1 TIMOTIU 3:1 - Wunta Mempori

¹ Menteeomo pau andio, ”Mia anu ineheno potoro gagi petewawa bawaa ineheno anggaa anu tekosi.”

1 TIMOTIU 3:1 ပူးပေါင်းရင်းမြစ်များ

Powadi 11:30

Wuano mia mentee onaemo keu tuwua, ka isema pande mosongka, mo'ala aroano mia.

I LUKASI 15:10

Kupauakomiu: Kanandio koa mbo'u ta hina po'undea a luwuno mala'eka-Do Ue Ala hangano aasa mia tehala anu tepidi.”

WINEWEUDO TINENA 1:20

”Hangano hinao teburi a wunta Penani Po'unde-unde: Po'ineeomo pekemaano ka igagi boni-boni, ka po'ineeomo nahina anu mo'ia i larono: ka: Po'ineeomo potorono i'alao mia susua.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

ROMA 11:13

Kupauakomiu, hei luwuno tongku komba to Yahudi. Hangano ongkue Tinena a luwuno tongku komba to Yahudi, kutuduo atuu marambano pompekakaakoku,

EPESU 4:12

ka dopatinda ira mia memempori a mpo'anggaa mompekakaako, a mpowangua koroi-Do i Kerisituu,

PILIPI 1:1

Inso ndi Paulu ka i Timotiu, Tetenaa-Do i Kerisituu Yesu, a luwuno mia mempori ndi Ondae i Kerisituu Yesu i Pilipi, saru luwuno petewawado bawaa ka diakee.

1 TESALONIKA 5:14

Kimempatudu komiu mbo'u, pepaekompo, imengkuahako iramo anu mentuwu nahi te'atora, imentarero iramo anu motewe aroado, impokoroso ira anu memolema, imemauruako iramo luwuno mia.

1 TIMOTIU 1:15

Pau andio mentee ka tekona itinarima luwu, ”Ondae i Kerisituu Yesu hawe i wawontolino mongkadudui mia tehala,” ka i olodo ongkuemo anu tehala ntu'u.

1 TIMOTIU 4:9

Pau andio mentee ka tekona itinarima ka ipine'ala-ala ntu'u.

2 TIMOTIU 2:11

Menteeomo pau andio, ”Tewala memate kita saru Ondae, kita koa mbo'u mentuwu saru Ondae;

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

TITU 3:8

Pau andio mentee ka ineheku ka upokomorosoo ntu'u, ka luwudo anu mpompe'ala-ala iramo ndi Ondae Ue Ala ka dompe'o'osu ntu'u meweweuo anggaa anu moiko. Onaemo anu moiko ka mentudu a mia.

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

1 PETURU 2:25

Hangano i ndi'upua ntesaa komiu kana bimba, sine kanandio-andio mpepokule komiumo a puu pompakambi ka mpekariao sumangamiu.

1 PETURU 4:15

Si hina i olomiu anu asalakono tebobarasai kana anu mompepate ke monako ke anu moweweu mosa'o, ke anu morisui.

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.