1 TIMOTIU 1:5 - Wunta Mempori

⁵ Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

1 TIMOTIU 1:5 ပူးပေါင်းရင်းမြစ်များ

Po'unde-unde 24:4

”Mia anu morina kaeno ka molino aroano, anu nahi peweengakono koroino a pompopo'oo, ka anu nahi pesumpa megaupi.

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

Yeremia 4:14

Pokomorinaomo aroamu inso a wineweu mosa'o, hei Yerusale, ka ukinadudui! Opiapo mbo'u tehineno ipo'ia i laro aroamu luwuno tinoomu anu mosa'o?

Sepanya 3:7

Kupewowoloo: Manasa kanandio-andio onae ta doito ndi Ongkue; onae ta merioo pohuku. Luwuno anu Kuhukuakono nahi ta kumolupeo. Sine tendeano kogagi-gagino dompoweweu anu mokoburu.

I MATIU 12:35

Mia anu moiko moluarako luwuno anu moiko inso i larono anu moiko ka mia anu mosa'o moluarako luwuno anu mosa'o inso i larono anu mosa'o.

I MATIU 5:8

Me'uraomo mia anu mempori aroado, hangano ira mengkita Ira Ue Ala.

WINEWEUDO TINENA 15:9

ka nahina ntu'u Doponpesusua i oloto saru ondae, umari-Do mokomemporiako ira aroado hangano pompe'ala-ala.

WINEWEUDO TINENA 23:1

Kontongaano mengkita a Mpuu Mpobitara Agama, motae i Paulu, ”Hei pepaekompoku, hawe a oleo andio tuwu aku mpiha a laro moputeno aroaku i aro-Do Ue Ala.”

WINEWEUDO TINENA 24:16

Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia.

ROMA 10:4

Hangano Ondae i Kerisituu Ondaemo umihiio songka Taura, onaemo ka dompohawe menteea sompo-sompo mia anu mompe'ala-ala.

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 14:15

Hangano tewala upokomahakio aroano pepaekompomu hangano hapa anu kinaamu, onaemo ka nami utuwu mbo'u montonda inemano pompehohawa. Si solangio pepaekompomu hangano kaangamu, hangano Domateakonomo i Kerisituu.

ROMA 9:1

Ongkue mompau menteea hangano Ondae i Kerisituu, nahi kupegaupi. Pompauno aroaku mesakosii mbo'u hangano Penaa Mempori,

1 KORINTI 13:1

Maupo kupolio mepauako luwuno paudo mia ka paudo mala'eka, sine tewala nahina pompehohawaku, mengkena akumo saru tawa-tawa anu me'uni ka dio-dio anu mangkii.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

1 TIMOTIU 1:18

Anggaa andio kuweeakomu, Timotiu anaku, menunu saru hapa anu pinauomo anu ta gagi mongkona koroimu, ka ipokomorosoko pinau anu ta gagi atuu umanggao anggaa anu moiko a pompe'ala-ala ka aroa mewine anu mentee.

1 TIMOTIU 1:19

Ba opia mia domperioo aroa mewinedo anu mentee atuu, ka onaemo pu'uno nami hina pompe'ala-alado,

1 TIMOTIU 3:9

tendeano mia anu mekariao rahasiano pompe'ala-ala i laro aroa anu mempori.

2 TIMOTIU 1:3

Montarimakasi aku ndi Ondae Ue Ala, anu kupekakaako Ira a ponto'orino aroa anu molino kana anu wineweudo uempu'uku. Ka kuwela mewowoloko a laro mpekakaiku, moiko meene maupo wongi.

2 TIMOTIU 1:5

Hangano kupasi mpewowoloo pompe'ala-alamu anu komba mo'onde-onde, onaemo pompe'ala-ala anu amba-ambano tuwu i larodo uemu beine i Loisi ka ndi inemu i Eunike ka anu kupe'ala-alao tuwu koa mbo'u i laro ngkoroimu.

2 TIMOTIU 2:22

Onaemo pu'uno olaiakono po'eheno aroado mia mongura, ungkeomo moleoa, petenunua, pompehohawa ka sintuwu meronga saru ondae anu mpebooli ndi Ondae i Ue a aroa anu morina.

TITU 1:15

A mia mempori luwuno mempori; sine a mia mokoburu ka a mia nahi pompe'ala-ala maupo te'asa nahina anu mempori, hangano moiko pinewowolo maupo po'o'aroado mokoburu.

IBARANI 10:22

Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.

IBARANI 13:18

Impekakaiakami mpiha; hangano kimpe'ala-alao, nine pohaweno aroamami moiko, nde a luwuakoano inehemami aasa tuwua anu moiko.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

1 PETURU 4:8

Sine anu lalu i wawono: imemambe pehohawamo ntu'u, hangano pompehohawa tumutuwio hadio ntu'u hala.

2 PETURU 1:7

ka a moleoa pompehohawa a luwuno pepaekompo, ka a pompehohawa a luwuno pepaekompo pompehohawa a luwuno mia.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.

1 YOHANE 3:3

Sompo mia anu momperorohi atuu ndi Ondae, mepokomempori mengkena kana Ondae anu mempori Ira.