1 TIMOTIU 4:6 - Wunta Mempori

⁶ Saru wela mopoto'oriako ira pepaekompoto mongkona luwuno atuu, omue kogagi aasa puu pompekakaako-Do i Kerisituu Yesu anu moiko, tepaguru a luwuno pepu'uano pompe'ala-alato ka a pompaguru mentee anu utondaomo andio.

1 TIMOTIU 4:6 ပူးပေါင်းရင်းမြစ်များ

Po'unde-unde 19:7

Inso i tompano langi onae mesabaako, ka ipelempa hawe i tompano anu susua; nahina anu te'engoi inso a ntedoa mokulano.

Powadi 4:2

hangano ongkue moweeakomu pompaguru anu moiko; si bintao pontisoku.

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

I MATIU 13:52

Onaemo ka Dopotae i Yesu ndi ondae, ”Onaemo pu'uno anu monto'ori Taura anu montarima pompaguru mongkona Poparentaa Suruga atuu pinotundaako kana umbu raha anu moluarako arataa anu wo'ohu ka anu laano inso a mponaapa arataano.”

I LUKASI 1:3

Onaemo pu'uno, mansaku mepenteeo ntu'u luwuno anu gagi atuu inso a pompu'uano, kupakosiomo aku buriakomiu tepotuda moiko a wunta,

WINEWEUDO TINENA 1:15

A oleo atuu mentadeomo i Peturu i tonga-tongado pepaekompo anu kontongaado mpepumpu atuu, bara'ura asa etu ka rua pulu mia hadiono, ka i'amba motae,

WINEWEUDO TINENA 20:31

Onaemo pu'uno impentangkoromo ka impewowoloo, nine ongkue otolu nta'u tehineno, meene wongi, nahi kupenaa-naa patudu komiu nte'o'asa mia meronga uwoi mata.

WINEWEUDO TINENA 20:35

A luwuakoano kupoweeakomiumo pandiri, nine ba topo'angga kanandio asalakono ka totulungi ira mia anu memolema ka asalakono topewowoloo pau-Do Ue Yesu, hangano Ondae isa'a motae: Me'uraopo mompowee sekonopo montarima.”

ROMA 15:15

Sine, hangano pompehohawa anu Dowee akumo Ue Ala, i ra'ai i ndi'ai memosiaako akumo moburi wunta mopoto'oriakomiu,

1 KORINTI 4:17

Onaemo pu'uno ka kutenao i Timotiu aiwa ndi omiu, onaemo ana anu pinehohawaku ka anu pine'ala-ala ndi Ondae i Ue. Onae ta mopoto'oriakomiu tuwua anu tinondaku ndi Ondae i Kerisituu Yesu, kana anu kupaguruako ira a sompo bawaa i sua-suamo koa.

2 KORINTI 11:23

Nde puu pompekakaako-Do i Kerisituu ondae atuuke? – mepau aku kana mia mekombe – lalua akupo mbo'u! Hadioopo pe'iseiku; mararuopo a laro torungku; sinepi komba da sa'uno; mararu ilawu mate.

2 KORINTI 3:6

Ondae koa mbo'u weweu kami ka kimempolio megagi puu pompekakaako a aasa pedandia wo'ohu, anu komba inso a songka anu teburi, sine inso a Mpenaa, hangano songka anu teburi mompepate, sine Penaa mompotuwu.

2 KORINTI 6:4

Tendeano, a laro luwuakoano kimempopokitao, nine omami puu pompekakaako-Do Ue Ala, onaemo: alaro pompetea anu bukeako sabaraa a laro marasaia, ma'isoa ka masukaraa,

EPESU 6:21

Ka imento'orio koa mbo'u teweweu ka mongkona inanggaku, ka i Titiku, pepaekompoto anu kinekewoi ka puu pompekakako anu metenunu ndi Ondae i Ue, ka pauakomiu luwuno.

PILIPI 2:20

Hangano nahina te'asa mia ndi ongkue, anu me'asa aroa ka pinewowolo saru ongkue ka anu merioo ntu'u moikoamiu;

PILIPI 2:22

Imento'orio nine petenununo tengkitaomo ka nine itulungi akumo a pompekakaakoa Lele Mawongkoa mengkena kana aasa ana tumulungio amano.

PILIPI 3:16

Sine moikoomo ponto'ori anu tomehaweomo tompotilaloakono montonda sala anu tomentondaomo.

KOLOSE 2:19

sine nahi pe'ini moroso a Ulu, insoano asa ngkoroi, anu pinokoroso ka iwutuo hadio ia ka luwuno pesombuano wuku ka igagi aasa, montarima tuwu inso ndi Ondae Ue Ala.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

KOLOSE 4:7

Luwuno teweweuku ta koa pauakomiu i Tikiku, pepaekompoto anu pinehohawa, Tetenaa anu metenunu ka waliku mo'angga ndi Ondae i Ue.

1 TESALONIKA 3:2

Ka ki'amba mentenao i Timotiu ka i'aiwa, pepaekompo anu saru omami mpo'anggaako Ira Ue Ala a pompalelea Lele Mawongkoa-Do i Kerisituu, ka ipokomorosoo aroamiu ka patudu komiu mongkona pompe'ala-alamiu,

1 TIMOTIU 1:10

tiano mia belesu ka mewowaliako pe'asa ntamano, tiano anu mompolaisako, tiano anu megaupi, tiano mia mesumpa megaupi ka luwuakoano anu nahi penunu saru pompaguru mentee

1 TIMOTIU 4:16

Dagaiomo koroimu omiu-miu ka dagaiomo pompagurumu. Petenunumo a luwuno atuu, hangano a wineweumu kanandio kokumaduduio koroimu ka luwuno mia anu rumongeko.

1 TIMOTIU 6:3

Tewala asa mia mompaguruako pompaguru susua ka nahi tondao pompaguru anu mentee – onaemo pau-Do Ueto i Yesu Kerisituu – ka nahi tondao pompaguru anu menunu saru pesombato,

2 TIMOTIU 1:6

Onaemo pu'uno kupopoto'oriakomu ka upolangao pompowee-Do Ue Ala anu kongko ndi omue hangano kudampoakomu kaeku.

2 TIMOTIU 3:10

Sine omue utondaomo pompaguruku, sala ntumuwuku, pohaweno aroaku, pompe'ala-alaku, sabaraku, pompehohawaku ka modatoaku.

2 TIMOTIU 4:3

Hangano ta hawe tempono, mia nahi pokontarimao mbo'u pompaguru mentee, sine ira mpopumpu guru montonda po'ehedo mpotendeo ineheno birido.

TITU 2:1

Sine omue, paleleomo hapa anu menunu saru pompaguru anu mentee:

1 PETURU 2:2

Ka imegagimo kana nana'ote kodei anu da iaopo ihina, anu wela mosisiriakono uwoi uo ntu'u ka anu rohani, ka inte'iliako onae ka ntekadudui,

2 YOHANE 1:9

Sompo mia anu nahi po'ia a laro pompaguru-Do i Kerisituu, sine anu meluarako inso i tu'ai, nahi pe'umbu Ira Ue Ala. Ba isema mo'ia a laro pompaguru atuu, ipe'umbu Ira Ondae i Ama maupo Ondae i Ana.

YUDASI 1:5

Sine, maupo imento'oriomo luwuno atuu ka nahi imenanta-nantaakono mbo'u, ineheku mopoto'oriakomiu nine lano Ondae i Ue kumadudui ira bawaa-Do inso i wita Masiri, sine pohona mbo'u Dopepate ira anu nahi dompompe'ala-ala.