1 TIMOTIU 3:16 - Wunta Mempori

¹⁶ Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

1 TIMOTIU 3:16 ပူးပေါင်းရင်းမြစ်များ

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I MATIU 28:2

Ka gagiomo leelu anu tedoa meroku hangano aasa mala'eka-Do i Ue metii inso i langi ka aiwa a watu atuu ka lumundio ka i'amba mentoro i wawono.

I MATIU 3:16

Umari-Do binaho, Ondae i Yesu ronga me'engka inso a uwoi ka itempo mbo'u atuu langi te'ungkahi ka Dokitao Penaa-Do Ue Ala kana manu-manu marapatii, metii i wawo-Do.

I MATIU 4:11

Ka i'amba i Mosa'o binta Ira, ka kitaomo, hadio mala'eka mehawe mekakaako Ira i Yesu.

I MARAKUSU 1:13

I pada one atuu Dopo'ia patopulu oleo tehineno, i Mosa'o umara-arahako Ira. Dopo'ia i ra'ai i olodo kondehora mo'ila ka mala'eka mpekakaako Ira.

I MARAKUSU 16:19

Umari-Do i Yesu mepauako ira kanatuu, tetande Iramo lumako i suruga, ka Do'amba mentoro i koana-Do Ue Ala.

I MARAKUSU 16:5

Ka do'amba mpewinso a laro ngkaburu ka domengkitao aasa mangalitau anu melemba meloe mopute mentoro i koana. Ntededengke ira ntu'u,

I LUKASI 2:32

onaemo mewine anu gagi wantano luwuno tongku susua ka gagi marambado bawaa-Miu, to Isaraeli.”

I LUKASI 20:44

Gagi i Daudi moboiako Ira ueno, kana'umpe mbo'u ka ipe'ana Ira?”

I LUKASI 22:43

Ka aasa mala'eka inso i langi mepopokita ndi Ondae mokoroso Ira.

I LUKASI 24:4

Kontongaado mpentade ntekokodoho hangano anu gagi atuu, borono hinao orua mia mentade umpeda ndi ondae mesangkaako sangka anu tesosangkilo.

I LUKASI 24:51

Ka tempono Ondae tekonai rumonso ira, Dopensuaako ira ka tetande lumako i suruga.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 13:3

Doto'orio i Yesu, nine luwuakoano Dopeweengakonomo Ama-Do ndi Ondae ka nine Dohawe inso ndi Ondae Ue Ala ka mekule ndi Ondae Ue Ala.

I YOHANE 15:26

Tewala hawe Pontarero anu Aku tumenao inso ndi Ondae i Ama, onaemo Penaa Menteea anu meluarako inso ndi Ondae i Ama, Ondae Ira mesakosii mongkona Ongkue.

I YOHANE 16:28

Ongkue aiwa inso ndi Ondae i Ama ka Kuhawe i wawontolino; Kubintao mbo'u wawontolino ka lumako ndi Ondae i Ama.”

I YOHANE 17:5

Onaemo pu'uno, oo Ama, Ipokomaramba Akumo ndi Omiu saru marambaa anu ndi Ongkue i aro-Miu se'eluno napi hina wawontolino.

I YOHANE 20:12

ka ikita iramo orua mala'eka mesangka mopute, anu asa mia mentoro i uluno umari naapano wata ngkoroi-Do i Yesu ka anu aasa mbo'u i karuno.

I YOHANE 6:62

Ka kana'umpeke, tewala imengkita Ira i Ana Manusia mewuatako a mpo'ianga-Do se'eluno?

WINEWEUDO TINENA 1:19

Mongkona atuu domento'orio luwu palilino Yerusale, onaemo wita atuu domeneeakono a mpaudo ”Hakal-Dama,” pengkonaano Wita Rea –.

WINEWEUDO TINENA 10:34

Ka i'amba mompu'uomo i Peturu mepau, ipotae, ”Menteeano kupokonto'oriomo, nine Ondae Ue Ala nahi Dopobibiniki mia.

WINEWEUDO TINENA 14:27

Sahawedo i tu'ai dopoboi ira bawaa mpepumpu, ka do'amba tumutuluo luwuakoano anu wineweu-Do Ue Ala mesala ndi ondae, ka nine Do'ungkahiako iramo tongku susua pewowa a pompe'ala-ala.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

ROMA 10:12

Hangano nahina teposisinggeno olono to Yahudi ka to Yunani. Hangano Ondae Ue Ala anu aasa atuu Ondaemo Uedo luwuno mia, kaeado luwuno mia anu mpebooli ndi Ondae.

ROMA 10:18

Sine mesikeno aku: Nde nahi domerongeoke? Lano domerongeomo, ”Suarado hawe i asa wawontolino, ka paudo hawe i tompano tolino.”

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

ROMA 16:26

sine anu kanandio-andio pinokomengkaaomo ka montonda parenta-Do Ue Ala anu nahina tampulaano, pinaleleomo a luwuno tongku hangano wuntado luwuno nabi anu wawa ira ka dompetonda mpompe'ala-ala –

ROMA 3:4

Naahi ntu'u! Tendeano: Ondae Ue Ala mentee Ira, ka luwuno mia marampegaupi ira, kana hinao teburi, ”Ka imengkaa mentee Komiu a luwuno pau-Miu, ka monangi ba Ibinitara.”

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

ROMA 9:5

Ondae inuledo luwuno uempu'u, anu umule Ira i Mesia a nteweweu-Do kana mia, anu i wawono luwuakoano. Ondaemo Ue Ala anu asalakono inunde-unde ranta nahina tampulaano. Ami!

1 KORINTI 15:47

Mia amba-ambano te'inso a awu wita ka mekoroi ntolino, mia anu ko'orua te'inso i suruga.

1 KORINTI 2:7

Sine anu pinalelemami onaemo ponto'ori-Do Ue Ala anu tewuni ka anu nahi teto'ori, anu napi pinokogagi wawontolino, Dopatindaomo Ue Ala pokomarambato.

2 KORINTI 1:19

Hangano Ondae i Yesu Kerisituu, Ana-Do Ue Ala, anu kimempaleleomo i tonga-tongamiu, onaemo ongkue ka i Siliwanu ka i Timotiu, komba ”humbee” ka ”naahi”, sine tendeano ndi Ondae butu hinao ”humbee.”

GALATIA 2:8

— hangano Ondae anu moweeakonomo roso i Peturu ka igagi tinena a mia mpetindi, Ondae koa mbo'u anu moweeakunemo roso a mia anu nahi dompetindi.

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

EPESU 1:9

Hangano Dopokomengkaaomo rahasiano po'ehe-Do ndi ontae, menunu saru tinoo-Do Ondae-Do, onaemo tinoo-Do Ondae-Do anu inso amba-ambano Dopakosiomo ndi Ondae i Kerisituu

EPESU 6:19

saru mbo'u ongkue, nde tewala ku'ungkahio ngangaku, ka kupinoweeako pau anu mentee, ka kumosia paleleo rahasiano Lele Mawongkoa,

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

KOLOSE 1:6

anu haweomo ndi omiu. Lele Mawongkoa atuu mewua ka koteti-tetiangino i asa wawontolino, kanatuu koa mbo'u i olomiu mompu'u tempono imerongeo ka mento'orio ntu'u pe'aroa-Do Ue Ala.

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

2 TESALONIKA 1:10

tewala hawe Ira a oleo atuu ka Dopinokomaramba i olodo mia mempori-Do ka domengkohali-haliakono luwuno mia anu mpompe'ala-ala, hangano ponsakosiimami ndi omiu impe'ala-alaomo.

2 TESALONIKA 2:7

Hangano mewuni-wuni pe'ewaa mompu'uomo mo'angga, sine kandio-andio da hinao anu mo'onsoi. Tewala inoniniomo anu mo'onsoi atuu,

1 TIMOTIU 3:9

tendeano mia anu mekariao rahasiano pompe'ala-ala i laro aroa anu mempori.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 7:7

Lano nahi pinokohapu, nine anu lalu i totono ironsoo anu lalu i wawono.

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

1 PETURU 1:12

Ndi ondae pinokomengkaaomo, nine ondae komba pompekakaako koroido ondaedo, sine mpekakaakomiu a luwuakoano anu pinaleleomo ndi omiu kanandio-andio mesala ndi ondae, anu hangano Penaa Mempori, anu tinena inso i suruga, mohaweo Lele Mawongkoa ndi omiu, onaemo mongkona luwuno anu domingki mento'orio mala'eka.

1 PETURU 1:20

Bininiki Iramo se'eluno ipinokogagi wawontolino, sine – hangano omiu – ka Do'amba mepokomengkaa a pokotompaano tempo.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.

1 YOHANE 1:2

Tuwua atuu pinokomengkaaomo, ka kimengkitaomo ka kanandio-andio mpesakosii kami ka mempaleleo ndi omiu mongkona tuwua nahina tampulaano, anu kongko meronga-ronga saru Ondae i Ama ka anu pinokomengkaaomo ndi omami.

1 YOHANE 3:5

Ka imento'orio, nine mepokomengkaa Iramo, ka Dopahihio luwuno hala, ka ndi Ondae nahina hala.

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

MENGKAAA 17:5

Ka a ra'ino teburi aasa nee, aasa rahasia, ”Babeli langkai, inedo beine mebelesu ka inso a mokoburuno tolino.”

MENGKAAA 17:7

Ka i'amba motae mala'eka atuu ndi ongkue, ”Tembio ka ukohali-hali? Aku pauakomu rahasiano beine atuu ka rahasiano kondehora anu pesawiano, kondehora anu me'ulu opitu ka metandu hopulu atuu.

MENGKAAA 7:9

Ka i'amba umarino atuu kukitao: menteeano, aasa tepumpua langkai mia hadio anu nahi pinokodoa hadiono, inso a luwuno tongku ka suku ka pepe'etua ka pau, mpentade i arono kadera poparentaa ka i aro-Do Ana Bimba, mpelemba meloe mopute ka mpo'ini lewe palemi a ngkaedo.