo potuntu pobalasi, ka siimo ponaa-naa aroa a luwuno mia pe'asa tongkumu, tendeano pehohawaomo pe'asa miamu kana koroimu. Ongkuemo Ue.

Imama 19:34

Mia hawe anu mo'ia ndi omiu asalakono imentuduo mengkena kana to Isaraeli ntu'u i olomiu. Impehohawaomo kana koroimiu, hangano i ndi'ipua omiu mbo'u mia hawe i wita Masiri; Ongkuemo Ue, Ue Alamiu.

I MATIU 5:43

Imerongeomo pau-Do i Ue: Pehohawaomo pe'asa miamu ka o'aliaakonomo iwalimu.

I YOHANE 13:34

Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

WINEWEUDO TINENA 17:19

Ka do'amba mewawao i arono terisoa Areopagu ka dompotae, ”Moiko koake kimento'orio pompaguru wo'ohu hapa anu pinagurumu andio?

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

IBARANI 6:9

Sine, hei pepaekompoku luwu-luwu anu kinekewoiku, maupo kimpotae kanandio mongkona omiu, kimpe'ala-alao, nine hinao ndi omiu anu lalu moiko, anu mowawa tekaduduia.

1 YOHANE 2:24

Ka omiu, hapa anu imerongeomo inso a pompu'uano, asalakono ka ipo'ia mpiha atuu i laromiu. Tewala hapa anu imerongeomo inso a pompu'uano atuu kongko mpiha i laromiu, asalakono komiu koa mpo'ia mpiha i laro-Do i Ana ka i laro-Do i Ama.

1 YOHANE 3:11

Hangano ndio lele anu imerongeomo inso a pompu'uano, onaemo nine asalakono ka tomemambe pehohawa;

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

1 YOHANE 3:21

Pepaekompo luwu-luwu anu kinekewoiku, tewala aroato nahi tuluri kita, ka memosia kita umpedaako Ira Ue Ala a pompe'ala-ala,

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

1 YOHANE 4:11

Pepaekompo anu kinekewoiku, tewala kanandiomo Dopehohawa kita Ue Ala, ka asalakono ontae mbo'u memambe pehohawa.

1 YOHANE 4:21

Ka parenta andio tomentarimao inso ndi Ondae: Ba isema kumekewoi Ira Ue Ala, asalakono ka ipehohawao koa mbo'u pepaekompono.

1 YOHANE 4:7

Pepaekompo luwu-luwu anu kinekewoiku, aiwamo tomemambe pehohawa, hangano pompehohawa atuu te'inso ndi Ondae Ue Ala; ka sompo mia anu mompehohawa, pine'anaako inso ndi Ondae Ue Ala ka tumo'ori Ira Ue Ala.