Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”
sine anu kanandio-andio pinokomengkaaomo ka montonda parenta-Do Ue Ala anu nahina tampulaano, pinaleleomo a luwuno tongku hangano wuntado luwuno nabi anu wawa ira ka dompetonda mpompe'ala-ala –
ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.
anu i tempono mapa'api-api ntumuwu i ndi'upua nahi pinalele a luwuno anano mia, sine anu kanandio-andio pinokomengkaa i larono Penaa a luwuno tinena ka nabi anu mempori,
ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.
tewala hawe Ira a oleo atuu ka Dopinokomaramba i olodo mia mempori-Do ka domengkohali-haliakono luwuno mia anu mpompe'ala-ala, hangano ponsakosiimami ndi omiu impe'ala-alaomo.
anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.
ka mewinso Iramo pohona a laro po'ianga mempori ranta nahina tampulaano komba saru mowawa reano bimba lakino ka reano ana nsapi, sine saru mowawa rea-Do Ondae-Do. Ka saru atuu mohawe Iramo tepotolaa anu nahina tampulaano.
Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,
Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.
ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –
Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.