1 TIMOTIU 6:1 - Wunta Mempori

¹ Luwuno mia anu mpontembi te'ataa ka domentuduo uedo tekona ipohawe luwuno pompelangkai, ka si dompepaukiakono mia nee-Do Ue Ala ka pompaguruto.

1 TIMOTIU 6:1 ပူးပေါင်းရင်းမြစ်များ

Tegagia 16:9

Ka i'amba Mala'eka-Do i Ue motaeakono, ”Pekulemo a uemu, po'ineeomo upinokonsii i totono pabawano.”

Tegagia 24:12

Mepauomo, ”Ue, Ue Alado ueku i Burahima, Po'ineeomo Iweweu aku me'ura oleo andio, Ipopokitaomo pompehohawa-Miu ndi ondae ueku i Burahima.

Tegagia 24:2

Motaeomo i Burahima a atano anu lalu mota'u i laro rahano, anu pinoweeako pabawa a luwuno anu pine'ueno, ipotae, ”Moikoomo naaomo kaemu i totono puu mpa'aku,

Tegagia 24:27

ka ipotae, ”Inunde-unde Iramo i Ue, Ue Alado ueku i Burahima, anu nahi Dopotolao pompehohawa ka petenunu-Do inso ndi ondae ueku atuu. Ongkue mbo'u Dotaate akumo i Ue a nsala lumako a rahado pepaekompodo ueku andio.”

2 Samueli 12:14

Maupo kanandio, hangano tedoako ntu'u mokongkodei Ira i Ue ka upoweweu kanandio, asalakono nana'ote anu ta hina atuu ta mate.”

2 Mokole 5:13

Sine luwuno pegawaino aiwa me'umpeda ka dompotaeakono, ”Ama, Ande-andeno nabi atuu tumena komiu moweweu anu motungko, kombake komiu weweuo? Tamoako butu ipotae ndi omiu: Pedolomo ka komiu gagi tompa.”

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Yesaya 47:6

Ongkue hieno tekudaako ira bawaa-Ku, ka mengkokoburutio tia pusaka-Ku, ka meweengako ira a ngkaemu; Omue nahina pompehohawamu ndi ondae, tendeano tedoa upokomobeo tinembi a mia anu mota'u.

Yesaya 52:5

Sine kanandio-andio hapa mbo'u ta wineweu-Ku i ndi'ai? Kanandiomo pau-Do i Ue. Bawaa-Ku mewinawa iramo melako kanatuumo koa. Ondae anu mempabawaio me'unde-undeo koroido, kanandiomo pau-Do i Ue, ka nee-Ku pinepaukiako mpiha i larono asa ngkeu oleo.

Yesaya 58:6

Naahi! Mepuasa anu inehe-Ku onaemo ka ulolohi ira pompongu lambaha ka motola ira kolorono tinembi, ka upokomaradeka ira anu ntebobarasai ka puduo sompo tinembi,

Yehesikieli 36:20

Maupo isua domelako i olodo luwuno tongku, domengkokoburutio nee-Ku anu mempori, tempono domempasinggiri ira mia: Dompotae ondae bawaa-Do i Ue, sine ondae asalakono mpeluarako inso i wita-Do.

Yehesikieli 36:23

Aku mokomemporio nee-Ku anu langkai anu kinokoburutiomo i olodo luwuno tongku, ka anu kinokoburutimiu i tonga-tongado. Ka luwuno tongku ira mento'orio nine Ongkuemo Ue, kanandiomo pau-Do Ue Ala, tempono Kupopokitao mempori-Ku ndi omiu i arodo luwuno tongku.

Maleaki 1:6

Asa nana'ote melangkaio amano ka asa ata melangkaio ueno. Tewala Ongkue andio ama, isuake pompelangkai ndi Ongkue? Tewala Ongkue andio ue, isuake doitomiu ndi Ongkue? pau-Do Ueno luwuakoano ndi ondae, hei luwuno sando mpesomba anu mentatao nee-Ku. Sine mpotae komiu, ”Kana'umpeke kimentatao nee-Miu?”

I MATIU 11:30

Hangano tinembi anu Kupopotembiakomiu atuu monongko.”

I MATIU 11:9

Gagi hapa imelakoako? Mpongkita nabi? Mentee, ka Kupauakomiu, tendeano lauaopo sekono nabi.

I LUKASI 17:1

Dopotae i Yesu a ana guru-Do, ”Asalakono ta hina pompopo'ooa, sine masolaomo mia anu weweuo.

WINEWEUDO TINENA 10:22

Mesangki ira, ”I Koroneliusu, aasa petewawa sorodadu anu moleo aroa ka doitoako Ira Ue Ala, ka anu teto'ori moiko i olodo luwuno to Yahudi, montarimaomo pepokomengkaa-Do Ue Ala a mala'eka-Do anu mempori, ka ipoboi komiu lumako i rahano ka rumongeo hapa anu komiu pauo.”

WINEWEUDO TINENA 10:7

Mansano bintao mala'eka anu mepauakono atuu, ipoboi iramo atano orua ira saru asa sorodadu anu mesomba ntu'u ndi Ondae i Ue inso a luwuno mia anu wela perongano.

WINEWEUDO TINENA 15:10

Tewala kanandio, tembio ka komiu me'ara-arahako Ira Ue Ala numaao a banga we'udo ana guru atuudo aasa pasanga, anu nahi pinokotembi, moiko uempu'uto maupo ontaeto?

ROMA 2:24

Kana hinao teburi, ”Nde hanganomo omiu ka ipinepaukiako nee-Do Ue Ala i olodo tongku susua.”

1 KORINTI 10:32

Si mpokonanta-nantaako ira mia aroado, moiko to Yahudi ke to Yunani maupo bawaa-Do Ue Ala.

GALATIA 5:1

Ka imentee koa ntu'u ontae maradeka, Dopokomaradeka kitamo i Kerisituu. Onaemo pu'uno impentademo temoroso ka si mebehe mbo'u imempinokonaako pasanga te'ataa.

Winali 28:48

Hangano atuu, komiu mpe'atao koroimiu a iwali anu ta inoliwi-Do i Ue umewai komiu, ka komiu memokoninggo ka mokoranga, saru kolambe-lambe ka makuraako luwuakoano. Ira mempopotembiakomiu pasanga labu a banga we'umiu, ranta ka Doropu komiu.

1 TIMOTIU 5:14

Onaemo pu'uno ineheku tuwu beine anu da memongura ka dompekombia mbo'u, mpe'ana, mosongka a laro nsomborino ka si mpompauako tarono pu'uno mokomosa'oo neeto.

TITU 2:5

tuwu pande mposongka ka mempori, mokua mpo'atora sombori, memoiko aroa ka mpomperorongeako a ntamano, ka si dompepaukiakono mia pau-Do Ue Ala.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.