1 TIMOTIU 2:7 - Wunta Mempori

⁷ Hangano ponsakosiimo atuu ka kupinakosi gagi pompalele ka tinena – anu pinauku andio mentee, nahi kupegaupi – ka gagi pompaguru mia anu komba to Yahudi, a pompe'ala-ala ka menteea.

1 TIMOTIU 2:7 ပူးပေါင်းရင်းမြစ်များ

Po'unde-unde 111:7

Moleo ka mentee wineweuno kae-Do. Luwuno parenta-Do moroso,

Puu Pontutulu 1:12

Ongkue, Puu Mpontutulu, onaemo mokoledo to Isaraeli i Yerusale.

Puu Pontutulu 7:27

Kitao, ipotae Puu Mpontutulu, ndiomo anu hinaweku: Nte'o'asa kupotudao ka kuhaweo tepakosiano.

I YOHANE 7:35

To Yahudi atuudo mpepau-pau pada ondaedo, ”I suake Ira lumako, ranta nahi kita mpokohawe Ira? Onaeke tinoo-Do Ira lumako ndi ondae anu mpo'ia a mpelakopia, i olodo to Yunani, ka Dopaguru ira to Yunani?

WINEWEUDO TINENA 14:27

Sahawedo i tu'ai dopoboi ira bawaa mpepumpu, ka do'amba tumutuluo luwuakoano anu wineweu-Do Ue Ala mesala ndi ondae, ka nine Do'ungkahiako iramo tongku susua pewowa a pompe'ala-ala.

WINEWEUDO TINENA 22:21

Sine pau-Do i Ue ndi ongkue: Lakomo, hangano Aku tumenako olai inso i ndi'ai a luwuno tongku susua.”

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 9:15

Sine pau-Do i Ue ndi onae, ”Lakomo, hangano mia andio onaemo parewa bininiki-Ku ka ipaleleo nee-Ku a luwuno tongku susua saru luwuno mokole ka to Isaraeli.

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 10:14

Sine kana'umpe ka dompokompebooli ndi Ondae, tewala nahi dompe'ala-ala Ira? Kana'umpe ka dompokompe'ala-ala Ira, tewala nahi domerongeo mongkona Ondae. Kana'umpe ira merongeo mongkona Ondae, tewala nahina anu palele Ira?

ROMA 11:13

Kupauakomiu, hei luwuno tongku komba to Yahudi. Hangano ongkue Tinena a luwuno tongku komba to Yahudi, kutuduo atuu marambano pompekakaakoku,

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 9:1

Ongkue mompau menteea hangano Ondae i Kerisituu, nahi kupegaupi. Pompauno aroaku mesakosii mbo'u hangano Penaa Mempori,

1 KORINTI 9:1

Kombake ongkue tinena? Kombake ongkue mia malua? Kombake kukita Iramo i Yesu, Ueto? Kombake omiu wuano inanggaku ndi Ondae i Ue?

2 KORINTI 11:31

Ondae Ue Ala, Ama-Do i Yesu, Ueto, anu inunde-unde ranta nahina tampulaano, tumo'orio, nine nahi kupegaupi.

GALATIA 1:16

memoikoo mokomengkaa Ira ana-Do i laroku, ka kupalele Ira i olodo luwuno tongku komba Yahudi, ka maupo tepohona nahi kupo'ema pontimbangado mia;

GALATIA 1:20

I aro-Do Ue Ala kupokomanasao: hapa anu kuburiakomiu andio mentee, nahi kupegaupi.

GALATIA 2:16

Imento'orio, nine nahina maupo te'asa mia anu pinokomentee hangano iweweuo songka Taura, sine hangano pompe'ala-ala ndi Ondae i Kerisituu Yesu. Onaemo pu'uno omami mbo'u kimpe'ala-ala Iramo i Kerisituu Yesu, ka kimempinokomentee hangano pompe'ala-ala ndi Ondae i Kerisituu ka komba hangano meweweuo songka Taura. Hangano, ”nahina maupo te'asa mia anu pinokomentee” hangano iweweuo songka Taura.

GALATIA 2:9

Ka mansado mengkitao pompehohawa anu kuwineeako, onaemo i Yakobu, i Kepa ka i Yohane, anu tinudu gagi perorohiado bawaa, mpesangkalimaakune ka saru i Baranaba gagi tondonino tepo'asaa, omami ka kilako a mia anu nahi dompetindi ka ondae a mia anu mpetindi;

GALATIA 3:9

Gaagi ondae anu mentuwu inso a pompe'ala-ala, ondaemo anu merinonso meronga saru i Burahima anu mompe'ala-ala atuu.

2 TIMOTIU 1:11

Tianomo Lele Mawongkoa andio ka kupinakosimo gagi puu pompalele, gagi tetenaa ka gagi guru.

2 PETURU 2:5

ka tewala Ondae Ue Ala nahi Dopehohawao wawontolino i ndi'upua, sine butu kumaduduio i Noho, pompalele menteea atuu, saru opitu mia susua, tempono Dopokololowio wawontolinodo mia anu mosa'o gaudo;