1 YOHANE 2:1 - Wunta Mempori

¹ Omiu anaku, luwuno andio kuburiakomiu, ka si mpoweweu hala, sine tewala asa mia moweweu hala, hinao asa mia puu mpo'ala-alaakoto ndi Ondae i Ama, onaemo Ondae i Yesu Kerisituu, anu moleo.

1 YOHANE 2:1 ပူးပေါင်းရင်းမြစ်များ

Po'unde-unde 4:4

To'oriomo, Ondae i Ue Dobinikiomo tia-Do asa mia anu pinehohawa-Do; Ondae i Ue merorongeakono tewala mebooli aku ndi Ondae.

Yehesikieli 3:21

Sine, tewala upauakono mia mentee ka si poweweu hala ka onae nahi poweweu hala, onae ta kongko tuwu, hangano onae behe tumarimao ipinauako, ka omue ukaduduiomo penaamu.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 10:15

mengkena kana Ondae i Ama Doto'ori Aku ka Ongkue Kuto'ori Ira i Ama, ka Kupeweengakono penaa-Ku tiado bimba-Ku.

I YOHANE 13:33

Hei luwumiu ana-Ku, saraimo koa Kukongko meronga omiu. Komiu me'ungke Aku, ka kana anu Kupauako iramo to Yahudi: A mpo'ianga lakoa-Ku, nahi komiu mpokohawe, kanatuu koa mbo'u Kupauakomiu kanandio-andio.

I YOHANE 14:16

Aku umemao ndi Ondae i Ama, ka Ira moweeakomiu aasa Pontulungi anu susua, ka ikongkomi komiu ranta nahina tampulaano,

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 21:5

Motae Ira i Yesu ndi ondae, ”Hei ana-Ku, hinaoke pe'inahu ndi omiu?” Mesangki ira, ”Nahina.”

I YOHANE 5:14

Ka Do'amba i Yesu tepohaweakono a laro RahaDo Ue Ala ka Do'amba motaeakono, ”Tompakomo; si poweweu mbo'u hala, ka si gagi ndi omue anu lansaraopo.”

I YOHANE 5:36

Sine hinao aasa ponsakosii-Ku anu lalu mentudu sekono ponsakosiino i Yohane, onaemo luwuno anggaa anu Doweea-Kune i Ama, ka Ku'anggao. Anggaa mbo'u atuu anu inangga-Ku kanandio-andio, ka onaemo anu sumakosiio mongkona Ongkue, nine Ondae i Ama anu tumena Aku.

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

I YOHANE 8:11

Sangkino, ”Nahina, Ue.” Ka Do'amba motae i Yesu, ”Ongkue mbo'u nahi Aku humukuko. Lakomo, ka si poweweu mbo'u hala mompu'u kanandio-andio.”

WINEWEUDO TINENA 7:52

Isemake inso a luwuno nabi anu nahi domeweweunsaoo uempu'umiu? Tendeano dompepate ira mia anu ntese'elu mempaleleo mongkona hawe-Do Mia Mentee, anu kanandio-andio impeweengako Iramo ka mpepate Ira.

ROMA 5:10

Hangano tewala ontae, tempono da me'ewa, mepinokosintuwu saru Ondae Ue Ala hangano mate-Do ana-Do, tamoako ontae, anu kanandio-andio mempinokosintuwu kitamo, manasa kita mengkinadudui hangano tuwu-Do!

ROMA 6:15

Gaagi kana'umpe? Nde kita mpoweweu halake, hangano nahi tompo'ia i totono songka Taura, sine i totono pompehohawa? Naahi ntu'u!

ROMA 8:34

Ondae i Kerisituu Yesu, anu umari mate? Tendeano laluaopo mbo'u: anu mewangu Iramo, anu mentoro i koana-Do Ue Ala, anu tendeano gagi Puu Mpo'alaakoto?

1 KORINTI 15:34

Iwali mpewowoloo temoi-moiko ka si mpoweweu mbo'u hala! Hinao i olomiu anu nahi to'ori Ira Ue Ala. Mongkona andio kupauo, ka intekoko'ii koa.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 4:19

Hei anaku, hangano omiu ka kupe'i'isei kana mahaki me'ana mbo'u, hawe rupa-Do i Kerisituu gagi mengkaa i laromiu.

EPESU 2:18

Nde hangano Ondae ontae anu orua ntia a laro aasa Penaa mpohawe pesalaa mewinso ndi Ondae i Ama.

EPESU 4:26

Tewala gagi komiu ntekuda, si mpoweweu hala: si mentekuda hawe ka isumoo oleo

1 TIMOTIU 2:5

Hangano Ondae Ue Ala atuu Asa-asa-Do ka Asa-asa-Do koa mbo'u anu gagi po'oloti olo-Do Ue Ala ka mia, onaemo mia Ondae i Kerisituu Yesu,

1 TIMOTIU 3:14

Luwuno atuu kuburioakomu, maupo kuperorohio aku koa ronga mokohaweko.

IBARANI 9:24

Hangano Ondae i Kerisituu komba mewinso Ira a mpo'ianga mempori wineweuno kaeno mia anu butu koa gambarano inso anu menteeano, sine i laro nsuruga isa'a Dotepo'aroako Ira Ue Ala hangano ontae.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

YAKOBU 3:9

Saru elo tome'unde-unde Ira i Ue, Amato; ka saru elo tomentotonaao mia anu pinokogagi montonda rupa-Do Ue Ala,

1 PETURU 2:22

Nahi Dotehala, ka pompopo'oo nahina a laro nganga-Do.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 3:18

Anaku luwu-luwu, ime'aiwamo tompompehohawa komba saru pau ke elo, sine saru wineweu ka a menteea.

1 YOHANE 3:5

Ka imento'orio, nine mepokomengkaa Iramo, ka Dopahihio luwuno hala, ka ndi Ondae nahina hala.

1 YOHANE 3:7

Anaku luwu-luwu, si mpo'ineeo maupo te'asa mia mopo'oo komiu. Ba isema anu moweweu mentee onae mentee, mengkena kana Ondae i Kerisituu mentee Ira;

1 YOHANE 4:4

Luwumiu anaku nte'inso ndi Ondae Ue Ala, ka imenangi iramo nabi mpegaupi atuudo; hangano Penaa anu kongko i laromiu, langkai Irapo sekono penaa anu kongko i wawontolino.

1 YOHANE 5:17

Luwuno mosa'oa onaemo hala, sine hinao hala anu komba mowawa matea.

1 YOHANE 5:21

Anaku luwu-luwu, impetangkoromo a luwuno lahumoa.

3 YOHANE 1:4

Ndi ongkue nahina mawongkoa anu lalu langkai sekonopo rumongeo, nine luwuno anaku mentuwu ira a laro menteea.