1 YOHANE 2:5 - Wunta Mempori

⁵ Sine ba isema tumondao pau-Do, i larono mia atuu mentee ntu'u sompoomo pompehohawa-Do Ue Ala; onaemo atuu ka tomento'orio, nine mekongko kita i laro-Do.

1 YOHANE 2:5 ပူးပေါင်းရင်းမြစ်များ

Po'unde-unde 105:45

ka domentondao mpiha pompakosi-Do, ka me'inio luwuno pompaguru-Do. Haleluya!

Po'unde-unde 106:3

Me'ura iramo mia anu mpe'ini a songka, anu meweweuo moleoa a luwuno tempo!

Po'unde-unde 119:146

Mebooli aku ndi Omiu, Ikadudui akumo! Aku koa me'ini a luwuno pepopoto'ori-Miu.

Po'unde-unde 119:2

Me'uraomo mia anu uminio luwuno pepopoto'ori-Do, anu umungke Ira tompaano aroano.

Po'unde-unde 119:4

Omiumo anu mohaweo luwuno parenta-Miu, kai inini tementee ntu'u.

Powadi 28:7

Mia anu mekariao songka onaemo ana anu hinao ponto'orino, sine mia anu mebawaaako anu modoko mongkaa mokoko'iio amano.

Powadi 8:32

Onaemo pu'uno, hei nana'ote, ronge akumo, hangano me'ura iramo anu mekariao luwuno pesalaaku.

Puu Pontutulu 8:5

Isema anu tumondao parenta nahi ta membasaio mongkona anu monsolangi, ka aroano mia monto'ori tumo'orio tempo pobitaraa.

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 15:5

Ongkuemo keu anggoro ka omiumo luwuno sampano. Ba isema mo'ia i laro-Ku ka Ongkue mo'ia i larono, onae mewua hadio, hangano ba nahi saru Ongkue nahina hapa-hapa pinokoweweumiu.

I YOHANE 6:56

Ba isema mongkaa koroi-Ku ka mo'inu rea-Ku, onae mo'ia i laro-Ku ka Ongkue i larono.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

YAKOBU 2:22

Imengkitao, nine pompe'ala-ala mo'angga meronga saru luwuno wineweu ka hangano luwuno wineweu atuu pompe'ala-ala gagi soompo ntu'u.

1 YOHANE 3:24

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.

1 YOHANE 4:17

I ndi'aimo pompehohawa-Do Ue Ala soompo i laroto, onaemo tewala memosia kita mpompe'alal-ala a oleo pobitaraa, hangano mengkena kana Ondae, ontae mbo'u mekongko i wawontolino andio.

1 YOHANE 4:18

A pompehohawa nahina doitoa; pompehohawa anu soompo mokotampulao doitoa; hangano doitoa mowawa pohuku ka ba isema doito, onae nahi soompo a pompehohawa.

1 YOHANE 5:2

Ndiomo tondonino, nine tompehohawa ira ana-Do Ue Ala, onaemo tewala tomengkekewoi Ira Ue Ala saru weweuo luwuno petena-Do.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

2 YOHANE 1:6

Ka ndiomo pompehohawa atuu, onaemo nine asalakono ka tomentuwu montonda parenta-Do. Ka ndiomo parenta atuu, onaemo nine asalakono ka imentuwu a laro pompehohawa, kana imerongeomo inso a pompu'uano.

MENGKAAA 12:17

Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.