1 YOHANE 2:13 - Wunta Mempori

¹³ Kupoburiakomiu, hei luwuno ama, hangano imento'ori Iramo, anu kongko Ira inso a pompu'uano. Kupoburiakomiu, hei luwuno mia mongura, hangano imenangiomo anu mosa'o.

1 YOHANE 2:13 ပူးပေါင်းရင်းမြစ်များ

Po'unde-unde 148:12

hei ana ntama kontuwuano ka luwuno ana beine kontuwuano, mia mota'u ka mia mongura!

Po'unde-unde 90:2

Se'eluno luwuno torukuno pine'anaako, tolino ka wawontolino pine'anaako, inso i ndi'ipua hawe nahina tampulaano Omiumo Ue Ala.

Po'unde-unde 91:14

”Hangano aroano metako ndi Ongkue, onaemo pu'uno Aku motolao, Aku rumereio, hangano ito'orio nee-Ku.

Powadi 20:29

Peramba-rambano mia mongura onaemo rosono, ka tekosino mia mota'u onaemo uwa.

Yoeli 2:28

”Ta gagi lembuino, nine Aku umuwuo Penaa-Ku a wawo luwuno mia, luwuno anamiu tama ka beine ira mpopau anu ta gagi; luwuno miamiu anu mota'u ira memo'ipi, luwuno mangalitaumiu ira mpohawe hadio pongkita.

Sakaria 9:17

Mentee ntu'u, tedoa moiko ka tedoa ira ntekosi! Mangalitau ntetiangi hadio hangano gandu ka ana beine hangano anggoro.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 13:19

A sompo mia anu rumongeo pau mongkona Poparentaa Suruga, sine nahi pokonto'orio, haweomo i mosa'o ka irontuo anu rinawo i laro aroano mia atuu; onaemo inii anu rinawo a wiwi nsala.

I MATIU 13:38

lere onaemo wawontolino. Inii anu moiko atuu ondaemo anano Poparentaa-Do Ue Ala ka lee ondaemo anano i mosa'o.

I MATIU 5:37

Tewala mentee, asalakono impotae: mentee, tewala naahi, asalakono impotae: naahi. Hapa anu lalo umarino atuu te'inso ndi mosa'o.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 14:7

Tewala imento'ori Aku, manasa imento'ori Ira mbo'u Ama-Ku. Kanandio-andio imento'ori Ira ka imengkita Iramo.”

I YOHANE 14:9

Motae Ira i Yesu ndi onae, ”Tehineomo Kuperongaakomiu, Pilipu, sine nahi uto'ori Aku? Ba isema kumita Akumo, ikita Iramo Ondae i Ama; kana'umpe ka upotae: Tisoakamimo Ondae i Ama atuu.

I YOHANE 16:3

Ira mpoweweu kanandio, hangano nahi domento'orio moiko Ondae i Ama maupo Ongkue.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

I YOHANE 17:21

ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 8:19

Ka dompotaeako Ira, ”I sua Irake Ama-Miu?” Sumangki Ira i Yesu, ”Moiko Ongkue, maupo Ondae Ama-Ku nahi imento'orio. Bakanaano imento'ori Aku, komiu koa mento'ori Ira mbo'u Ama-Ku.”

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

1 TIMOTIU 5:1

Si tekuda a mia anu mota'u, tendeano kuahakono kana ama. Kuahako ira mia memongura kana pepaekompomu,

TITU 2:6

Kanatuu koa mbo'u mia memongura; imempatudu iramo ka domempabawaio koroido a luwuakoano

1 YOHANE 1:1

Hapa anu hinaomo inso a pompu'uano, anu kimerongeomo, anu kimengkitaakonomo matamami, anu kimensakosiio ka anu kimperareakonomo kaemami mongkona Pau tuwua – onaemo anu binurimami ndi omiu.

1 YOHANE 2:1

Omiu anaku, luwuno andio kuburiakomiu, ka si mpoweweu hala, sine tewala asa mia moweweu hala, hinao asa mia puu mpo'ala-alaakoto ndi Ondae i Ama, onaemo Ondae i Yesu Kerisituu, anu moleo.

1 YOHANE 2:12

Kupoburiakomiu, hei nana'ote, nde halamiu inampuniomo hangano nee-Do.

1 YOHANE 2:14

Kupoburiakomiu, hei luwuno nana'ote, hangano imento'ori Ira i Ama. Kupoburiakomiu, hei luwuno ama, hangano imento'ori Ira, anu kongko Ira inso a pompu'uano. Kupoburiakomiu, hei luwuno mia mongura, hangano memoroso komiu ka pau-Do Ue Ala mo'ia i laromiu ka imenangiomo anu mosa'o.

1 YOHANE 3:12

komba kana i Kai, anu tepu'u inso ndi Mosa'o ka anu mepateo uaino. Ka hapake pu'uno ka ipepateo? Hangano luwuno wineweuno mosa'o ka wineweuno uaino mentee.

1 YOHANE 4:4

Luwumiu anaku nte'inso ndi Ondae Ue Ala, ka imenangi iramo nabi mpegaupi atuudo; hangano Penaa anu kongko i laromiu, langkai Irapo sekono penaa anu kongko i wawontolino.

1 YOHANE 5:18

Tomento'orio, nine sompo mia anu pine'anaako inso ndi Ondae Ue Ala, nahi poweweu hala; sine Ondae anu pine'anaako inso ndi Ondae Ue Ala dumagaio, ka i Mosa'o nahi poko'anggao.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 2:7

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”