1 TIMOTIU 6:9 - Wunta Mempori

⁹ Sine ondae anu inehedo mengkaea ntedonta a mpo'ara-arahako, a laro oho ka a laro mperupa-rupa po'eheno aroa anu nahina pengkonaano ka anu monsolangi, anu motonduo mia a ntedontaa ka matea.

1 TIMOTIU 6:9 ပူးပေါင်းရင်းမြစ်များ

1 Mokole 21:6

Sumangki i Ahabi ndi onae, ”Hangano kupotaeakono i Nabo, to Yisire'eli atuu: Wee'akumo lere anggoromu aku umowahiakono doi, ke ba inehemupo aku moweeakomu lere anggoro gagi euno. Sine isangki aku, nahi aku meweeangakono lere anggoroku atuu ndi omiu.”

Po'unde-unde 11:6

Do'usaiako ira mia mosa'o gauno waro me'api ka walira; angi anu mompokomo'ai, onaemo ihino pialado.

Powadi 15:27

Isema modokoako me'uraa wongi-wongi, mokomarisuo somborino, sine isema umo'aliaakono pompowee nahi pototono ta tuwu.

Powadi 20:21

Pine'ue anu magasi ihinawe a pompu'uano, poko'ariano nahi rinonso.

Powadi 21:6

Arataa hinaweako elo megaupi onaemo laho anu moliu inso a mia anu mo'ungke matea.

Powadi 22:16

Mia anu mompokonsii mia molema ka ime'uraakono koroino ke moweeakono pompowee a mia kaea, butu mokorugio mpena koroino.

Powadi 23:4

Si pe'isei ka ugagi kaea, bintaomo tinoomu andio.

Yesaya 5:8

Masola ntu'u mia anu mansa mompewinsoki raha melimba a raha susua ka moronto lere melimba a lere susua, ranta nahina mbo'u po'iangado mia susua. Imeweweuo butu koroimiu anu mpo'iangario wita atuu.

Sakaria 11:5

Luwuno anu mpo'oli mensumbeleo kana nahina salado ka mia me'asao mpotae, ’Unde-unde Iramo i Ue! Mompoli akumo!’ Luwuno puu mpopakambi nahi dompehohawao.

Podoaa 31:8

Sangkadio luwuno mia anu mempinepate atuu, dompepateo mbo'u Mokole Ewi, i Rekemi, i Suri, i Huri ka i Reba, olima mokoledo to Midia. Ondae mbo'u mpepateakono ponai i Bilea anano i Beori.

I MATIU 13:22

Anu rinawo a laro ewo rui onaemo mia anu rumongeo pau atuu, ka i'amba sala-larono wawontolino andio ka pompopo'oono kaeaa humidio pau atuu ranta nahi pewua.

I MATIU 19:22

Mansano rumongeo mangalitau pau atuu, lumakoomo saru masusa aroa, hangano hadio arataano.

I MATIU 26:15

Ipotae, ”Hapa anu komiu mpoweeakune, ka kupeweengako Ira ndi omiu?” Dome'owahio ndi onae tolu pulu doi salaka.

I MATIU 6:19

”Si popumpu arataa i tolino; i tolino usu ka ta'ilasi ta sumolangio ka mia monako ta kumekeo ka iponakoo.

I MARAKUSU 4:19

ka i'amba sala-larono wawontolino andio ka pompopo'oono kaeaa ka hadio rupa anu minosisiriako mewinso humidio pau-Do i Ue atuu ranta nahi pewua.

I LUKASI 12:21

Kanandiomo gagiano mia anu mopumpu arataa tiano koroino onaeno, ba nahi kaea i aro-Do Ue Ala.”

I LUKASI 21:35

Hangano ta umaluo luwuno anu mpo'ia i tolino andio.

WINEWEUDO TINENA 8:20

Sine i Peturu motaeakono, ”Po'ineeomo ka itampula doimu atuu saru omue, hangano uko'aro-aroa, nine komoko'oliakono doi pompowee-Do Ue Ala.

EPESU 4:22

onaemo nine omiu, hangano tuwumiu anu i ndi'upua, asalakono imelolohio mia laano, anu mohawe mateano hangano po'eheno aroano anu mompopo'oo,

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

1 TIMOTIU 1:9

onaemo ka itino'ori nine songka Taura atuu komba tiano mia mentee, tendeano tiano mia anu umewai Ira Ue Ala ka mia lambaha, tiano mia mosa'o gauno ka mia tehala, tiano mia tuwu ntolino ka anu nahi pe'agama, tiano mia mompepate amano ka mompepate ineno, tiano anu mompepate,

1 TIMOTIU 3:7

Onae ka imoiko koa mbo'u neeno i bungkuno bawaa, ka si domentatao mia ka itedonta a ohono i Mosa'o.

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

2 TIMOTIU 2:26

ka ba kanandio gagi ira wali ntelike aroado, hangano mentola inso a ohono i Mosa'o anu umonggo ira a mpo'eheno.

TITU 2:12

Onae paguru kita ka tomebintao gau mosa'o ka luwuno mosisiri ntolino ka tomentuwu pande mponsongka, moleo ka mpesomba i wawontolino kanandio-andio

Yosua 7:11

To Isaraeli mpoweweu iramo hala, nahi domentondao pedandia-Ku anu Kupauako ira, mpo'ala ira hapa anu lano pinesusua, domemponakoo, domewunio, ka domenaao mesaloako sangkado.

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.