1 YOHANE 2:28 - Wunta Mempori

²⁸ Ka kanandio-andio, oo luwuno anaku impo'iamo tepo'asaako Ira i Kerisituu, ka tomemosia mpompe'ala-ala ba Dopepokomengkaa, ka siimo tontekoko'ii ndi Ondae a oleo hawea-Do.

1 YOHANE 2:28 ပူးပေါင်းရင်းမြစ်များ

Yesaya 25:9

I tempo atuu mia ira mpotae, ”menteeano, Ondaemo andio Ue Alato. Tomensisikori Ira, ka Dokadudui kitamo. Ondaemo andio Ue anu sinisikorito; aiwamo tomengkokora-kora ka mpo'undeakono pontulungi-Do!”

Yesaya 45:17

Sekono Isaraeli Dokaduduiakono i Ue tekaduduia anu nahina tampulaano; nahi komiu memokoko'ii ke mpohawe mokoko'iia ranta nahina tampulaano.”

Maleaki 3:2

Isemake anu mokompopetea a oleo hawea-Do? Isemake anu mokompentade mpiha, tempono Dopepopokita? Hangano Ondae kana api pompokolono labu ka kana sabono puu mpolombo.

Maleaki 4:5

Menteeano Aku tumenao nabi Elia aiwa ndi omiu tewala tamo hawe oleo-Do i Ue anu langkai ka mongkokongiri atuu.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I MATIU 16:28

Kupauakomiu: Menteeano i olodo mia anu mekongko i ndi'ai hinao anu nahi ta mate ba napi domengkita Ira i Ana Manusia hawe gagi Mokole a laro Poparentaa-Do.”

I MARAKUSU 8:38

Hangano ba isema anu mokoko'ii hangano Ongkue ka hangano pau-Ku i tonga-tongano mia mentuwu nahi dompetenunu ka ntehala andio, i Ana Manusia mbo'u Ira mokoko'ii hangano mia atuu ba Dohawe te'upua a laro maramba-Do Ama-Do, domentonda Ira mala'eka mempori.”

I LUKASI 17:30

Kanandiomo teweweuno te'upua a oleo, ba Dopepokomengkaa i Ana Manusia.

ROMA 9:33

kana hinao teburi, ”Menteeano, Aku numaao i Sioni aasa watu tetengkua ka aasa watu tetidua, ka ba isema anu me'ala-ala Ira, nahi ta pinokoko'ii.”

1 KORINTI 1:7

Kanandiomo omiu nahi memakuraako maupo te'asa pompowee kontongaamiu mensikorio hawe-Do Ueto i Yesu Kerisituu.

1 KORINTI 15:23

Sine sompo-sompo mia montonda potudano: anu amba-ambano Ondae i Kerisituu; umarino atuu ondae anu gagi mia-Do i tempono hawea-Do.

EPESU 3:12

Ndi Ondae tompohawe mosiaa ka sala mewinso ndi Ondae Ue Ala ka mempine'ala-ala hangano pompe'ala-alato ndi Ondae.

KOLOSE 3:4

Tewala Ondae i Kerisituu, anu onaemo tuwuto, mepokomengkaa Ira te'upua, komiu koa mbo'u mpepokomengkaa meronga saru Ondae a marambaa.

1 TESALONIKA 2:19

Hangano isemake pomperorohiamami ke mawongkoamami ke ramba-ramba ulu pino'undeakomami i aro-Do i Yesu, Ueto, a tempo hawea-Do, tewala komba omiu?

1 TESALONIKA 3:13

Po'ineeomo ka Dopokomorosoakomiu aroamiu, ka si hina tataano ka mempori, i aro-Do Ue Ala ka Amato a tempo hawea-Do i Yesu, Ueto, saru luwuno mia mempori-Do.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

1 TIMOTIU 6:14

Tondaomo parenta andio, saru nahina tetewehiano ka nahina tataano, ranta a tempono Ondae Ueto i Yesu Kerisituu mepokomengkaa,

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

1 PETURU 5:4

Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

1 YOHANE 2:1

Omiu anaku, luwuno andio kuburiakomiu, ka si mpoweweu hala, sine tewala asa mia moweweu hala, hinao asa mia puu mpo'ala-alaakoto ndi Ondae i Ama, onaemo Ondae i Yesu Kerisituu, anu moleo.

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

1 YOHANE 3:21

Pepaekompo luwu-luwu anu kinekewoiku, tewala aroato nahi tuluri kita, ka memosia kita umpedaako Ira Ue Ala a pompe'ala-ala,

1 YOHANE 4:17

I ndi'aimo pompehohawa-Do Ue Ala soompo i laroto, onaemo tewala memosia kita mpompe'alal-ala a oleo pobitaraa, hangano mengkena kana Ondae, ontae mbo'u mekongko i wawontolino andio.

1 YOHANE 5:14

Ka ndiomo mosiano pompe'ala-alato ndi Ondae, onaemo nine Do'induo pekakaito, tewala hinao inemato ndi Ondae montonda po'ehe-Do.

MENGKAAA 1:7

Kitaomo, hawe Ira melaro nseru ka sompo mata ta kumita Ira, ondae mbo'u anu tumobo Ira. Ka luwuno tongku i tolino ira mensabangi Ira. Humbee, ami.