1 YOHANE 2:3 - Wunta Mempori

³ Ka ndiomo tondonino, nine tomento'ori Ira Ue Ala, onaemo tewala tomentondao luwuno parenta-Do.

1 YOHANE 2:3 ပူးပေါင်းရင်းမြစ်များ

Po'unde-unde 119:32

Aku melulu tumondao luwuno parenta-Miu, hangano Ipokonsanaao aroaku.

Po'unde-unde 119:6

Nahi aku pinokoko'ii, tewala kupepenteeo luwuno parenta-Miu.

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

I LUKASI 6:46

”Tembio ka impebooli ndi Ongkue: Ue, Ue, kahinaano nahi meweweuo hapa anu pinau-Ku?

I YOHANE 14:15

”Tewala impehohawa Aku, komiu mentondao luwuno parenta-Ku.

I YOHANE 15:10

Tewala imentondao songka-Ku, komiu mpo'ia a laro pompehohawa-Ku, kana Kutondao songka-Do Ama-Ku ka mo'ia a laro pompehohawa-Do.

I YOHANE 15:14

Omiumo sambe'e-Ku, tewala imeweweuo hapa anu Kuparentaakomiu.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

1 YOHANE 2:13

Kupoburiakomiu, hei luwuno ama, hangano imento'ori Iramo, anu kongko Ira inso a pompu'uano. Kupoburiakomiu, hei luwuno mia mongura, hangano imenangiomo anu mosa'o.

1 YOHANE 3:14

Tomento'orio, nine mpelimba kitamo inso a matea melako a ntuwua, onaemo hangano mpompehohawa kita pepaekompoto. Ba isema nahi pompehohawa, onae kongko mpiha a matea.

1 YOHANE 3:19

Kanandiomo ka tomento'orio, nine ntepu'u kita inso a menteea. Kanandio koa mbo'u ka tompokorodoo aroato i aro-Do Ue Ala,

1 YOHANE 3:6

Onaemo pu'uno sompo mia anu kongko mpiha ndi Ondae, nahi poweweu mbo'u hala; sompo mia anu kongko moweweu hala, nahi kita Ira ka nahi to'ori Ira.

1 YOHANE 4:13

Kanandiomo ka tomento'orio, nine mekongko kita mpiha i laro-Do Ue Ala ka Ondae i laroto; Doweeakitamo ka tompohawe tia a Mpenaa-Do.

1 YOHANE 4:7

Pepaekompo luwu-luwu anu kinekewoiku, aiwamo tomemambe pehohawa, hangano pompehohawa atuu te'inso ndi Ondae Ue Ala; ka sompo mia anu mompehohawa, pine'anaako inso ndi Ondae Ue Ala ka tumo'ori Ira Ue Ala.

1 YOHANE 5:19

Tomento'orio, nine mente'inso kita ndi Ondae Ue Ala ka asa wawontolino kongko i totono pabawano i Mosa'o.

1 YOHANE 5:2

Ndiomo tondonino, nine tompehohawa ira ana-Do Ue Ala, onaemo tewala tomengkekewoi Ira Ue Ala saru weweuo luwuno petena-Do.

1 YOHANE 5:3

Hangano ndiomo pongkekewoi ndi Ondae Ue Ala, onaemo, nine tomentondao luwuno petena-Do. Luwuno petena-Do atuu komba mobea,

MENGKAAA 12:17

Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.