1 YOHANE 1:3 - Wunta Mempori

³ Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

1 YOHANE 1:3 ပူးပေါင်းရင်းမြစ်များ

Ayubi 13:1

”Menteeano, luwuno atuu ikitaomo mataku, irongeo ka ipokonto'orio biriku.

Po'unde-unde 2:7

Akumo paleleo pompakosi-Do i Ue; Dopotae ndi ongkue, ”Omuemo ana-Ku! A oleo andio omue Kupokomengkaako gagi ana.

Po'unde-unde 22:22

Ikadudui akumo inso a ngangano singa, ka inso a ntaduno bante. Sumangki Komiumo ndi ongkue!

Yesaya 66:19

Aku monaa petondoni i tonga-tongado. Aku montena inso i olodo mia anu mentola a luwuno tongku, lumako i Tarasisi, i Puli ka i Ludi, anu teto'oriako pandedo mpepana, melako i Tubali ka Yawani, melako a luwuno togo anu olai anu napi hori domporonge lele mongkona Ongkue ka napi hori domengkitao maramba-Ku. Ira mempaleleo maramba-Ku i olodo luwuno tongku.

Podoaa 10:32

Tewala itonda kami, moikoa anu Ira weweuo i Ue ndi omami kami koa meweweuo mbo'u ndi omiu.”

I YOHANE 17:11

Ka nami Kukongko mbo'u i wawontolino, sine ondae da mekongko ira i wawontolino, ka aiwa Aku ndi Omiu. Oo Ama anu mempori, Ipekaria iramo a nee-Miu, onaemo nee-Miu anu Iwee Akumo, ka domegagi aasa kana Ontae.

I YOHANE 17:21

ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

I YOHANE 17:25

Oo Ama anu moleo, lano nahi to'ori Komiu wawontolino, sine Kuto'ori Komiu, ka ondae andio domento'orio, nine Omiumo anu tumena Aku;

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 19:35

Ka mia anu kumitaakono onaeno anu gagi atuu onae anu mompowee ponsakosii andio ka ponsakosiino mentee, ka ito'orio, nine onae mompau menteea, ka omiu mbo'u impe'ala-alao.

WINEWEUDO TINENA 13:32

Ka omami kanandio-andio mempaleleo lele mawongkoa ndi omiu, onaemo nine dandi anu domewineeako uempu'uto,

WINEWEUDO TINENA 13:41

Impewowoloo, hei omiu anu inehemiu mpompokongkodei, imengkohali-halimo ka imeropumo, hangano Kuweweuo aasa anggaa a tempomiu, aasa anggaa anu nahi komiu mpe'ala-alao, ba imentinutuluako.”

WINEWEUDO TINENA 2:42

Dompo'asao aroado a pompagurudo tinena ka a ntepo'asaa. Ka wela ira mpepumpu ka domensiba-sibao roti ka mpekakai.

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

WINEWEUDO TINENA 4:20

Hangano komba kami komino ka nahi kipepau mongkona hapa anu kinitamami ka anu kirongeomo.”

ROMA 15:27

Lano domempakosiomo, sine atuu lano ira meweweuo. Hangano, tewala luwuno tongku susua mpohawe iramo tia arataa rohanido to Yahudi, ka luwuno tongku susua mbo'u atuu asalakono ka domentulungi ira to Yahudi mpoweeako ira arataado.

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

1 KORINTI 1:9

Ondae Ue Ala, anu moboi komiu a ntepo'asaa saru Ana-Do i Yesu Kerisituu, Ueto, anu nahi bali.

1 KORINTI 15:1

Ka kandio-andio, pepaekompo, aku mopoto'oriakomiu Lele Mawongkoa anu kupaleleo ndi omiu ka anu tinarimamiu, ka onaemo ka imemoroso mpentade.

EPESU 3:6

onaemo nine anu komba to Yahudi, hangano Lele Mawongkoa, megagi ira mbo'u mpompe'umbu pusaka ka luwuno parewa ngkoroi ka mpetonda a laro dandi anu wineeako a ntepo'asaa ndi Ondae i Kerisituu Yesu.

PILIPI 1:7

Lano tekonaanomo kupewowolo komiu luwu kanandio, hangano omiu kongko i laro aroaku, hangano mpohawe komiu luwu tia a mpe'aroa anu kuwineeako, moiko i tempono kutinorungku, maupo i tempono kukorahakono ka mokorosoo Lele Mawongkoa.

PILIPI 2:1

Gaagi hangano ndi Ondae i Kerisituu hinao patudu, hinao pontarero pompehohawa, hinao tepo'asaa Mpenaa, hinao mambe pehohawa ka mambe pekokolaroako,

PILIPI 3:10

Po'eheno aroaku onaemo ka kuto'ori Ira ka pabawano pewangu-Do ka tepo'asaa a nteweweu nsa'o-Do, ka kugagi mengkenaako Ira a matea-Do,

KOLOSE 1:13

Dopotola kitamo inso a mpabawano wongi-wongi ka lumimba kita a laro Poparentaa-Do ana-Do anu pinehohawa;

1 TESALONIKA 1:10

ka sumikorio hawe-Do ana-Do inso i suruga, anu Dowangu Iramo inso i olodo mia mate, onaemo Ondae i Yesu, anu kumadudui kita inso a pontekudaako anu ta hawe.

IBARANI 2:12

Mepau Ira, ”Aku paleleo nee-Miu a luwuno pepaekompo-Ku, ka umunde-unde Komiu i tonga-tongado bawaa,”

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.

2 PETURU 1:16

Hangano nahi kimentondao tutu-tutulu montonda pinewowolono mia, tempono kimempauakomiu pabawa ka hawe-Do Ueto, i Yesu Kerisituu gagi mokole, sine kimensakosiiakono matamami maramba-Do.

1 YOHANE 1:1

Hapa anu hinaomo inso a pompu'uano, anu kimerongeomo, anu kimengkitaakonomo matamami, anu kimensakosiio ka anu kimperareakonomo kaemami mongkona Pau tuwua – onaemo anu binurimami ndi omiu.

1 YOHANE 1:5

Ka ndiomo lele, anu kimerongeomo inso ndi Ondae, ka anu kimpohaweo ndi omiu: Ondae Ue Ala onaemo mewine ka i laro-Do nahina ntu'u wongi-wongia.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.