1 YOHANE 2:18 - Wunta Mempori

¹⁸ Anaku luwu-luwu, tempo andio onaemo tempo anu pokotompa, ka kana anu imerongeomo, asa mia anu umewai Ira i Kerisituu ta hawe, kanandio-andio hadio iramo mpentade umewai Ira i Kerisituu. Onaemo tondonino, nine tempo andio mentee ntu'u onaemo tempo anu pokotompa.

1 YOHANE 2:18 ပူးပေါင်းရင်းမြစ်များ

I MATIU 24:11

Hadio nabi mpegaupi ira mehawe ka mpompopo'oo hadio mia.

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

I MATIU 24:5

Hangano hadio mia ira mehawe mpeneeako nee-Ku ka dompotae: Ongkuemo i Mesia, ka ta hadio mia pinopo'oodo.

I MARAKUSU 13:6

Ira mehawe hadio mia mpeneeako nee-Ku ka mpotae: Ongkuemo Onae, ka ta hadio mia pinopo'oodo.

I YOHANE 21:5

Motae Ira i Yesu ndi ondae, ”Hei ana-Ku, hinaoke pe'inahu ndi omiu?” Mesangki ira, ”Nahina.”

ROMA 13:11

Mongkona andio asalakono ka imeweweuo, hangano imento'orio tempo kanandio-andio, onaemo nine haweomo tempono ka impewangu umari mpoturi. Hangano kanandio-andio tekaduduiato rangkuomo susua sekonopo tempono tomegagi mpompe'ala-ala.

ROMA 13:12

Tehineomo wongi, tamo ronga meene. Onaemo pu'uno aiwamo ka tomebintao luwuno wineweu wongi-wongia ka tompokonao parewa mpetea mewine!

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.

1 PETURU 1:20

Bininiki Iramo se'eluno ipinokogagi wawontolino, sine – hangano omiu – ka Do'amba mepokomengkaa a pokotompaano tempo.

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

2 PETURU 2:1

Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.

1 YOHANE 2:22

Isema marampegaupi atuu? Onaemo atuu anu umewai Ira i Kerisituu, onaemo onae anu humapu Ira i Ama maupo Ondae i Ana.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

1 YOHANE 4:3

ka sompo penaa, anu nahi pe'ala-ala Ira i Yesu, komba te'inso ndi Ondae Ue Ala. Penaa atuu onaemo penaa anu umewai Ira i Kerisituu ka mongkona onae imerongeomo, nine ta hawe ka kanandio-andio kongkoomo i wawontolino.

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.

YUDASI 1:18

Hangano domempauomo ndi omiu, ”tamo haweako pokotampulaano wawontolino ira mehawe mia pompopodeu-deu anu ira mentuwu mentondao po'eheno aroa ka gaudo anu mosa'o.”