1 TIMOTIU 4:3 - Wunta Mempori

³ Ondae atuu me'onto ira mia mpekombia, me'onto ira mia mpongkaa kaanga anu pinokogagi-Do Ue Ala ka domengkaano mia anu mpompe'ala-ala ka anu mento'oriomo menteea saru mpontarimakasi.

1 TIMOTIU 4:3 ပူးပေါင်းရင်းမြစ်များ

Tegagia 9:3

Luwuno anu melelu, anu tuwu, ta gagi kaangamu. Kuweeakomumo luwu atuu kana mbo'u luwuno pinopaho mololowulu.

Puu Pontutulu 5:18

Ka sompo mia anu Dopoweeakono Ue Ala pompoli ka arataa saru pinoweeako roso ka ipakeo, tumarimao tiano ka mawongko a laro mpe'iseiano. Atuu mbo'u pompowee-Do Ue Ala.

Danieli 11:37

Luwuno mbo'u pinesombaido uempu'uno nahi ta merioo. Inunde-undedo beine ke pesombaa isuamo koa nahi ta merioo, hangano a luwuno atuu ta mompelangka-langkai.

I MATIU 14:19

Ka Do'amba tumena ira mia hadio atuu mpentoro a ewo. Ka mansa-Do umalao roti olima ka bou orua atuu, mentombu Ira i Yesu i langi ka Doronsoo, ka Do'amba sumiba-sibao roti atuu ka Doweeako ira ana guru-Do, ka do'amba ana guru tumia-tiaako ira mia hadio.

I MATIU 15:11

”Imerongeo ka impe'ihi laroo: komba anu mewinso a laro nganga kumokoburutio mia, tendeano anu meluarako inso a ngangano, onaemo anu kumokoburutio mia.”

I MATIU 15:36

Umarino atuu Do'alao opitu roti ka bou atuu, Dopekakaiakono, sumiba-sibao ka Doweeako ira ana guru-Do, ka i'amba ana guru-Do weeako ira mia hadio.

I LUKASI 24:30

Tempono Dopentoro mongkaa saru ondae, Do'alao roti, rumonsoo, ka Do'amba sumiba-sibao ka Doweeako ira.

I YOHANE 6:23

Sine kontongaano atuu ba opia bangka susua mehawe inso i Tiberia umpeda a mpo'ianga dompongkaa roti, umari-Do i Ue montarima kasiakono.

WINEWEUDO TINENA 27:35

Umarino mepau kanandio, i'alao roti, ka i'unde-unde Ira Ue Ala i arodo luwudo, ka isiba-sibao, ka i'amba mompu'u mongkaa.

ROMA 14:17

Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori.

ROMA 14:3

Isema anu mongkaa, si pokongkodeio mia anu nahi pongkaa, ka isema anu nahi pongkaa, si bitarao mia anu mongkaa, hangano Dotarimaomo Ue Ala mia atuu.

ROMA 14:6

Isema anu me'ini a aasa oleo anu tepakosi, iweweuomo hangano Ondae i Ue. Ka isema mongkaa, iweweuomo hangano Ondae i Ue, hangano onae montarima kasi ndi Ue Ala. Ka isema nahi pongkaa, iweweuo hangano Ondae i Ue, ka onae koa mbo'u montarima kasi ndi Ondae Ue Ala.

1 KORINTI 6:13

Kaanga onaemo tiano kompo ka kompo tiano kaanga: sine oruano Ira umoninio Ue Ala. Sine koroi komba tiano pebelesua, tendeano tia-Do i Ue, ka Ondae i Ue tiano koroi.

1 KORINTI 7:28

Sine tewala mekombiako, komba tehalako. Ka tewala aasa ana beine mekombia, onae komba moweweu hala. Sine mia anu kanandiodo ta umalu ira masusaa ngkoroi ka aku motola komiu inso a masusaa atuu.

1 KORINTI 8:8

”Kaanga komba iwawa kita lalu umpedaako Ira Ue Ala. Nahina hapa-hapa rugito, ba nahi tompongkaa ka nahina hapa-hapa urato, ba tompongkaa.”

KOLOSE 2:16

Onaemo pu'uno si mpo'inee ira mia mehuku komiu mongkona kaanga ka inua ke mongkona oleo langkai, wula wo'ohu ke oleo Saba;

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

1 TIMOTIU 2:4

anu inehe-Do ka luwuno mia mengkinadudui ka mpohawe ponto'ori mongkona menteea.

1 TIMOTIU 4:4

Hangano luwuno anu pinokogagi-Do Ue ala atuu moiko ka maupo te'asa nahina anu upali, tewala tinarimaako pontarimakasi,

1 TIMOTIU 5:14

Onaemo pu'uno ineheku tuwu beine anu da memongura ka dompekombia mbo'u, mpe'ana, mosongka a laro nsomborino ka si mpompauako tarono pu'uno mokomosa'oo neeto.

IBARANI 13:4

Luwumiu imentuduo koa pekombiaa ka si mengkokoburutio poturia, hangano mia mebelesu ka mponsosabo Ondae Ue Ala bitara ira.

IBARANI 13:9

Si ntepopo'ooako mperupa-rupa pompaguru susua. Hangano anu moiko onaemo, nine aroamiu pinokorosoako pe'aroa ka komba saru mperupa-rupa kaanga anu nahina tuduno ndi ondae anu mentondao luwuno atorano kaanga kanatuu.

1 Samueli 9:13

Tewala ronga komiu koa mewinso i kota, komiu tepohaweako ira napi doporake lumako mongkaa. Hangano bawaa napi ira mpongkaa ba napi dohawe nde ondae anu ira rumonsoo pesomba atuu, ka do'amba mia inolu mpongkaa. Ilakomo, komiu koa ronga tepohaweako ira.”