1 YOHANE 2:27 - Wunta Mempori

²⁷ Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

1 YOHANE 2:27 ပူးပေါင်းရင်းမြစ်များ

Powadi 28:5

Mia mosa'o wineweuno nahi pokonto'orio moleoa, sine mia anu umungke Ira i Ue mokonto'orio luwuakoano.

Imama 7:35

Onaemo tiano i Haruni ka luwuno anano inso a luwuno pesomba tinunu ndi Ondae i Ue a oleo domentinena me'aiwa gagi sando mpesomba ndi Ondae i Ue.

Podoaa 7:43

Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga.

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I YOHANE 14:16

Aku umemao ndi Ondae i Ama, ka Ira moweeakomiu aasa Pontulungi anu susua, ka ikongkomi komiu ranta nahina tampulaano,

I YOHANE 14:17

onaemo Penaa Menteea. Wawontolino nahi pokotarima Ira, hangano wawontolino nahi kita Ira ka nahi to'ori Ira. Sine omiu imento'ori Ira, hangano Dokongkomi komiu ka mo'ia i laromiu.

I YOHANE 14:26

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

I YOHANE 16:13

Sine tewala hawe Ira, onaemo Penaa Menteea, Ondae Ira wawa komiu a luwuno menteea; hangano nahi Ira mepau inso a mpo'ehe-Do Ondae-Do, sine luwuakoano anu rinonge-Do onaemo anu Ira pauo ka Ira paleleakomiu luwuno anu ta hawe.

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

1 KORINTI 2:12

Komba penaa i wawontolino tompontarima, sine Penaa anu te'inso ndi Ondae Ue Ala, ka tomento'orio, hapa anu Doweeakita Ue Ala.

1 KORINTI 2:13

Ka hangano mpompau kami pengkonaano mongkona penaa ndi ondae anu hinao Penaa, mpepauako kami pau anu komba kimempinaguruako ponto'orino mia, mongkona luwuno pompowee-Do Ue Ala.

2 KORINTI 1:21

Hangano Ondaemo anu mokoroso kami saru omiu ndi Ondae i Kerisituu, onaemo Ondae Ue Ala anu mo'urapi Iramo,

EPESU 4:21

Hangano imerongeomo mongkona Ondae ka mentarimao pompaguru ndi Ondae montonda menteea anu mengkaa ndi Ondae i Yesu,

KOLOSE 2:6

Imentarima Iramo i Kerisituu Yesu, Ueto. Onaemo pu'uno po'ineeomo tuwumiu ka kongko mpiha ndi Ondae.

1 TESALONIKA 2:13

Ka onaemo pu'uno nahi otu-otu kime'une-unde Ira mbo'u Ue Ala, hangano imentarimaomo pau-Do Ue Ala anu pinalelemami atuu, komba kana paudo mia, sine – ka lano mentee ntu'u kanandio – kana pau-Do Ue Ala, anu mo'angga koa mbo'u i laromiu anu mpompe'ala-ala.

1 TESALONIKA 4:9

Mongkona pompehohawa a mpepaekompo siimo imebinuriako, hangano omiu isa'a mpepaguru komiumo mambepehohawa inso ndi Ondae Ue Ala.

1 TIMOTIU 2:7

Hangano ponsakosiimo atuu ka kupinakosi gagi pompalele ka tinena – anu pinauku andio mentee, nahi kupegaupi – ka gagi pompaguru mia anu komba to Yahudi, a pompe'ala-ala ka menteea.

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

1 YOHANE 2:28

Ka kanandio-andio, oo luwuno anaku impo'iamo tepo'asaako Ira i Kerisituu, ka tomemosia mpompe'ala-ala ba Dopepokomengkaa, ka siimo tontekoko'ii ndi Ondae a oleo hawea-Do.

1 YOHANE 3:24

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.

2 YOHANE 1:2

hangano menteea anu mo'ia mpiha i laroto ka anu ta kumongkomi kita ranta nahina tampulaano.