1 TIMOTIU 2:8 - Wunta Mempori

⁸ Onaemo pu'uno ineheku, i sua-suamo koa dompekakai tama ka domensineo kaedo anu mempori, nahina tekuda ka nahina teposisalaa.

1 TIMOTIU 2:8 ပူးပေါင်းရင်းမြစ်များ

1 Mokole 3:11

Ka i'amba Ondae i Ue Ala mepau ndi onae, ”Hangano u'emaomo mongkona atuu ka nahi upo'ema tinuwu melai ka pompolia tiano koroimu omuemu saru nahi upo'ema penaado iwalimu, tendeano mo'ema ponto'ori tiano monteahako moleoa,

Ayubi 16:17

maupo nahina poweweu lambaha a ngkaeku, ka pekakaiku moleo inso i aroaku.

Po'unde-unde 134:2

Tandeomo kaemu a mpo'ianga mempori ka unde-unde Iramo i Ue!

Po'unde-unde 141:2

Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

Po'unde-unde 24:4

”Mia anu morina kaeno ka molino aroano, anu nahi peweengakono koroino a pompopo'oo, ka anu nahi pesumpa megaupi.

Po'unde-unde 26:6

Kuwo'ohio kaeku tondonino nahina salaku, ka ku'amba melempa lumimbuo meda-Miu pontunua pesomba, oo Ue,

Po'unde-unde 28:2

Irongeomo po'emaku, mebooli aku mepetulungi ndi Omiu, ka tumandeo kaeku te'aro a mpo'ianga-Miu anu tedoa mempori.

Po'unde-unde 35:13

Sine ongkue, tempono domemahaki, kupokonao sawu po'inombo; ka me'urumako saru mepuasa, ka mekakai mbo'u saru metuundu,

Po'unde-unde 63:4

Hangano pompehohawa-Miu moikoopo sekono tuwu; wiwiku ta melangkai Komiu.

Po'unde-unde 66:18

Ande-andeno hinao tinoo mosa'o i laro aroaku, manasa Ondae i Ue nahi Dobehe rumongeo.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Yesaya 1:15

Tempono imentineo kaemiu, Aku wolilio rupa-Ku tendeano maupo temararu impekakai, nahi Aku merorongeakono, hangano kaemiu bukeako rea.

I MATIU 21:21

Dosangki ira i Yesu, ”Kupauakomiu, menteeano tewala mpompe'ala-ala komiu ka nahi menanta-nanta, komba butu komiu mpokoweweuo hapa anu wineweu-Ku a ngkeu ara atuu, sine mbo'u tewala impotaeakono torukuno andio: Pelimbamo ka utetadiako a laro ntahi! Anu kanatuu ta gagi.

I MATIU 5:44

Sine Kupauakomiu: Pehohawa iramo iwalimiu ka pekakaiako ira anu bobarasai komiu.

I MATIU 6:12

ka I'ampuniomo halamami, kana omami mbo'u me'ampunio salado walimami ndi omami;

I LUKASI 23:34

Dopotae i Yesu, ”Oo Ama, I'ampuni iramo, hangano nahi domento'orio hapa anu wineweudo.” Ka mpotende ira undi ka dompetiao sangka-Do.

I LUKASI 24:50

Ka Do'amba i Yesu wawa ira mpeluarako inso a ngkota hawe umpeda i Betania. I tu'ai Dotandeo kae-Do ka Doronso ira.

I YOHANE 4:21

Dopotaeakono i Yesu, ”Pompe'ala-alamo ndi Ongkue, hei beine, ta hawe tempono, nine komiu mpesomba ndi Ondae i Ama komba a ntorukuno andio ka komba mbo'u i Yerusale.

WINEWEUDO TINENA 10:2

Onae moleo aroano, onae saru luwuno pe'asa rahano doitoako Ira Ue Ala ka hadio ipompowee petulungi a nto Yahudi ka wela mekakai ndi Ondae Ue Ala.

WINEWEUDO TINENA 10:31

ka ipotae: Koroneliusu, pekakaimu Dorongeomo Ue Ala ka pontulungimu mia mongkokolaro Doto'oriomo.

WINEWEUDO TINENA 10:4

Ikokontoo mala'eka atuu ka a laro doitono ipotae, ”Hinao hapa, Ue?” Sumangki mala'eka atuu, ”Luwuno pekakaimu ka pontulungimu mewuatakoomo i aro-Do Ue Ala ka Ondae Ue Ala mewowoloko.

WINEWEUDO TINENA 21:5

Sine mansano laloomo tempono, mpelungka kami mpotilaloakono pelempaamami. Luwuno ana guru saru beinedo ka anado mporonto kami hawe i bungkuno kota; ka i wiwi ntahi mpenggolontu kami ka mpekakai.

WINEWEUDO TINENA 7:60

Kontongaano menggolontu ka ipebooli meroku, ”Ue, siimo Ipopotembiako ira hala andio!” Ka umarino pauo atuu mateomo.

1 KORINTI 1:2

a bawaa-Do Ue Ala i Korinti, onaemo ondae anu pinokomempori ndi Ondae i Kerisituu Yesu ka anu mempinoboi gagi mia memempori, saru luwuno mia a luwuno po'ianga, anu mpebooli a nee-Do Ueto i Yesu Kerisituu, onaemo Uedo ka Ueto.

1 KORINTI 7:7

Maupo kanatuu tedoa moiko, tewala luwuno mia kana ongkue; sine sompo mia montarima pompowee inso ndi Ondae Ue Ala tiano onaeno, anu asa mia pompowee andio, anu mehano pompowee atuu.

2 KORINTI 2:14

Sine tarimakasi ndi Ondae Ue Ala, anu wela wawa kami a nsala poponangia-Do ndi Ondae i Kerisituu. Ka mesala ndi omami Dopaleleo i sua-suamo koa mana mo'ahino tumo'ori Ira.

PILIPI 1:12

Ineheku, luwuno pepaekompo, ka imento'orio, nine hapa anu gagi ndi ongkue andio onaemo pu'uno ka ikotele-teleleno Lele Mawongkoa,

1 TESALONIKA 1:8

Hangano inso i olomiu ka itelele pau-Do i Ue komba butu i Makedonia ka i Akaya, sine a luwuno po'ianga teleleomo mongkona pompe'ala-alamiu ndi Ondae Ue Ala, onaemo pu'uno siimo kimpompau hapa-hapa mongkona atuu.

1 TIMOTIU 5:14

Onaemo pu'uno ineheku tuwu beine anu da memongura ka dompekombia mbo'u, mpe'ana, mosongka a laro nsomborino ka si mpompauako tarono pu'uno mokomosa'oo neeto.

TITU 3:8

Pau andio mentee ka ineheku ka upokomorosoo ntu'u, ka luwudo anu mpompe'ala-ala iramo ndi Ondae Ue Ala ka dompe'o'osu ntu'u meweweuo anggaa anu moiko. Onaemo anu moiko ka mentudu a mia.

IBARANI 10:22

Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

1 PETURU 3:7

Kanandio koa mbo'u omiu, hei luwuno tama mpekombia, imentuwumo pande mposongka saru beinemiu, kana mia anu lalu molema! Impelangkai iramo kana walimiu mpe'umbuo pe'aroa pompowee, onaemo tuwua, ka si tetombolei pekakaimiu.