1 TIMOTIU 4:16 - Wunta Mempori

¹⁶ Dagaiomo koroimu omiu-miu ka dagaiomo pompagurumu. Petenunumo a luwuno atuu, hangano a wineweumu kanandio kokumaduduio koroimu ka luwuno mia anu rumongeko.

1 TIMOTIU 4:16 ပူးပေါင်းရင်းမြစ်များ

1 Tawarika 28:10

Kanandio-andio penootiomo, hangano Dobinikikomo i Ue komowangu asa raha gagi po'ianga mempori. Pokorosoomo aroamu ka weweuomo atuu.”

2 Tawarika 19:6

Me'oliwiomo a luwuno puu mpobitara atuu, ”Impepentiio hapa anu komiu meweweuo, hangano komba tiano mia impoputusi songka, tendeano tia-Do i Ue anu kumongkomi komiu ba impoputusi songka.

Peluarakoa 23:13

Asalakono impekokoongakono luwuakoano anu pinau-Ku ndi omiu. Si mpopoboi neeno lahumoa, siimo iteronge nee atuu inso a wiwimu.”

Yesaya 55:11

kanandiomo pau-Ku anu meluarako inso a nganga-Ku: onae nahi ta mekule mpena ndi Ongkue, sine onae ta weweuo hapa anu inehe-Ku, ka ta mehasili a hapa anu Kutenaakono.

Yeremia 23:22

Ande-andeno mehawe ira a nterisoa-Ku, ira mempaleleo pau-Ku a bawaa-Ku, mewawa ira mpepokule inso a mpeleludo anu mosa'o ka inso a wineweudo anu mosa'o.

I MARAKUSU 13:9

Sine omiu andio, impetangkoromo! Komiu mempineweengako a majelisi agama ka komiu mentinunduhi a raha tepumpua ka komiu mewinawa i arodo anu mempabawa ka luwuno mokole hangano Ongkue, gagi sakosiido.

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

WINEWEUDO TINENA 26:22

Sine hangano pontulungi-Do Ue Ala ka kupokotuwu hawe kanandio-andio ka mesakosii a mia kodei ka a mia langkai. Ka hapa anu kupaleleo atuu nahina susua inso anu se'eluno domempauomo nabi ka ipauomo mbo'u i Musa,

WINEWEUDO TINENA 6:4

ka omami ka kimpo'asao pinewowolo a mpekakai ka mpompau pau-Do Ue Ala.”

ROMA 11:14

onaemo ba kumansa mokontesingkao monsiri i laro aroado pe'asa tongkuku montonda tuwu ntolino ka mokontekaduduio ba opia mia inso ndi ondae.

ROMA 16:17

Sine kupatudu komiu, pepaekompo, ka impetangkoro ndi ondae, anu tepobungku saru pompaguru anu tinarimamiumo, mompokohina tekale-kalea ka pompopandei. Onaemo pu'uno ime'olaiako ira!

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

1 KORINTI 9:22

A mia anu memolema gagi akumo kana mia anu memolema, ka kupokokadudui ira koa anu memolema. A luwuno mia gagi akumo luwuakoano ka ihina koa kupompoko'ala ba te'opia mia inso i olodo.

1 KORINTI 9:27

Sine kupokoleleoo koroiku ka pabawaio luwuno, ka umariku paleleako ira mia susua Lele Mawongkoa, ka ongkue isa'a nahi tinarima.

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

KOLOSE 4:17

Ka impohaweakono i Arikipu: Pekokoongakono, pompekakaako anu tinarimamu ndi Ondae i Ue ka upolempao koa ntu'u tementee.

1 TESALONIKA 2:16

hangano inehedo mentombolei kami mempaleleo pau-Do i Ue tekaduduiado tongku susua. Kanandiomo nahi dompenaa-naa mpontiangi halado hawe ka isompo porokono ka kanandio-andio i'alu iramo luwuno pontekudaako.

1 TIMOTIU 1:3

Tempono ka kumingki motilaloakono pelempaaku lumako i Makedonia, kudadaikomo ka upo'ia i Epesu ka upompauako ira ba opia mia, ka si dompompaguruako pompaguru susua

1 TIMOTIU 4:15

Pekokoongakonomo luwuno atuu, tuwumo i larono ka imengkaa a luwuno mia kotaha-tahaneno tumuwumu.

1 TIMOTIU 4:6

Saru wela mopoto'oriako ira pepaekompoto mongkona luwuno atuu, omue kogagi aasa puu pompekakaako-Do i Kerisituu Yesu anu moiko, tepaguru a luwuno pepu'uano pompe'ala-alato ka a pompaguru mentee anu utondaomo andio.

2 TIMOTIU 2:10

Onaemo pu'uno kupedatoo tumembio luwuno atuu tiado mia bininiki-Do Ue Ala, ka dompohawe koa mbo'u tekaduduia ndi Ondae i Kerisituu Yesu saru marambaa anu nahina tampulaano.

2 TIMOTIU 3:14

Sine po'ineeomo ka upe'ini mpiha a menteea anu utarimaomo ka upe'ala-alao, saru wela rumambeo mia anu paguruakomu.

2 TIMOTIU 4:2

Paleleomo pau-Do i Ue, pepatindamo moiko ke nahi moiko tempono, pokomengkaaomo hapa anu sala, kuahakono ka patuduomo a luwuno maurua ka pompaguru.

TITU 1:9

ka me'ini a mpau anu mentee, anu menunu saru pompaguru anu mentee, ka ipolio mompatudu mia me'empehiako pompaguru atuu ka polio tumisoako ira salado anu me'ewaio.

TITU 2:15

Paleleomo luwuno atuu, patudu iramo ka pokomanasaako ira a luwuno poweweumu anu tekona domentondao. Si hina mia anu me'uru-uruko.

TITU 2:7

ka pokogagiomo koroimu omuemu aasa pandiri a mpoweweu moiko. Asalakono ka umoleo ka pompesu'ui a pompagurumu,

PILEMO 1:19

ongkue, i Paulu, dumandiakono binuri ngkaeku ongkueku: Aku umowahio – ka si kupotae, ”Tembiomo luwuno atuu!” – hangano mepasuako ndi ongkue, onaemo koroimu omuemu.

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

IBARANI 13:9

Si ntepopo'ooako mperupa-rupa pompaguru susua. Hangano anu moiko onaemo, nine aroamiu pinokorosoako pe'aroa ka komba saru mperupa-rupa kaanga anu nahina tuduno ndi ondae anu mentondao luwuno atorano kaanga kanatuu.

YAKOBU 5:20

to'oriomo, nine ba isema weweuo mia tehala ka ipepokule inso a salano anu tesaa, onae ta kumaduduio sumangano mia atuu inso a matea ka hadio hala tinutuwino.