1 YOHANE 2:4 - Wunta Mempori

⁴ Ba isema motae: Kuto'ori Ira, sine nahi tondao parenta-Do, onemo asa mia puu mpegaupi ka i larono nahina menteea.

1 YOHANE 2:4 ပူးပေါင်းရင်းမြစ်များ

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

TITU 1:10

Hangano hadioomo mia mentuwu nahi te'atora, tamoako i olodo anu mpe'ini a songka metindi. Saru mpepau anu nahina tuduno domensosaeloo pinewowolodo.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

1 YOHANE 1:10

Tewala mpotae kita, nine nahi tompoweweu hala, ka tomeweweu Ira gagi megaupi ka pau-Do nahina i laroto.

1 YOHANE 1:6

Tewala mpotae kita, nine mpohawe kita tepo'asaa saru Ondae, sine mentuwu kita a laro wongi-wongia, mpegaupi kita ka nahi tompoweweu menteea.

1 YOHANE 1:8

Tewala mpotae kita, nine nahi tontehala, ka tomempopo'oo koroito ontaeto ka menteea nahina i laroto.

1 YOHANE 2:3

Ka ndiomo tondonino, nine tomento'ori Ira Ue Ala, onaemo tewala tomentondao luwuno parenta-Do.

1 YOHANE 2:9

Ba isema motae, nine onae kongko a laro mewine, sine i'o'aliaakono pepaekompono, onae kongko a laro wongi-wongia hawe kanandio-andio.

1 YOHANE 3:6

Onaemo pu'uno sompo mia anu kongko mpiha ndi Ondae, nahi poweweu mbo'u hala; sompo mia anu kongko moweweu hala, nahi kita Ira ka nahi to'ori Ira.

1 YOHANE 4:20

Tewala asa mia motae, ”Kukekewoi Ira Ue Ala,” ka i'o'aliaakono pepaekompono, onaemo mia megaupi, hangano ba isema nahi pehohawao pepaekompono anu kinitano, nahi ta kumekewoi Ira Ue Ala, anu nahi kita Ira.

1 YOHANE 4:7

Pepaekompo luwu-luwu anu kinekewoiku, aiwamo tomemambe pehohawa, hangano pompehohawa atuu te'inso ndi Ondae Ue Ala; ka sompo mia anu mompehohawa, pine'anaako inso ndi Ondae Ue Ala ka tumo'ori Ira Ue Ala.